وَبشّر الصَابرين

تكملت الجزء الاول .

- لا إله الا الله وحده لا شريك الله له الملك وله الحمد وهو علي كل شئً قدير  .
تكملت باقيت الجزء الاول من "متغير ياما عن زمان ".
✨✨✨✨✨✨✨✨✨✨.
23 اكتوبر 2021 ..
مقعمزات مع بعض فدار يكتبن في وجبات خذنهن في اول اسبوع من المدرسه واختهن الكبيره مع امها في المطبخ تحكي فموضوع مصيري بنسبه لها ..
"لا قتله علي موضوع هنو وعطاني عذر وعلي اساس بكره نرد عليه وهكي"
زهرة:وانتي ليش مش عاجبك الموضوع مدامه سنتين اريحلك حتى انتي ي ماما
خدوج:فاهمه عليك بس اغلب المعاهد شهداتهم مش مضمونه بالله عليك شن الفرق بين السنتين وثلاثه ما هيا هيا نفس الشي
زهرة سيبت مضرب الدحي لكانت تضرب بيه فخليط الكيكه لي بديرها من يدها ولفت علي بنتها وقلتلها بملامح تعجب:معش فهمتك ي ماما تبيه وتبي قرايتك ملبداية كنتي حطيتيه فصوره وقتيله قريتي اهم واجلتو موضوع الفرح لبعدين وراهو محطك في معهد الا عارف وجيج شهاده ثانويه وهكي اسهل له ولكي وانتي زيدي فكري وشوري علي حد تاني يعطيك نصيحه كلا نا راي من رايه
خدوج فهمت من كلام امها انها هي لي جابته وهي لي وافقت عليه فتحمل عواقب قرارتها ابتسمت فوجه امها ابتسامه تخفي بيها ضيقها وقتلها:خلاص تو نحكي معاه ونقوله ياخذ ملف ولفت طلعت من المطبخ
زهرة تنهد بقلة حيله وكملت لي فيدها بسرعه وطلعت رنت علي اختها تاخذ رايها ..
"مدوريهاش دلع بنات فاضي تو كان يخذها عنده تو تحقي كيف تهمل قريتها وهو مفكر فشي هذا ومحطها سنتين الا بش هي تريح وتريحه معاها "
زهرة اقتعنت بكلام اختها اقتناع تام وردت تقول:والله صدقتي باهي رني عليها واحكيلها
خديجه:خلاص خليها عليا تو نحط للعيال عشاهم ونهدرز عليها ..
زهرة ابتسمت:باهي يخيتي صحه مقدما
ونهت مكالمتها وهي تفكر في مستقبل بنتها الكبيرة
ومتندريش انه " الخيره فيما ختاره الله لنا " مش لبشر لي يخيرونه ويعطونه نصايح بش نمشو بيها وتقعد حياتنا صح هما مجرد راي نطرح مع باقية الاراء لي حتنحط ع رفف ولي كاتبه ربي حيصير خير او شر فنهاية ربي حنون بعباده وعمره ميضرهم 💘.
"أحفظ الله يحفضك احفظ الله تجده اتجاهك ان سألت فَ سأل الله وان استعنت فاستعن بالله "
✨✨✨✨
ويجي تاني يوم وزي كل يوم تنوض هناء بدري وتطلع لمدرستها وصلت بدري قعمزت ترجا فقروبها من الابتدائي معاها مكون من اربع بنات ويجن ومن حسن حضها اول حصه احتياط ..
"انخطبت"
صحباتها شهقن بصدمه وركزن معاها
"كيف..امتا..احكي كيفصار ومن وشن اسمه وعمره وبلا بلا بلا ..
هناء بضحكه:وحده وحده اسع نحكيلكن
نور:احكي احكي يمي
هناء بدت تحكي فيوم المقابلة لي نصدمو فيه صدمه الاوله ..
🔹🔹🔹🔹🔹🔹
"خيرات كيف حالك ي باتي "
حمد وهو مستغرب رد علي سلامه وخش بيهم للمربوعه الخارجيه ..
اما عند البنات ...
"معقولةة هله مجوش؟؟"
هناء اضايقت بلا سبب يعني مفروض اول شي يجو هله ويتفقو بعدها النضره الشرعيه ولبعده يمشي حسب العرف متاعنا..
زهرة:مش مشكلة يماما عادي مرات هوا بيشوف الاول وبعدين يجيب هله
وشوي ويخش عليهم ولد خالتهم..
محمد:والله يخالتي حتنا استغربت نفس الشي بس بعدها وضحلي وقالي انه يبي يشوف الاول ويتفق هوا وياها وبعدين يجيب هله بلا ميكلف لا عليكم لا عليهم كان مصرش نصيب
زهرة:خير خير نشالله خير
وفعلآ خشت هناء مسحت مكياجها لكان هادي ومعطي وجهه حق عمره ولبست عبايه فوق فستانها البناتي البسيط و وشاح زيتي وطلعت تقبله مع ولد خلتها سلمت عليه وشوي وخشو للمربوعه..
"السلام عليكم"
هوا وجه نضره لها وابتسام ورد السلام:وعليكم السلام ورحمة الله وبركاته..
قعمزت وبحتت فيه ركزت فتفصيل بسيطه كان مقعمز علي حافت الصلون الارضي وضام كرعيه له وحط عليهن ايديه لي ماسك في كل وحده فيهم تلفون ولبس سروال جينز ازرق علي جاكه نفس الشي وطقيه سوده ويفرك فكرعيهم فبعضهم ..
هناء
طبعآ ركزت علي شوي تفصيل زي كرعيه لي يفرك فيهن فبعضهن وكلشوي يمسح بيده اليسار حافت خشمه ويتجنب يبحت فيا لوقت طويل هشي ممكن يكون عادي بس الاني نحب علم النفس وواخذه عليه فكره فكانت اللغه الجسديه عندي مهمه الانها تكشف تفاصيل لي قدامك يحاول يفهمك عكسها بكلامه".
ركزت معه بعد سالني علي حالي ورديت:الحمالله وانتا
ابتسم ورد:حمدالله..انا الصديق ال*****صاحب ولد خالتك قاري علوم نبات .....
وبدا يسال فيا وين نقرا وسنه كم وكم عمري وشن نحب وشن نكرهه شي كنت نرد عايه وشي نستغرب فيه وبعدها خش علي الفرح وانه مش قضيه عنده لو قريت جامعه فتخصص لنحبه وحيشجعني فيه وبلا بلا وطلعت ..
مفكرتش نساله علي عمره ولا اي شي ثاني كنت نجاوب بس طلعت يومها ونا مش حاسه بشي لا راحه لا ضيق كاني كنت مع استاذ يقري فيا او واحد من شباب عيلتنا لي متعوده نحكي معاهم عادي ؟
طبعآ سالوني خواتي علي شكله وهكي وجاوبت باني مركزتش فملامح وفعلآ انا مركزتش الحاجه الوحيده لي قلتها انه عنده لحيه ..
🔹🔹🔹🔹🔹🔹🔹
ملاك:حيي وحده فينا مخطوبة واجواءء
فاطمه:مبروك مقدمآ يحبي
ندى:باهي معش رديتو عليهم؟
هناء:مزال نصلي استخارهه ونخلو يومين ونردو عليهم
استبرق:ان شاءلله خير
وترن الحصه وتخش ابلة المادة الرياضيات ويلهو معاها..
✨✨✨✨✨✨
وصلت هناء استخارهه ويومها حست بشي غريب وكانه قلبها فاضي تمامآ مفش نبض ولا شي كانها تنفس والهواء يخش عليه علطول وصداع غريب حسسها وكانه راصها بينفجر وحكت الامها وقتلي
"عادي يماما مفي شي نشالله خير"
واختها برضو بعد اصرار كبير عليها سجلة فمعهد IT وبدت فيه اول اسبوعع ..
وكل وحده فيهن حاسه حياتها بدت تغير بطريقه غير ملحوضه لي الاسوء الا انهن شفن تغير هذا شي عادي وان الانسان مش ديمه ثابت علي روتين مُعين؟.
✨✨✨✨✨✨
وفي مكان تاني منطقه من مناطق الشرق الجميلة المعروفة بواديها وجمال طبيعتها لي لا تقل عنها باقي المدن الشرقيه جمالآ تحديدآ مدينه "درنه💘".
كانت مقعمزه فبلكوني حوشهم لي يطل علي منضر جميل وهي منسجمه مع رواية جديده باديه تقرا فيها..
ويقطع عليها انسجامها خوها لما خش وطلب منها:نوضي وتيلي دبش علي مخشيت دوشت
رهف تأفافت وحطت تلفونها علي كرسي وطلعت طلعله فدبشه ..
رهف..
نا اصلي من طرابلس بس من ونا عمري سنتين انتقلنا نا وهلي لي درنه لي كبرت فيها تعودت علي جيرانا وهلنا لي حدانا ومدرستي وصحباتي وحياتي بشكل عام
انا من موليد2007تحديدآ شهر4 نحب حياتي لي نا عايشه فيها برغم ان حالتنا المديه مرا فوق ومرا لووووطططههه الحمدالله حياتنا خير من غيرنا بألف مرا وراضيه عليها تمام الرضه كفايه وجود هلي معايا وناس الي نحبها وحياتي جميلة زي منبي واكثر
بابا حبيبي مدلعني ع الاخر عاد بنت وحيده وهك وماما نفس الشي..عندي اخ واحد اسمه اسلام اكبر مني بِ ثلاث سنين واهو بادي يشتغل ويشيل فحمل بسيط من مصروفنا مع بابا ..
بتذمر وهي تعيط:كل حاجه رهف صبي حطي شيلي جيبي كري نتشي هذا شنو يربي مش عيشه حتا دبشه نوتيله فيه قريب لا نخش نسبحه بلمره
جميلة بضحكه:حي كان يسمعك
رهف:والله يماما ولدك هذا كرهني في روحي كلشي نديرله فيه يقطع في انسزامي "انسجامي"وروياتي
جميلة:خلاص عدي ي ماما تو نطلعله انا وكملي روايتك شوي وخشي اقري باهي
رهف باست امها من خدها وبضحكه قالت:تنعليا منك انتي ي جمجم
وعدت تكمل باقي روايتها وامها حركت راصها يمين ويسار وعدت دير شغلها
✨✨✨✨
وفي هلوقت كانت هناء مع ميار فدار تحفظ فيها في نشيد .. وتخش عليهم اختها الكبيره ووجها ميتفسرش قعمزت يلاها وقتلها : هناء مسالتيش خطيبك علي عمره ؟
هناء بأستغراب:هوا عطاني فرصه معاه اصلا وغير هك مخطرش فبالي مشعرف كيف ..
خدوج بحتت فاختها شويا بعدها قالت:اكبر من عليوا بواجدد؟؟؟
هناء عقده حواجبها باستغراب اكثر وقلت :كم تراه؟
"85"

#متغير ياما عن زمان  .
#هناء