وَبشّر الصَابرين

الجزء العاشر

الصلاة الابراهيميه🌼.
٫ اشهد ان لا إله الا الله واشهد ان محمد رسول الله اللهم صلي علي محمد وعلى ال محمد كما صليت علي ابراهيم وعلى ال ابراهيم انك لا حمديآ مجيد 🌼 .

***
☄️مقعمزه قدام البحر والمطر تصب بقوهه ودموعها تخلطن مع قطرات المطر..كان الشط فاضي مفش الا هيا تحس في روحها وحيدهه لعند م شافت خيال واقف مقابل البحر مسحت عيونها زين من تضبيبت الدموعع وتأكدت انه مزال واقف مشت ناحيته ووقفت وراهه قعدت اتفرج عليه بلا اي صوت .. لعند ردت تبكي من جديد التفت وابتسم لنا شافها مسك يدها زين وخذاها وخش هوا وياها للبحر وكل متقدم كانت تزيد تمسك في يدهه لعند محست الميه وصلت لنهاية وجها وبدتت تختنق وشفاته مزال مكمل لعند وصلو عند حافه عاليه طلق يدها ودفعا منها...☄️.
ناضت مفجوعه حطت يدها ع قلبها لي من كثر دق تحسه بيطلع من مكانه..
خذت شوي دقايق تستوعب ان هذا حلم مسحت بيدها ع وجها وردت شعرها لاورهه..
نزلت من سرير وطلعت بش تشرب اميه..
لقت ضي دار امها والع استغربت وعدت شورهه..
لقتها واعيه وتقرا في قرآن ابتسمت وعدت للمطبخ شربت ميه وردت رقدت ففراشها ..

***
" خذاتك غيري قاللولي خذاتك غيري ..
خذاتك غيري قاللولي خذاتك غيري..
خذاتك غيري عدي مربوحه ي طيري ..
خذاتك غيري قالولي خذاتك غيري..
قالو فرحان تحكي بيها فكل مكان ..
يفكل مكان ونسيت العشره والي كان..
ياولي كان وبعت غلايا نا زمان..
خذاتك غيري قاللولي خذاتك غيري..
ي دمعه حيري صوب قديم خذاته غيري..
خذاته غيري غير الدمعه ويش الديري..
ي ويش الديري والمشكه لي الله ي عين ..
خذاتك غيري قاللولي خذاتك غيري"
خدوج:الصوت فزتيي..
هناء:اها والله صوتك خيال في الاغاني..
ميار ببتسامت كبر قالت:امم عارفهه..
خدوج:الاغنيه مجتش ع جرح الاسف مش ح نعززلك اكثر من هكي..
هناء:مي تو..
ميار:ي جهلات نا نغني وخلاص
هناء:باهي غانيلنا حاجه اخرهه..
ميار:فعينك بنعدي نتفرج ع تلفزون..
خدوج:مفش طفيته انخمدي..
ميار:مش منجدكك؟؟
خدوج:ارقدي يبت وراك مدرسه اسمعي الكلام
وقبل مترد خشت زهرة ومدت تلفون لهناء:هاكي هدرزي مع خطيبك ..وطلعت.
هناء:يرب صبرني فتحت وحطاته ع وذنها
"الو"
:اهلين
"اهه ريفت عليه الصوت هذا"
ابتسمت بزدراء وخواتها يتابعن في معالن وجها:شنجوك
"تمام الحمدالله وانتي"
:الحمدالله..شن صار في تلفون"
"لا خلاص بإذن الله بكرا نجيبه."
:تمام
"بنسالك"
:اسال!!.
"انتي دايره تأمين للوتس مبدري بنفتحه قالي حط رقم هذ قبل معرفتش قوليه ليا؟"
:وانتا عليش تفتح فيه؟
"مهو بعد سفتوير انحذفت كل حاجه نزلتهن لك من جديد وبنفتحلك حساباتك"
:امم..دارت روحها عبيطه وقالت:بس معرفتش الرقم شنو را..
"تي رقم ينحط بعد ندير تسجيل دخول"
:امم منعرفش مرات ديرته ليا خدوج منعرفاش انا.
"باهي اسالي خدوج تو تقوله لك"
:امم لا مهو خدوج بايته عند خالتي ومسيبه تلفونها فلحوش"خدوج بحت فيها ودارت حركه بيدها وميار مسكت ضحكتها..
"اهااا باهي مش مشكله"
:ايوا..
نقص صوته وقللها:ريفت عليك ي مجنونه اهه
عكرشت وجها بقرف وقالت:ماما تبي تلفونها بكرا نحكو سلام وصكرت..
خدوج:ديري وضع طيران بسرعهه..
هناء:حي نسيت..
ميار:عليك قرف بجد ربي يعينك
هناء:سلمك
ميار:كل ما ليا نستكشف اني عايشه في نعمه
هناء:سلمك
ميار:الحمدالله تحق بلاوي ناس تهون عليك بلوتك ولحتت في خدوج
خدوج وهناء مع بعضهن:سلمكك
ميار:مثقل دمكن..
خشت زهرة بتخذ نقال وقالت مع بناتها:سلمك خلاص بطلن مناقرهه وانخمدن..
خدوج:هي نانن حبيباتي نا ساهره عشان انا كبيرهه
زهرة:ناني حبيبتي نا الي كبيرهه
ضحكت هناء وقالت:خلاص ننو كلكم خير ميرد يرن اخره
ضحكن البنات وزهره طلعت وطفت الضي..
ميار بصوت واطي:بنات
هناء:همم
ميار:خدوج متي؟
هناء:شكلها
ميار:وانتي امتا تموتي
هناء:امتا مربك يخذ امانته
ميار:به تصبحي علي خير
هناء:وانتي من اهله
خدوج:بنات
هناء:هممم
خدوج:ميار متي؟
هناء:مثقل دمكن يرا
ميار ضحكت وقالت:شرايكن نصبو نتفرجو ع مسلسل
خدوج:الله فكرة حلوه به شرايك ترقدي خير منصبي نهرسك
ميار:افففففف
هناء: بنتك
خدوج:واووو حصله في 2014
هناء بضحكه:مزالت سالكه والله
ميار:به خلاص رقدن يبرد