>> Unicode <<
~~~~~~~~~~~~
မိုးစက်တဖြောက်ဖြောက်ကျနေသည့်ညချမ်းဟာ တစိမ့်စိမ့်အေးလျက်ရှိသည်။ တဲထဲမှထွက်လာကြတဲ့ အကို၊ ကိုထူးသာနှင့် ဟိုဘက်တဲကလူတစ်ယောက်ရယ်ဟာ ရယ်ရယ်မောမောစကားပြောနေကြ၏။ ဘာအရေးကိစ္စလဲဆိုတာတော့ စောလည်းမသိရ။ သူတို့သုံးယောက် တဲထဲမှာစကားပြောနေချိန် အကိုက စောကိုကွပ်ပျစ်မှာပဲနေခိုင်းထားသည်။
" ကိုကျော်သစ်ကတော့ ဟိုဘက်မှာဝိုင်းကောင်းနေတယ်၊ ကိုထူးသာတို့လာခဲ့ဦးလေ "
" အေး လိုက်မယ်ကွာ "
ဆိုကာ ကိုထူးသာက ထိုလူနှင့်အတူထွက်သွား၏။
" အရေးတကြီးကိစ္စလားအကို "
စော မေးလိုက်တော့ အကိုကခေါင်းခါရင်း..
" ကိုယ်ရေးကိုယ်တာကိစ္စပါပဲ၊ မင်းကိုယ့်ကိုပြောစရာရှိတယ်ဆို "
" ဟုတ်တယ် အကိုမအားသေးလို့ "
" အခုပြောလို့ရပြီ၊ အေးနေပြီ အထဲဝင်တော့ "
တဲထဲရောက်တော့ အကိုက ရေနွေးကြမ်းသောက်ရင်း ထိုင်နေ၏။ စောက သိမ်းထားတဲ့အပြာရောင်လွင်လွင်အနွေးထည်လေးကို ထုတ်လာသည်။
" အကို့အတွက်.. "
" အင်္ကျီ ? "
" ဟုတ်တယ် အနွေးထည်၊ အကိုလိုအပ်မယ်ထင်လို့ "
အကိုကပြုံးလျက် အနွေးထည်လေးကိုယူပြီး ဖြန့်ကြည့်နေ၏။ ထို့နောက် ချက်ချင်းဆိုသလို ကိုယ်မှာဝတ်ကြည့်နေသည်။ လက်ခံသူကသဘောကျရင် ပေးတဲ့သူမှာလည်းကြည်နူးရတယ်မဟုတ်လား။
" ကျေးဇူး စော.. ကိုယ်သဘောကျတယ် "
အပြာရောင်ကြိုက်တဲ့အကို့အတွက် လက်ဆောင်ပေးဖြစ်တဲ့ အပြာရောင်အနွေးထည်လေး။ Price tag ကို ဖြုတ်ခဲ့တာမှန်သွားတယ်။ မဟုတ်ရင် အကိုကျွန်တော့်ကိုဆူဦးမှာ။
" အကိုကမကောင်းဘူး "
အကိုက ချက်ချင်းပဲလှည့်ကြည့်တယ်။ တစ်ခုခုများလုပ်မိသလားဆိုပြီး အသည်းအသန်ပြန်တွေးနေဟန်ပါပဲ။
" လက်ဆောင်ကိုတော့ သဘောကျတယ်၊ လက်ဆောင်ပေးတဲ့သူကိုတော့ ငြင်းလာတာနှစ်ပေါင်းမနည်းဘူးလေ "
YOU ARE READING
နှလုံးသားရဲ့စကားသံ ( Completed )
Romanceဒါလေးက " မောင့်မူပိုင် " ရဲ့ side story ပါ။ ဆိုပေမဲ့ Love triangle မကြိုက်သူတွေက ဒါပဲဖတ်မယ်ဆိုလည်း အဆင်ပြေပါတယ်ရှင့်။
