وَبشّر الصَابرين

الجزء الخامس .

"لا إله الا الله وحده لا شريك له ، له الملك وله الحمد وهوا علي كل شيئً قدير "
الجزء الخامس من فصل : كان لوقانا احلا صدفه.
• • • •
توضيح .. مش شرط كاني حكيت ب شخصيات في الروايه يعني هذ قصتي او قصت حد قريب مني واجد .. انا بس حبيت نوضح التفصيل لي يمكن منقدرش نشرحه ونا نحكي ع شخصيه..
ثاني شي انا لميت أكثر من قصه وحبيت نحكي عليهن في الروايا ..
لو مش عاجبتك او حاسه ان نهايه واضح من توا تقدري تغيري تقري اي روايه ثانيه انتي وحريتك الخاصه..
✨✨✨✨✨✨✨✨✨✨✨
بعد كملو تعيد ع هلهم وناس لي يعزوهم استقرو في حوش جدهم بات زهرة ..
"خلاص عيوني بيصكرن وحدهن ياهه ع قايلة العيد"
خدوج قربت منها وقالت بصوط مسموع لهن:نحس فروحي تقول شاربه
هناء حطت راصها ع كتف اختها وغمضت عيونها..
خدوج:لا يرا تو يغمى عليك فزي وحركت كتفها..
هناء بملل:نمشي نغسل وجي شوي وقولي الماما بروحو...
خدوج:تمام
صبت وهي متوجها للحمام خشت غسلت وجها وسقمت شعرها وطلعت ..
"هنون شن جو"
هناء ابتسمت مجماله:تمام وانتي!!
ليله"مرات خالها":تمام..قاصه جمتك ماشيه مع وجك هههه
هناء:ههههههه حتنا هذا عليش قصيتها ههههه
ليله:ههههه البنات خشن رقدن وخلني بروحي
هناء:حتنا مطرا نخليك بروحك باي وحركت يدها وعدت متوجها لمكانها ..
قعمزت يلا اختها خدوج بضيق:منمن قالبه عليك
هناء بملل:خلها تقلب مشعرف شن محمي رزها أنا..
خدوج:خل نصبي نكلم بابا يجي يروح بينا بنموت ونرقد..
هناء:عدي فيسع
شوي وسلمو وطلعو ركبو السياره متوجهين للحوش ..
وفي مكان ثاني يبعد عنهم بمسافه بسيطه..
كانت مصبي تشوف فلحليب لي ع نار ..
وتسمع في هدرزت امها وصبايا خوتها..
خيريه"مرت احمد":قتله نعدو يومين للمزرعه نغيرو جو..
منيه:عليهم هما كان فضيين منقولوش لا
وفايزة مرت اشرف مع مرات حفتر حنين قرنات الروس ويهدرزن...
خيريه:لا قالي فاضينن..
منيه:خلاص نتوكلو بكرا معناها؟
فايزة رفعت راصها وقلتلهم:في العشيه ولا صبح
خيريه:لا قال ع ثلاثه هك
فايزة :لا بكرا وعده هلي بنمشيلهم شن الراي
منيه:عدي اقعدي من صبح تغدي وياخذك
فايزة:ومهو بنوتي معاكم؟
منيه:نسرين قاعده معندها مدير تو توتيي الحاجات من ليله
علي خشت نسرين بسفرت النسكافي والحلو وبدت تمدلهم..
حنين:صحيتي نانسي
نسرين:صحه
عطت امها وخذت الصفره وبتطلع قلتلها خيريه:بالله نانسي اطلعي شوفي العويله برا ميهنوش ارواحهم تو يمرمدو دبشهم..
نسرين:باهي وطلعت حطت السفره في المطبخ ومن باب الخلفي طلعت ع جنان..
شافت ولد خوها احمد ماسك قطوس صغيره من ذيلها ويجري بيها فجرت العيال جاته تجري وفكتها من يدها وبعياط قلتله:حرام عليك عليش هكي توا وضرباته علي يده ..
لفت تبي تفتح للقطوس الباب هوا شمر حيطه وجا بيرميها فيها زلق وطاح ع كراعها وسرواله تلبز..
جاته تجري وقتله: متهنيش في روحك حي عليك من امك
ناض وخش يجري وهوا يبكي مطت شوربها بملل وردت خشت للمطبخ..
وبرا قدام الحوش ..
"خلاص انتا اصرف بمعرفتك اعتبره متاعك"
اشرف:ميه لميه .. امتا ناوي تطلع من البلاد..
عوض حك بلمفتاح رقبته من لورها وقاله:مشعرف مرات الخميس ع جو هيا ..
اشرف:واللهي هبل لي مسيب الجو هنا وقعد وحدك برا  ولا في مزز معاك وغمزله..
ضحك وقاله:تعيب ي راجل..
ودرس احمد سيارته ونزل سلم عليهم وكيف جاي بيفتح الباب سمع صوت هرجه خش يجري ولحقه اشرف..
"جعنك م تربحي ي بنتي كيف م مرعشتينا ديمه جعنك م تربحي"
خيريه بعياط:هذا غر قتلك ردبالك منهم مش حرام عليك دبشه جديد يحقيره
نسرين:والله م قربته هوا طاح وحده بالله العضيم مجيب شورهه
خش احمد شاف ولده يبكي بدون مقدمان قدم نسرين وطاح فيها ضرب ..
منيه:تستاهلي هذا الي تجري عليه من صبح
خش اشرف يفك فيهم من بعضهم وتزلق نسرين من بين يدين خوها ويجي راصها ع حاشيت الساس ...
احمد فتح عيونه بصدمه بعد شاف الدم..
منيه خبطت بيديها ع وجها:نهاري كان متقعد قتلتها ويحطوك فلحبس وبدت تخطب وتعيط..
• • • •
اسعفوها بسيارت عوض للمستشفى هي ومعاها خوتها وعوض..
عوض لي شاف علامات الضرب ع يديها ووجها في لي كدمات قديمه وفي لي جروح جدد وراصها لي مبطلش نزيف..
خششها بوسطه سريعه من معارفهه..
احمد مقعمز وحاط راصه بين يديه ويفكر في كلام امه الاخير..
واشرف مصبي مع عوض بعيد شوي..
عوض:ضروري عمليه عشان النزيف كان قوي واكيد مليون ف الميه ح يفتحو محضر ياخذو في اقوالها واضح انه اعتداء بضرب ..
اشرف مسح بيده ع شعرهه بعصبيه وقال:عليك قصه توا كان قالت لهناك بيحبسوه..
طبطب ع يد صاحبه وقاله :قول نشالله غر تنوض طيبه الباقي كله ساهل
✨✨✨
الساعه 7:30مساءً ..
"كذابهه"
رهف ببتسامه:لا والله عيد عليا رديت عليه وقالي ريفت عليكي وهك خلاص من وقتها ردينا..
بنت خالتها"هاجر":وشن جوه معاك!!
رهف:لعند توا نقولو باهي كويس
هاجر:نشالله خير ي اوفي..
"هيا ي بنات تعالن تعشن"
رهف بصوت:هيا خويله..ضربت ع كراع هاجر بخفه وقلتلها:هي صبي..
✨✨✨.
في نفس الوقت وعت وخشت الحمام وطلعت واعت خواتها وامها ..
خدوج:هي نوضو سادكم نوم
هناء وهي تحرك في رقبتها وتثاوب:الساعه كم؟
خدوج:ثمانيه الا ربع..
هناء:امم..الحمام فاضي؟
خدوج:اها فاضي وعدت توعي في ميار..
صبت هناء خشت للحمام وطلعت خذت تلفونها تشوف في رسائل..
لقت رسائل من صحباتها وبنات عمها ومن ضمنهن قروب ضيفتها فيه بنت متعرفه عليها ع نت..
شافت القروب ولقاته مختلط عقدت حواجبها وخشت ع البنت ..
هناء
"كيف اضيفيني في قروب بلا م تشوريني وقروب معبي شباب؟"
البنت
"اسفه ي هنو ضفت عشوائي منتبهتش بس والله قروب خيال وهدزتهم فيها جوا"
هناء كيف جت بترد عليها جتها رسالة الاشتراك تفافات بعصبيه وحطت نقال ف الشحن وطلعت من دار...
✨✨✨✨
"حالتها مستقرا زدنالها دم الانها نزفت واجد والحمدالله الاصابه لي فراصها مكنتش عميقه ودوينه باقي الجروح لي في جسمها "
احمد بتوتر:وبنسبه للمحضر؟
الدكتور:حاليآ منقدرش ناخذ اي اجراء لعند م تفيق المريضه..
عوض:شكرا ي دكتور..
الدكتور:العفو والحمدالله ع سلامتها..وعدا هوا والممرضه من يلاهم..
احمد وجه كلامه لي اشرف وقال:اول م توعى شوفها ورب الكعبه تنطق بكلمه مطالق نين قتلها لكم
قاله بشي من العصبيه:صكرفمك مش وقتها الدوه هذي توا..
احمد:ها امتا وقتها بعد تخششني للحبس فجرتها الفاسده هذي
عوض بعصبيه:احترم نفسك حتى قدامي يراجل
احمد:اطلع منها انتا الله يربحك منبيش نغلط فيك
اشرف حاول يهدي الوضع وخذا صاحبه وتحركو من جنبه:امسحها في وجي ي عويضه هذا مريض مدوراش
عوض بعصبيه:بالله عليك ي اشرف راضي بلي يصير هذا تهذي اختك يراجل اختكم عرضكم يقول عليها هك قدامي وضربها قريب قتلها؟
اشرف اضايق من كلامه وقاله:معش تكرر ان شاءالله ..
عوض:والله نحسبكم رجاله وعدا وسيبه..
اشرف تنرفز من كلامه وخاف يزيد يناقشه يخصر الشغل لي مسكه له وزاد حقد ع نسرين..
وفي الحوش..
منيه وهي تهدي في خيريه:خلاص ي بنيتي تو نا بكرا نطلع ونخذله سروال جديد
وهي حاضنه ولدها لي رقد بشي من العصبيه قالت:مش ع دبش ي عمتي في نهايه بكل ولد خوها تضربه هكي عليش شن درلها..
وسلفاتها مستمعات بصمت ومستحليات لي صاير في نسرين..
منيه:هبله هذي مدوريهاش غر تروح يومها اسود لي زمان رخيتلها نا
✨✨✨✨
ويعدي اول يوم العيد ..
ويجي ثاني يوم ..
في حوش حمد كان عندهم ضيوف ..
"م دبينا نتريحو عليهم خلاص"
عائشة:كيف متعرفي ي خالتي زهرة هوا شقته واتيه خلاص معنداش عليش يرجا ويحنط البنت معاه..
زهرة ببتسامه:وحتى نحنا مكملين نص البتات مزال حجات بسيطه ينجابن حتى في شهر...
عائشة:خلاص نحنا فتحنا معه هوا باتي الموضوع وقلنا شهر سته شرايك ي خالتي ..
زهرة:كم في سته؟
نجاة"عمت خدوج":حددو انتم ليوم لي يعجبكم
زهرة:ع بركه نشالله..
في دار البنات..
هناء:خلاص اطلعي شوي وبنمد العصير
خدوج تسقم في شعرها ع المريه:هي شوي بس
هناء طلعت وصكرت الباب وتوجهت للمطبخ بدت توتي في ضيافه وتسمع تلفونها يرن..
هناء
"ايوا"
الصديق
"اهلين شن جو".
هناء
"حمدالله بخير ونتا"
الصديق
"دوم..الحمدالله..وين ي مجنونه معش فتحتي نت"
هناء قلبت عيونها بملل
"اشتراكي كمل امس"
الصديق
"ايواهه ايواه ...خلاص نطلع من العمل وندزلك"
هناء
"تمام..عندنا متعين اختي بعد يروحو نهدرزو"
الصديق
"مفش برانيا"
هناء
"جايين يجيبو فلعيد متاعها"قلتها بهزوه
الصديق
"اهااا باهي متبي شي ي مجنونه"
هناء
"سلامتك..سلام"
صكرت وحطت تلفون في جيبها وخذت السفره وطلعت بيها للمربوعه ...
✨✨✨
في المستشفى لي كانو فيها خوت نسرين يراجو في الشرطي يطلع من عندها ...
احمد قاعد علي اعصابه وخوته نفس الشي..
شوي وانفتح الباب وطلع الدكتور معه ثنين من الامن..
لحقهم حفتر وخوته خشو لنسرين ..
اشرف:حمدالله ع سلامه..
نسرين بصوت تاعب:امي وين؟
احمد بعصبيه:اكيده مصدقتي تحصلي فرصه بش تنتقمي منا
نسرين شفتله بقله حياله:بالله ي احمد تعبانه را معندش جهد نحكي
شويا وخش حفتر :اشرف في واحد يبيك برا
و بحت في نسرين وقاللها:طلع فيك خير واللهي
احمد:شن قالت في المحضر
حفتر:قالت متعاركه مع بنات وضرباتها وبنسبه لطيحها لي في راصها زلقت في المطبخ وطاحت
احمد بحت فيها وبراحه قال:نجيتي روحك مني
شويا خش اشرف وكلم خوته يطلعوله شويا..
طلعو وهوا كان مصبي يبحت فيهم من بعيد ..
اشرف يحكيلهم وهما في البدايه النفعلوهه ومشعرف شن قللهم بش هدو شويا وقربو نحيته ..
حفتر:شن الكلام لي يقول فيه اشرف..
قاله وهوا يشوفله بكبر
" الي سمعته ومستعد نقرا فتحتها ونخذها من المستشفى عندي طول "

#كان لوقانا احلا صدفه
#استغفرالله العضيم و اتوب اليه.