وَبشّر الصَابرين

الجزء الثاني عشر .

﮼لا،إله،الا،انت،سبحانك،اني،كنت،من،الضالمين،💘.

16 يونيو  الساعه 9 صباحآ ..
: مخذيتش حاجه لتفريش بس عندي شن نلبسس
استبرق:شنو باهي؟
هناء:عندي افرول ابيض كت ملبستش الا مرا بس بعدها معش لقيت وين نلبسه
اي نور:به وشعرك؟
هناء:بلمه منبيش نطلقه عنديش له نيه بنحوس ولا نقعد نعاني فيه
استبرق:هوا شعرك قصير اصلا معندكش عليش تلمي فيه بلا شورخه
هناء بضحكه:تباه يرا تو نخليه
اي نور:وصوريلنا كل حاجه
هناء:حاضرر
استبرق:وجيبيلنا من كل حاجه
هناء:حاضر
ملاك:وشيليني معاك
هناء:حاضر بعدها فنصت وقالت:تمشي جد؟
استبرق ضربت ملاك ع يدها وقالت:بلا كلط
ملاك:وانتي تقلد فيها جيبيلنا من كل حاجه مش كلط هذا؟
اي نور:بتبدن؟
ملاك:اسكتي انتي
هناء:خلاص خلاصص جت حضنت ملاك وقلتلها فوتيهن كان بتمشي نشيلك معاي فشنطه
ملاك دفتها وقالت:اتحنطي علي راصي شن ذنبي نا خاطري نعيش اجواء الفرحح
هناء:انا مش حاسه بلحماس لهدرجه انتي عليش متحمسه
استبرق:اهو لاقاقه
وتبدا هي وملاك يضاربنن
اي نور وهي تحز:يمتخلفات لفصل يتفرجج
استبرق ضربت ملاك ووخرن شوي هناء قالت:معقولة يملاك تضربك ومترديهاش لها
اي نور:ولعة ولعة يبابا ولعة جوها الشراقهه
هناء تضحك والبنات مزالن يدالفن
"طبعآ حزت عليهم الحصة بعد رنت "

***
وفلحوش كان في صوت حوسه فلمطبخ هادي
زهرة كانت توتي فلفطور لناس البايته عندهم..
وميار كانت فلمدرسه وخدوج مقعمزه تقرا في صورت البقره في صاله ..
وخالتها راقدات في دارهن وثنين من صبايا خوالها ومرات عمها في المربوعه ..
وبنات عمها يلاها فصاله ..
جو كلهم بش يمشو لتفريش ..
طفت ع البراد وطلعت بحتت في بنتها ابتسمت وكملت لدار البنات فتحتها وبدت تنوض في خواتها ..
زهرة : زينب .. زينب نوضي افطري هيا ..امينه خديجه نوضنن هيا الفطور واتي بعد تاكدت انهن وعن توجهت للمربوعه ودارت نفس الشي ..
والي فصاله ناضن ع صوت الهرجهه..
خدوج صكرت المصحف رداته لمكانه وبدت تلم في الفراشات والضيوف كانو يتناوبو ع الحمام..
شوي وحطو الفطور وقعمزو يفطرو ..
خديجه:من ماشي اليوم..
زهرة:انتن وفتحيه سلفتي لخرا ومرات وحده من بناتها..
"خدوج مكانش عجبها ان صبايا الكبار يمشن واصلا عليش مشيات هيا مكتفيه بخواتها وبنات عمها وخالتها الصغيرهه هيا تفريشت شقه عليش القوم هذا كله ماشي بس متقدرش تحكي"
امينه:نا بنروح نوتي روحي فحوشي ونجي
خديجه:حتنا في حاجات مجبتهنش معي
زهرة:علي كيفكن..شويا ودق الباب طلعت جارتهم ..
✨اصغر من زهره وتعد فيها اختها الكبيره وكانت مصبيه معاهم في كل شي يخص الفرح وحتى البتات كانت مرا مرا تطلع معاهم وتختار ✨
خشت وصبحت ع الموجودات وقعمزت معاهم ..

***
في درنه💘:

رهف:نعم؟
هاجر توزع فعيونها ع ساحه قالت:شن مزال تبي منه سيف؟
رهف ضحكت وقالت:منجدك انتِ؟..نسمع بصحت الوجه نين ريتها
هاجر برفعة حواجب:تعرفي كان متفوتيش وطلعيه من راصك نحرش فيك امك وخوك وتعرفيني نديرها؟
ضحكت بتسفزاز وقالت:شن بتقوليلهم خذيت منها حبيبها وبعد فاتني وردلها جيت نحرشش فيكم ولا نقولك قوليلهم برمت ع حبيبها ولعبت براصه لعند خليته يكسد معايا شويا وبعدين تعالي هنا انتي ماشيه تحرشي في من؟في خويا لي كملتي عمرك تدحنسي عليه وعارف تاريخك كله ولا امي لي بتصدقك وتكذبني..طبطبت ع كتفها بروص صوابعها وقالت:العبي ارضي يعيوني يكفي اني سكتلك ومدرتش بيك شارعع بعد عملتك معايا وبحتت فيها من فوق لوطه وعدت وسيبتها
سيبت وراها كتلت نار متشوفش في شي قدامها غير رهف وكلامها لي يتردد في وذنها ..
لحقتها بخطوات سريعه ودفتها بكل قوتها ..
طاحت علي وجها ونزلت عليها تضرب بغل غلهاا..
تضرب وكل متذكر كلامها تزيد..
التمن عليها البنات بين لي تحز ولي تضحك..
والاسف فكوهن ورهف مغمى عليها..
✨✨✨✨✨✨✨✨✨✨✨.