وَبشّر الصَابرين

الجزء السابع .

-🌟 لما تقعدي مصدر الهام لي ناس حاولي يكون المحتوى لتعطي فيه نضيف وفي نصائح يمكن ينفعن لي يقراهن لقدام..خلي قصتك فيها عبرهه جميله يتعضو منها ناس ويمكن تغير تفكيرهم وتفتح عيونهم ع حجات معميين عنها..
لما تنشري شي لكي حاولي يكون في نطاق الحدود المسموحه شي ميركبكش ذنوب انتي في غنا عنها..
ولما تعطي نصيحه وتجيبي دليل من كتاب الله العزيز او من كلام اعضم البشر صلى الله عليه وسلم..حتوصل المعلومه اسهل ويمكن يقتنعو بيها ويمشو عليها..
لما تخلي اسلوبك في الاسترسال ممتع وسلس بدون انتقاد لبعض الناس او المدن او قبائل ..
بعد تقري شي وميعجبكش مش مفروض عليك تكملي تقدري تغيري وتختاري نوعيه من القصص لي انتي تحبيهن..
ولما تجي تنتقدي حد يكون اسلوبك كويس وعنده دافع الانتقاد..
ويريتتت تعرفو معنه كلمت انتقاد..مش مجرد ابداء رائي علي شي معجبكش..
والانتقاد له ناس تفهم فيه ويعرفو معنه الكلمه وامتا تستخدم صح ف يريت نخلوه لناسه🌟.
✨✨✨✨✨✨✨✨✨✨✨✨.
ثاني يوم في تركيا العاصمه"السطنبول"..
الساعه9:30صباحآ..
كانو مقعمزين يفطرو قدام منضر جميل ومريح للعين..
وهي تأمل في عصفور ببتسامه حلوه قالت:يخي محالهن العصفير..
قللها ببتسامه:تحبيهن..
نسرين:واجد بكلل اخرهه..
عوض رد ياكل بصمت لعند قالت من جديد:استغفرالله يعني بس تخيل ربي خلقني عصفور..حسدته ع الحريه لي عايشها..ياكل من لي يرزقه له ربي في اليوم ويتنقل من مكان المكان ينوض بدري ويرقد بدري وحياته خاليه من هموم كيفنا ..
عوض ركز فيها وهي تحكي..
وهي مكمله تقول:الحمدالله بحتت فيه وقالت بضحكه ديمه نفكر هكي ونا مش حاسه بنعمه ربي عليا وزعت نضرها ع المكان وقالت بنسالك سؤال..
قللها:اسالي
قلتله بهدوء:ليش متقرب من ربي صدقني ح تغير حياتك الاحسن..
مرر نضره ع مكان بضيق ولتزم الصمت..
قلتله بحب:عارفه الموضوع حيكون صعب في بدايته بس نا معاك ح نسهله عليك مسكت يده وبشي من ترجي قالت:خليني نرد ولو جميل واحد من جمايلك عليا ..
عوض رفع عيونه فيها وقال:حاس روحي تاخرت واجد..قعدت انسان عاصي وتوبته متقبلش
هيا بشي من الانفعال قالت:لا ي عوض متقولش هكي ربي يحب عبادهه وخص بذكر في كتابه الكريم لما قال "إِنَّ اللهَ يُحبُّ التَّوَّٰبِينَ ويُحِبُّ الْمُتَطَهّـِرينَ"لو غلطت الف مرا مدمه الشمس قاعده تشرق من الشرق وباب التوبه مفتوح مضيعش الفرصه عشان متندمش بعدين صديقني يعوض حياتك حتبقى احلا من هكي ويخي حتحس روحك في نعمه وتندم انك كنت متغاضي عنها لسنين ..
قللها:بس ي نسرين انتي قريبه من ربي وخاتمه القرآن كذا مرا وشفتي حياتك مقدرش يكمل كلامه عشان ميذكرهاش بحجات يوجعنها وهي فهمت قصده وقالت ببتسامه:ربي اذا احب عبدآ ابتلاه...
ربي يمتحن فيا ويشوف فيا نصبر ع امتحاناته ليا وهل نستحق نكون من عباده الشكرين له ع نعمه كانت خير اول شر..
وفي واجد قصص الانبياء والابتلائات منهن لي ربي ابتلاهم بيهن في الابتلاه بنعم وفي لي ابتلاه بخسارت النعم شوف قصة سيدنا يوسف لي ربه ابتلاهه بخوته لي رموهه في البير وهوا صبر ع ه الابتلاء ورضا بيه..وسيدنا يونس لي ابتلاه لما بات في بطن الحوت ..
وفي عز الضلمات اعترف بذنبه وقعد يردد في دعاء"لا إله الا انت سبحانك اني كنت من الضالمين"انا بشر والانبياء بشر ومفش حد معصوم ع الغلط ..ومرات انا غلطات وتعقبت ب هلي ع الغلطه هذ ونا رضيت وصبرت لعند ربي عوضني بيك..
هوا ابتسم ومسك يدها وقال:كلامك مُريح واجد..
قالت ببتسامه حلوه:ومزال لو جربت شعور الكلام هذا..اكتفا ببتسامه وهي مبتش تزيد تناشقه الشي هذا حيكون احلا لما يجي بلقناعه ومن القلب وكملو فطورهم عادي..
✨✨✨✨✨.
والبنات عدن لحوش خلتهن بدري ليوم..
خشن للحوش ونص لي فيه مزالو رقدين..
توجهن للمطبخ..
خدوج:صباح الخير
بنت خالتها بوجه باهت:صباح الخير
خدوج:شن ديري؟
قلتلها:نفطر في البنات"بناتها وبنات خواتها"..
خدوج:هاتي نعاونك..
قلتلها:صحيتي بس بالله عليك مصمصي المعين بنعدي ندوشلهنن..
خدوج ببتسامه:حاضر وشمرت كمامها وخشت تلم في الكوجينه..
وهناء وميار كانن مع امهن في الخيمه..
صكرت المصحف وقلتلهن:خدوج وين..
هناء:خشت للحوش تشوف باك في حد واعي..
هزت راصها بصمت وهناء قربت منها كرسي ومسكت يدها وقالت:ماما عارفه انك زعلانه مني والله ونا كارهه روحي بس بنفهمك حاجه..
زهرة تراجي فيها تكمل كلامها هناء زفرت ومررت نضرها ع الخيمه ورداته الامها وقالت:مشعارفه كيف بنقولها بس اختك كذبت عليك ونا مش عارفة هيا شن قلتلك بس والله مش صح واهي ميار قدامك واسالي هيا لي خذت تلفون اول وحده وشافت شن فيه ...
ميار هزت راصها بإجاب وقالت:صح ي ماما مش كل لي قالته صح وفي منه حاجات جبتهن من راصها ونا شفت كل حاجه والله
زهرة تنهدت بإستياء وقالت:ويبقا الغلط عليك انتي بذات انتي لي عطيتي الناس فرصه تدوي عليك شي صار وشي مصارش الله يسامحك خليتيهم ياخذو فيا فرصه..
هناء بعيون مدمعه قالت:غلطه ومتكررش بأذن الله بس نبيك ترضي عليا وتردي كيف قبل والله م متحمله لي يصير ي ماما..
زهرة حضنت بنتها وقلتلها:خلاص صكري عليه الموضوع انا نسيته..
هناء ابتسمت وقلتلها:نحبك وميار مبتسمه..
والي صار هذا كان تحت عيون امينه لي هزت راصها بعدم رضا وخشت جوا..
✨✨✨✨✨✨.
ويمر شهر اربعه بدون جديد يذكر في حيات رهف..
وكذالك عند هناء لي فرحانه برضا امها عليها زي قبل..
وعند خدوج لكانت تجهز في روحها بسعادهه مزال شهر بس وتعيش مع حبيب عمرها تحت سقف حوش واحد..
وعند نسرين وعوض كان الوضع مستقر وحلو زي قبل..
وخش شهر مايو بجوهه المتقلب..
مصبيا تهدرز مع اختها لي تنشف في الدروج...
بضيق قالت:الجو يغم
خدوج:اتفقت معاك ع حب الشتاء
هناء ببتسامه:الله غر امتا يجي منتريح الا فيه..
خدوج:تو يجي..سمعتي ببنت عمك؟
هناء بتسغراب:لا؟
خدوج سقمت تقعميزتها وقلتلها:مش يحنه جو يعزو في ماما مرات عمك وبناتها قيسها مرات خالك عجبتها هند وبتخذها لي فارس..
هناء بندهاش:دوو فيها..
قلتلها:اها رنت ع ماما سالتها وقلتلها تجس نبض ..
هناء:خي منحبش جو هذا تخش في جنازه ولاجوزاه تو بعدين كان صار شي يقعد فوجه ماما..
خدوج:مدخلناش نحنا نربطو الخيوط ونفوتو..
جت ريح قويه حركت ستار الدروج وخش معاه غبار هناء بتذمر قالت:والله معاد حطه فيه مكنسه..
وخشت للحوش..
خدوج ضحكت وسقمت الكرسي ولحقت اختها وصكرت الباب زين..
✨✨✨✨.
قاعده فلمطبخ تحط في اخر لمساتها ع تجيز كيك ..
خشت امها عيونها لمحن بحب وقالت:واخيرآ درتيه..
رهف ضحكت وقلتلها:كسدت قت نصبي نحرك روحي..
جميلة:بتحطي توا؟
قلتلها وهي تحط في شرائح الفراولة عليه من فوق بحذر:دقيقه ونجيبه..
جميلة:تمام ندير معاك حاجه؟
رهف:عدي تريحي بس ..
طلعت من لمطبخ ورهف خذت تلفونها وجت خذتله صوره حلوهه وحطتها ستوري ولهت مع تعليقات صحباتها عليه..
"وين ي رهف"
رهف:هيا جايا هي..
• • • • • • •
"خيال خيالل خياللل"
حطت الكشيك في فمها وبتسمت بكبر ...
هاجر:افتحي محل حلويات ...
رهف:متبلغيش نا وحدي مستغربه فيه كيف طلع هكي..
ضحكت هاجر وقالت:مبعدك بتحطي فيه حاجات بهذك الحساب ويطلع كيف وجكك..
بلعت لي في فمها وقالت:اصلا لولا الحجات لي بهذك لحساب مطلع هكي
"ي خاينهه ي خاينهه ي خاينهه الخونه في عيونك باينه"
رهف بتذمر:اياهه جت هيفاء عجرم
هاجر مسكت ضحكتها وقلتلها:هي منرضاش فيه
شويا وخش عليهم:اوو ساندي عندنا..
هاجر ابتسمت بخجل ورهف قالت:وبتبات
اسلام:غريبه خلاتك خالتي عازهه
هاجر برتباك:مرا في سنه مش مشكله..
هوا مرر نضره عليهم وقال:كيف معندناش نحنا ولا شنو
رهف:عدي تلقا حصتك في الثلاجه ي مفجوع..
قللها بتضيقت عيون:كم خليتي طرف؟
قلبت عيونعا بملل وقالت:اثنين
هوا باسلوب مرح:ميصير شي ومشا باتجاهه الكوجينه..
هاجر ووجها حمر:متغير يخيا لي زمان عليه
رهف بإسلوب حاد مصطنع:تحشمي حتى قدامي العفو
هاجر بضحكه:معليش نسيت روحي حماتي
رهف ضحكت برفعت حاجه وحطت الكشيك في فمها..
بصوط عالي"ي خاينهه"
رهف بفجعه:افجع درايزك يالله
وهاجر تضحك عليهم...
✨✨✨✨✨.
"مهما ببعد قلبي انا وياك ..
حبيبي عنيك تطمني..الي بيا عليا بقيت شيفاهه وحاسس بيكك..بتلمسني وهعمل ايه؟
بتوحشني..
حبيبي خلاص حياتي معاكك..وهانت بكرا انا راجع
واه دلوقتي لو سامع..بحبك نفسي اقولهالك..
وانا ايدي في ايدك..حبيبي بقولك اطمن كلامك ليا بيهون..سنين عدت حعيش هالك وانا قدام عينيك"
تنهد تنهيده طالعه من قلبه
ورجعت بيه الذكريات لي ذكريات بعيدهه..
🔹🔹🔹🔹🔹🔹🔹🔹🔹
قاعده معاه قدام البحر .. هي تتأمل في البحر وهوا يتأمل فيها..حركاتها وسكناتها عيونها لي كانن من لون البحر..
قللها ببتسامه:تحبي البحر؟
ردت عليه وهي موجها نضرها للبحر بحب:امم..وهلبا بعد نقعد قدامه نحس براحه غريبه..وجهت نضرها ليه وبضحكه قالت:في هلبا ناس يقولولي تحبيه علي خطر نفس لون عيونك..
قللها بحب:امم..
عقدت حواجبها ومزالت مبتسمه قالت:عوض ليش قاعد في طرابلس..
قللها:تبيني نروح بنغازي ؟
بضحكه قالت:مش قصدي بس عمرك م تكلمتلي عنهم علي خاطر هكي سالتك..
عوض تنهد و وجه نضره للبحر وبعيون مدمعه قال:هلي متوفين..
هي بأسف قالت:الله يرحمهم..اسفه هلبا ..سؤالي بايخ
قللها ببتسامة حسره:كم مرا قتلك معش تتأسفي مني وثاني شي سؤالك عادي..ساوا تقعميزته وقال:يستي نا هلي ماتو فحادث ونا في سنه سادسه ابتدائي..
خذاني جدي عنده لين توفه بعدين قعدت مرا عند خوالي ومرا عند عمامي..تنهد وكمل..لكن الوضع مسعدهمش مصاريفي كانت واجد وبذات ع قرايتي..
اطريت نخدم خدمتين في اليوم ..
عشان نطلع حق مصروف شخصي ليا..وقعدت علي ه الحال لعند عمي قرر يطلع من بنغازي ويجي هن..
عشان واخذ مراته من هنا حب يستقر معاها جنب هلها وبرضو عشان اشغال عنده..وفعلآ خذاني معاه وجينا..
ودرنا شغل كويس هنا وارباحه كانت كبيره ومضمونه..
تعلمت منه الصنعه وفتحت بيها مشروع بروحي..
قبل فتره بسيطه عمي توفى وقعدت فحوش بروحي..
ببتسامه قال:واكيده بعد عرفتك مش حنفكر نرد لبنغازي ونسيبك بروحك..
ابتسمت وقالت بصوت هادي حلو:وبعد موت عمك انتا مش بروحك..حطت يدها علي يده وقالت انا معاك ونوعدك وعد عمري م ح نخليك حتى لو انتا خليتني وعد...
ابتسم وشد يدها بقوه وقال:نحبك هلبا
ضحكت وقلت:واني هلبا هلبا..وردت عيونها بنضرات حجوله للبحر..
🔹🔹🔹🔹🔹🔹🔹🔹🔹🔹
تنهد مرا ثانيه وقال بصوت:وينك توا مخليتكش وخليتيني ..خليتيني ونا مخلتكش..ضحك ضحكه طويله بعدين شرب من طاسه..خطبها ع طاوله لي قدامه وحط يديه ع وجه وقعد يبكي بصوت..
وهذا حال عوض يوميآ وكل يوم ذكرا جديده..
وكل يوم كسرا جديده..
هيا عارفة ان ميحبهاش ربع لحب لي يحبه لشخصيه لمجهوله فنضرها ...
شخصيه الي ميجيبش في سيرتها ليوم كله..
واول ميصكر عليه باب داره يبدا يحكي عليها وكانها قدامه...
عارفة ان جوازهم كان غريب واشبه بشفقا نقذها من حياة كان عايش حياة شبيها بيها وملقش من ينقذه..
هوا انسان ومنحقه يحب قبلها..
بس فنهايه بكل ومهما كانت ضروف حياتهم هوا جوزها..
راجلها لها هيا..والمرا متسلمش في حاجتها..
فكيف بتسلم فيه هوا...
لي وجعها انه يعمل فيها كويس وبحترامم..
وعمره مضيقها بكلمه وهيا متقدرش تلومه علي شي مش بيدهه..
يومها باتت بين يدين ربي رحمها ونزل عليها النوم بعد م هلكت روحها بدموع وهي تسمع فصوته الباكي جايها..
كانت موجوعه عليها وعليه..عارفة لهوا يحس بيه..
وبعد م بكت لعند هلكت خشت فنوم عميق فوق صلايتها...
🌼امثالك واجد ي نسرين..ويمكن حالك يكون اهون من حالهم بواجد🌼..
ثاني يوم الساعه12:30ضهرآ..
مقعمزات يشربن في قهوه ويهدرزن..
هناء:مبدري جت تعزم..
خدوج بعد رشفت من فنجانها قالت:مشعرف معنديش نيه نمشي
هناء:ولا انا بس مجبورين مش حنخلو امك تمشي بروحها..
قلتلها:وميار؟
هناء:تقعد مع باتي وسمعت تلفونها يرن..يييه عليا قيسه صبح
قلتلها بضحكه: ربي يكون في عونك وخذت الصفره وصبت
هناء
"صباح الخير"
الصديق
"صباح النور والورد المنثور"
عكرشت وجها وقالت
"شنجو"
"تمام ي مجنونه..وعيتك"
"لا واعيه"
"اهاا نشاط مشالله"
سكتت مردتش
"وين ي مجنونه رقدتي شكلك ههههه"
"مفش تغطيه منسمعش فيك"
"اه وهكي"
بين نفسها"متحركتش يكذاب"
"اها كويس"
"وشن تقوليلنا ي مجنونه"
"معندي منقولك صبح ومنحبش نحكي"
"اهههاااا امباهه باهه هي نحكو بعدين"
"تمام السلام عليكم"صكرت وزفرت براحه..
"هناء تعالي حطي طنجره ع نار"
هناء بتذمر:يييهه عليا وعلي معيشتي السوده
✨✨✨.
"