وَبشّر الصَابرين

الجزء الحادي عشر .

﮼اللهم،لا،تُعلق،قلبي،إلا،بك💘💘💘💘.

طولت واجد بس كانن عندي ضروفف وهكِ ..
نبدو الجزء الحداش ع بركة الله ..

***
: الساعه عشرة وهناء مزالت راقدهه ؟
ميار مطت شواربها بضيق وقالت:عليعا العذر
خدوج:اهاا باه معندهاش واجبات نكتبهن لها عادي ؟
ميار:مضنيش الان نهاية سنه تهيلي مراجعه كله
خدوج:اهه اسابيع وترايفو عليا
ميار بتقليد:اسبيع وترايفو عليا ننننننننن
خدوج حضنت مخدتها وبهيام قالت:ينعلاي نا
هناء رفعت راصها وقالت:مش كان تحشمي
خدوج طلقت فيها المخده وقالت:صبي يالباير
هناء بصوت دايخ:معيشتي سودهه لوكان نصبي يمسكني مكالمات واهه ي مجنونه ويقليبي ونا بنرقد
ميار:احضريه
خدوج:صح احضريه
هناء بحتت فيهن برفعت حواجب:منكن جد نحضره؟
هنا ثنين :لا
هناء حطت المخده فوق راصها وردت رقدت
خدوج:احسن حلل لكي انتي سكتت شوي ونادت بصوت عالي شوي : اميي
هناء زرت المخده بيديها وقالت:نعنبوه لي بكاهن
ميار حطت القلم وبدت تصفق:عشامات عيوني راهن
خدوج:ههها ها ها وتصفق مع ميار
ميار وقفت وقالت :بنات خاطري في سبولل
هناء وهيا ماسكه تلفون تشوف في ساعه:قصة عشق انتي وسبول وحطت تلفون يلاها
ميار:لا نبي الذره هذا لي ملخضار نشويه وناكله
خدوج:اسهفتت اسع نرن عبابا يجيبلنا رفعت تلفونها وضربت عرقم باتها عطاها مقفل
ميار مطت شواربها بزعل
هناء:جت الحزينه تفرح ملقتلهاش مطرحح

****
كانو برا يتمشو ع البحر ..
كانت لابسه عبايه فضفاضه لونها بيج وعليها محرمه لونها بني مش حاطه ولا نقطة مكياج في وجها ..
وكان معها لابس سروال اسود وفنيليه سوده فالابيض..
ماسك يدها .. بس تعرفو شعور لما تمسك يد حد تحبه تحس بقلبك بيطير من شعور الجميل لي فداخلك ..
بس لا المره هذ عادي مفش ولا شعور..
ثنين مسكين يدين بعضهن بس بدون تعمق كانه لو سهو شويا يديهم حينفكن من بعضهن ..
معنداش اتجاهها اي شعور خاطي الاحترام وصداقه وهيا بعد فترة تقبلت الموضوع وحذفت جميع مشعرها اتجاهه وبادلته نفس مشاعره بزبطط..
اها عادي متستغربوش .. في ناس تقدر تحب لقدامها حبب كبير بس لو ملقتش نفس لتعطي فيه من ناحيته لها تقدر تحذفه ولا كانه كان شي فحياتها ..
وهكي كانت شخصية نسرين لي تعودت انها تخسر الناس فحياتي لعند قعدت معش تعطي في حد مشاعر ولا تعلق ..
وبنسبه ليا هذي ميزه ومش عيب 🤷🏿 .
" بعد الامتحانات علطول قصدك ؟"
عوض ببتسامه:امم..تطلع نتيجتك ونطيرو طول
نسرين:الامتا؟
عوض:حنستقرو غادي
نسرين وجهت نضرهاا للبحر وسكتت
عوض ركز عليها ومبش يكلمها هوا قبل سنين كان حاس بنفس لي هيا تحس بيه .. شعور الغربه والوحشه بس تعود وعارف انها حتعود برغم ان حتى في بلادها وحيدهه ..

***

"لالا شبعت"
جميلة:خلاص اغسلي لمعين وتريحي
رهف:حاضر
جميلة بتسمت وتوجهت لدارها وخلت رهف تلم في المعين بش تغسلهن ووقفها تلفونها لي رن
لفت خذاته من ع دولاب وكان رقم غريب مش مسجل في نقال بس مسجل في عقلها ..
فتحت الخط وحطاته ع وذنها ..
جاها صوته مترنحح كانه يضحك يبكي يدوي مفهمتش منه شي غير انه شارب ..
فنصت عيونها لي ملاهن الدموعع وصكرت وحطاته فلحضر ..
هيا توا ضميرها أنبها لوصلت شخص للمرحله هذذ
بس دقيقه واخيرآ عقلها اشتغل في اخر لحضة ورد ع ضميرها وقال هوا لي سيبك بارادته برغم انه يبيك وهو لي ارتبط ببنت خالتك برغم انه يبيك وهو لي كابر ونزل من كرامتك وخلك ولا شي في نضر نفسك هو لوصلكم للمرحلة هذي مش انتي ..مسحة مدوعها ولفت للحوض تغسل وتفكر..
تفكر تفكر تفكر ..لعند لقت الحوض فاضي تنهدت ومسحت يديها وطلعت متوجها لدار..
قعمزت وطلعت كتاباتها وبدت تقرا ..
لا هيا متقراش هيا قاعده تلهي في روحهاا بتنسي متبيش تضعف بس من قال؟
رن منجديد برقم ثاني .. ردت
يحكي ويبكي يعتذر ويلوم فروحه وهيا تبكي معاهه ..
وجعها لما ققلها : انا دنيا كلها سيبتني حتى امي وباتي
ردت بنبرة مرتعشه:نوعدك وعد وحتى كان حتوعى بكره نسيه انا مش حننساه وحنوفيه لكك .. لو دنيا كلها سيباتك انا عمري م حنسيبكك حنقعد معاك لعند اخر لحضة حتى لو ع حساب نفسي
وكملو مكالمتهم لفنصها رهف حست بمشاعر سعاده لها فترة غايبه عليها قلبها فرشاتت زي ميقولو ..
وليش متفرح ؟ حبيبها لتحبه من وسط قلبها قاعد معها..
ومن يلومهاا؟الحب مرض يصيب البنأدم يخلي يحس انه بلا شخص ثاني ناقص وحيد مهموم وبمجرد م يكون معاهه الدنيا كلها تلون في عيونه ..
م الحب شي حلو ومحد يحس بكلامي الا لمجربه ..
استمرت مكلمتهم هذي للفجر لعند م هوا معش قدر يقاوم النوم ورقد علخط وهيا قعدت معاهه ..
مزال مشبعتش منه بتعوض كل دقيقه فاتت وهيا مش معاهه ...