الـ قـُتـام الـعـاشـر..
بـقـلمـي..زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
_______________________________________________________
بعَتني بلا مَساوَم بيعِت المِحَتاج .
_______________________________________________________
ريـنـاد..
جنت ضايجه فـ أخذت الأذن من أهلي ورحت يم خـالتي شوي أغير جو يمها بس ماجنت أعرف بهيج يوم راح تتغير حياتي
گضيت نهار كامل يم خـالتي ورجعت لأهلي بالليل وي أخوي
بس وراها بـفترة تفاجئت من سمعت خالتي رغـد تحجي وي أمي بصوت خافت وأمي تگللها اي خلي يجون هسه أسأل الحجي ونشوف ..
ماعبالي فد شي خاص بيه تجاهلت الموضوع بس بقه بـعقلي
بـمرور الأيام خالتي فاتحتني بموضوع أنو أكو ناس طالبه أيدي منها ويردون يجون لأهلي من معارفها يعني تصير حماتها لـ خاله رغـد وماقتنعت بالموضوع وغلست حته ماگلت لأهلي
بعدها بأيام أجو وخالتي وياهم والموضوع طلع صدك طلبوني من أهلي
ماقبلت ولا أقتنعت أبد بس حاجوني أهلي رفضت بس للأسف همه وافقو ببدالي وأنطوهم خبر أنو يتفضلون عدنه
شكد حاولت وشكد حجيت ورفضت بس للأسف أهلي مو وياي ضدي..
ثاني يوم أجو أهل الولد والولد وياهم قابله أو رافضه خلوني أتجهز وأدخل ألهم
لبست فُستان نازگ ومكياج خفيف
أخذت الضيافه ودخلت سلمت على الموجودين قدمت الضيافه وكعدت
رفعت أنظاري أجت عيني بـعينه لابس دشداشه سوده ومو يمي أبد بس شبيدي على قسمتي
بدأو الأهل يحجون بأمور الخطوبه وكل مايكولون عن قريب تصير أحس شي بداخلي يمنعني
أحس بعدني أحب أبراهيم وأذا تزوجت أخونه ماعرف شنو هاي الأحاسيس بس گلبي تعبان ويريده.."
بس تفاجئت من ضلو ينزلون بالمهر وأهلي يصعدون حسيت نفسي شغلة للبيع وكاعدين يساومون عليها
أنقهرت ونار أشتعلت بداخلي رفعت أنظاري أجت عيوني بعيون أمي وسكتت ولو أعرف شنو أحجي وياهم بس سكتت لخاطرها حته ماتتأذه بس للأسف وافقو للأسف
باركولنه على الموافقه وحددو موعد الخطوبة على السريع وماكدرت أحجي شي لأن شما أحجي ماأغير شي وسوو الأمور الي يردوها
