وَبشّر الصَابرين

الجزء التاسع .

م اول واجب ع العبد ؟
- توحيد الله تعالي : ودليل حديث ابن العباس رضيه الله عنه ...
" لما بعث النبي صلى الله عليه وسلم معاذ بن جبل رضيه الله عنه الي اهل اليمن قال له انك تقدم علي قوم من اهل الكتاب فدعوهم الى ان يوحدو الله تعالى ..
"رواه مسلم والبخاري"🌟.
...............
وجت العشيه وخذا حمد مراته وبناته وشالهن للمنتزه لي بتقابل فيه هيا وخواته حطهن وعدا..
بعد م سالن ع مكان خالتهن توجهن وين مهن قعدات..
"اهم مقعمزين غادي"
زهرة:هي تعالن
مشن البنات ورا امهن وسلمو بعدها قعمزو..
خديجه:الجو اليوم مش عادي
زهرة:من صبح قت لحمد نبي بحر لكن وين قتلي قعدات هنا قت نخلوها يوم ثاني
امينه:قاعد عندك راجلك يحنه امتا متبي البحر يشيلك نحنا ه المره طلعنا شنفيه كان سيبتيه عشانا
خدوج:م قلتلك قالت نخليه يوم ثاني؟
امينه تجاهلتها وكملن هدرزه شوي ورن تلفون هناء
ركزو معاها وهي فتحت الخط وحطاته ع وذنها..
"ايوا"
هناء:اهلين
"شن جوك"
هناء:حمدالله تمام
"ها طلعتو!"
هناء:من بدري وتوا قعدين نهدرزو
"اهاا باهي نخليك تهدرزي سلام"
هناء:سلام..صكرت وقالت لخدوج تجي نتمشو..
خدوج:هي تعالي ميار ماما كان فقدتينا رني..
زهرة هزت راصها بإيجاب وهنا صبن وهي معهن بنضرها لعند اختفن..
وعندهن هنا..
خدوج:توقعتك مقتيلش
هناء:مينفعش معاهم تصكير راص الباب لي يجيك منه الريح سده وستريح..
خدوج:ايوا فكيتي روحك من الوجيج..
ميار:بجد هنو نفكر فيك بعدين كيف متقبلتيش هك توا يبال بعدين في حوش واحد ..
هناء:حتنا والله نفكر..
خدوج:لعلا الله يحدث بعد ذالك امرَ .. متندرش شن يصير بعد خمس دقايق..انتي ديمه ادعي لربي كان فيه خير قربه وح تحبيه مع الوقت وكان فيه شر يبعده عليك ..
هناء تنهدت وقالت:والله لا نبيه بخيره لا بشرهه..
ميار بحتت في اختها بضيق والتزمن الصمتت..
شوي هيا قالت:بنات سبول..
ميار ببتسامه:تعالن ناخذو..
وعدن جهت لي يبيع في السبول وقعدن يرجن فيه يديره لهن..
شوي ورن تلفون هناء بتذمر قالت:اففف شن يبي هذا توا
خدوج:ردي وفكيك من وجيجه..
هناء تنفست بنرفزه وفتحت عليه:نعم!
ضحك وقال"اهدي كنك معصبه"
هناء:لا معصبه لا شي نشالله خير عليش ران
"هكي تنقال هيا عليش ران؟"
هناء:عارفني برا ومش فاضيه للهدرزهه بعد نروح نحكو
"ارجي را تصكري..قوليلي وينك توا انتي"
هناء:كيف ويني؟
"انا قاعد وين م انتم قعدين..قوليلي مكانك بزبط"
هناء بصدمه:كيفف!!
خواتها ركزن معاها..
"هيا قوليلي خير منقعد ندور"
هناء صكرت فوجه وقالت:جا هنا جا..يعني حتى بنطلع نغير جو يزقبلي شن الحظ الاسود هذا ورد تلفونها رن اخرا..
خدوج:مش منجده شن يبي جاي
ميار:فوتيه معاش تردي عليه تو يمل ويروح..
خدوج:شن يمل ويروح وبعد يروح يديرلها نهار اسود حطت يديها ع كتف اختها وبهدوء قلتلها..ردي عليه ي هنو اكسري شر هو اكيد ساعه ويروح فكيك من وجيجه..
ميار ربعت ايديها بغضب ومش مقتنعه بلي قاعد يصير..
هناء بحتت فيهن ورفعت نقال وردت وصفتله المكان لقعدين فيه وردت هيا وخواتها وين مفي امها وخالتها..
زهرة:مطولتنش..
خدوج:اها خذينا سبول وجينا..
امينه ركزت ع وجه هناء وقالت:كنك قالبه وجك
هناء دارت روحها عاديه وقالت:عترت طحت غادي بس ركبتي توجع فيا
امينه بحتت فيها بشك وقلتلها:ساهله
خدوج:صح كلمنا الصديق وقال جاي
امينه علطول بحتت في هناء لي دارت روحها تسقم في وشاحها ووجها متجهم..
زهرة:مرحبتين بيه يجي ويشوفنه خالتك..
وشويا وشافنه جاي شيرلهن بيده وقرب..
صديق وهوا يبحت في هناء قال: السلام عليكم
ردن عليه باصوات متقاطعه؛وعليكم السلام
زهرة:قعمز وليدي قعمز
كر كرسي وجا يلا هناء وقعمز:شن حالكم
امينه ببتسامه:حمدالله شنحالك انتا..
الصديق:حمدالله بخير ..قلتلي هناء جيين قت نجي نتعرف عليكم ضحك وبحت في هناء لي بتسمت بلغصب
امينه:انا خلتها امينه اصغيره ضحكت وقالت تقدر تقول امها نا مربيتها علي يديا ونعزها اكثر من باقي احفادنا اكيد حكيتلك عليا..
هوا قال:اها حكتلي
هناء ابتسمت وقالت:حكيتله اكيده مش خالتي انتن ضروري يعرفكن ..
وميار تمرر في نضراتها المشمئزه عليهم..
امينه ببتسامه:وهذ خالتها لقبلي خديجه..
الصديق:تشرفت بيكن..
وخذتهم الهدرزهه وهناء بتموت من القهر بس تضاهر بلعكس..وميار مش قادرهه تحكم في ملامح وجهاا..
شويا وخديجه قالت:تصبي يخدوج نتمشو شويا..
خدوج:باه
وصبن هيا وياها وميار وعدن يتمشن..
وامينه وصديق مزالو مواصلين في الهدرزه..
✨✨✨✨.