واوعدك كلمة احبك منها مايمل قلبك

بارت ٧

بارت(٧)

جمانه: اصلا حنا بنروح السوق نجهز الشاليه بكرا
ابو فهد: من يوديكم؟
ابو محمد: نايف يوديهم وينتظرهم ويجيبهم
نايف ناظر ريوف وريوف ناظرته وشتت انظارها
نايف: ابشر
عزوز جاء بيقوم
ابو فهد: وين وين
عزوز اشر على الباب اللي طلع منه نايف والبنات: بروح معهم
هبده ابو فهد: اقول اقعد خل البنات ياخذون راحتهم ويتسوقون تروح تحارشهم الحين
عزوز: يبه عندي اغراض تكفى بروح
ابو فهد: انثبر بس
عزوز: يابنات تبوني
البنات بصوت واحد: لااااا
عزوز: وجعا يالخرفان وجعا
ضحكوا اللي بالمجلس وكملوا سوالف
اما عند نايف كان يناظرها من المرايه وهي ملاحظته بس ماعطته اهتمام نزلوا بدو يتسوقون
في احد المحلات
ريوف للبنات : بنات هذاك المحل عندهم حلويات حلوه خليكم بروح اجيب لي واجي
جمانه ونجد: اوكيه لاتطولين
راحت ريوف وكان نايف عند باب المحل بس مانتبهت له ريوف وراحت لمحل الحلويات وشافها مستعجله ناظر البنات
نايف: يابنات خليكم ياما اجي
استغربوا نجد وجمانه بس ماعطوا الموضوع اهميه وكملوا يتسوقون اما عند ريوف لحقها نايف يوم دخلت محل الحلويات
شافها تسولف مع رجال انصدم وتقدم وهو معصب
نايف تقدم وصار جنب ريوف: سلام
انصدمت ريوف: نايف شجابك؟
الرجال ناظر نايف:من انت
نايف مسك يد ريوف وناظرته ريوف مستغربه: زوجتي
انصدمت ريوف وحاولت تشيل يدها بس كان شاد عليها نايف
الرجال: بس ماهي متزوجه؟
نايف : الا متزوجه وانا زوجها من حضرتك وكيف عرفت انها مو متزوجه
الرجال ناظر نايف: انا صاحب المحل يا استاذ وريوف زبونه عندنا بنفس الوقت ولد عمها
كمل الرجال وقال الكلمه اللي انصدم بعدها نايف
الرجال: واصير اخوها بالرضاعه ياستاذ
ناظرته ريوف شاد على يدها وعيونها دموع: نايف اتركني عورتني
نايف ناظرهم وهو منصدم: اسف بس توقعتك انك تضايقها وو اسف معليش
تركته ريوف وطلعت برا المحل
الرجال: زعلتها وهي اصلا تخاف مني انا وماتجيني لحالها اصلا مع بنت خالتها وتاخذ اللي تبي وتروح ولا لها علاقه معنا
نايف حس بالذنب وطلع لحقها
نايف: ريوف ريوف
مسك يدها ولفها لجهته
نايف: ريوف انا خفت انه يكون يتحرش فيك وجيت ابي اوريه انك مو لحالك وا......
قاطعته ريوف بعفويه :ماسويت شي بالعكس حسيت ان وراي رجال يحميني
ومشت تنهد نايف براحه ولحقها دخلت عند البنات
جمانه لفت حول ريوف: ريوووف؟؟ غريبه مو شاريه حلويات صدمه صراحه
ريوف ناظرت نايف ورجعت انظارها للبنات: مدري انكتمت وطلعت
نجد: صدمه صراحه انتي مايوقفك شي عنهم
نايف قاطعهم: خليكم هنا بروح اجيب لي شي واجي
طلع وراح لمحل الحلويات
نايف تقدم للرجال: تعرف وش تحب ريوف؟
الرجال: اكيد ريوف زبونه عندنا
نايف: عطني اللي تحبه
عطاه الرجال وطلع نايف ولقى البنات وراحوا يتعشون بعدها رجعوا للبيت اول مادخلوا المجلس تقدم لهم عزوز
عزوز وهو يفتح بالاكياس: وش جبتوا لي
نجد ضربته على يده: وجع اترك ماجبنالك شي
عزوز ناظر نايف: افا ماجبتلي شي؟
نايف: اقول تلايط وش اجيبلك درج لو افتحه انهد علي من الملابس
جمانه: عزوز طفل انت طفل كل شي تبغاه خالي صراحه الله يعينك عليه
ابو فهد: صدقتي مطلع لي قرون كل ماكبر انهبل
عزوز: شوفوا من يتكلم عن الكبر بعدين يبه تعزز لها انت
ضحكوا كلهم
جمانه نادت الاطفال وبدت توزع لهم العاب
ليان زوجة محمد: حياتي ريوف ماكان له داعي
خلود ونجلا: اي والله ريوف ماكان له داعي ياعيوني
نورا زوجة فهد: ياقلبي ريوف عقبال مانجيب لعيالك
محمد للاطفال: قولوا شكرا لعمه ريوف
الاطفال شكرا
عزوز جلس جنب ريوف ومد يده: وانا
ضربت يده ريوف: قم اكبر مني ويبي هديه المفروض انت تجيب لي
ضحكوا وكملوا سهرتهم ورحوا المتزوجين والشيبان ناموا
فوق عند البنات وهم قاعدين جت رساله لريوف وكان جوالها بجنب نجد
نجد: ريوف نايف يقولك فاضيه؟
جمانه ناظرت ريوف: بينكم شي!!!!!
ريوف: وجع جمانه وجع مابيننا شي وش بيننا بعدين اول مره يرسلي
نجد: تصدقون احسه يحبك بعدين ماشفتي نظراته لك ويوم رحتي لحق الحلويات لحقك وغير كذا يمكن الحين يبي يعترف لك تراه يحب....
قاطعتها ريوف: بس نجد بس وش ذي الافلام مايشوفني الا اخته اكيد
اخذت جوالها ريوف : وارسلت له اي رد عليها انه يبيها تحت بالحديقه استغربت وناظرت البنات
رفعت كتوفها: يبغاني تحت
جمانه: اكيد راح يعترف روووحي
خزتها ريوف: اسكتي بس لحد يسمع
نزلت ريوف وشافته بالحديقه توترت بس راحت لقته قاعد على الكراسي وقفت بعيد شوي عنه
نايف: قربي شفيك خايفه
قربت ريوف : هلا
مسك يدها نايف وقعدها : لاتخافين ماني ماكلك
مد لها علبة الحلاو: ماخليته بخاطرك
ابتسمت ريوف ونطقت بدون وعي:شكرا نايف شكرررا ياخي احبك مرره شكرا مانسي.... حطت يدها على فمها
ريوف: اسف بالغلط والله
هجت ريوف وابتسم نايف
في اليوم الثاني يوم الشاليه والكل كانو متحمسين
عند البنات
ريوف كانت لابسه فستان حفر علاق لونه اصفر وقصير ومسويه شعرها ويفي ونجد كانت لابسه توب برتقالي وتنوره قصيره ومسويه شعرها كيرلي اما جمانه لابسه فستان وردي بدون اكمام قصير ومسويه شعرها كيرلي
نزلوا البنات عند الشباب كانو لابسين شورتات ينتظرون المتزوجين يجون
جمانه:سياف الشورت حقك يجنننن مرررره
ناظرها سياف :كيف بس
ابتسمت :حلو مره البس دايم كذا
سياف : اوامر ثانيه
سياف بينه وبين نفسه والله الجمال والزين عندك كان منبهر من جمالها كان وده يقوم يضمهاا ويخبيها بقلبه
عزوز نطق :جمانه وين البن....
ماكمل كلمته الا نجد وريوف نازلات ضل مفهي بنجد وبشعرها الكيرلي وضحكتها وغمازتها
عزوز بلع ريقه وبينه وبين نفسه: انشهد اني طحت على وجهي وطحت على ام غمازات اخ ياقلبي
والحال عند نايف اول ماشاف ريوف نازله : كان قلبه يدق كان يستودعها الله ماكان اقل من عزوز وسياف كان وده يصرخ بحبها
جمانه ناطرت عزوز اللي سكت واللي كان يناظر نجد: عزوز عيونك حياتي شوي شوي
نجد ناظرته وشافت انه يناظرها بلعت ريقها وطلعوا
عزوز ونايف وسياف والبنات بسياره والباقي متوزعين بالسيارات
كانو نايف يسوق وعزوز وسياف قدام والبنات وراء
سياف :ترا الجد ابو سعد واحفاده بيجون
نايف : حياهم الله
تعريف بسيط ب اهل الجد ابو سعد ام سعد متوفيه ماعنده غير بنت وولد
بنته حنان وعندها: فهد وعمره 25وبنتها لمار20 سنه
نفسها صديقة البنات
وولده سعد وعنده بنته حنين 20 سنه وعياله سعود23 وناصر24
وصلوا الشاليه واستقبلوا البنات بعض ب احضان والعيال كان شاليهم بجنبهم وفي باب خلفي يفتح عليهم
نايف شاف فهد وكان وده يكفخه وتعداه وسلم على الباقي
شاف فهد ريوف وضل يناظرها شافه نايف وجاه
نايف: عيونك يالطيب تحت لاترتفع
فهد: عفوا؟ قعد اناظر ل اختي
نايف: واضح انظارك ل اختك يا استاذ ومن هنا شاليه الرجال
طلعوا وبدوا البنات يصورون
حنين : بليز نجد اركضي فوق جيبي الوشاح بحطه على الايسكريم عشان يطلع منظره حلو
نجد: تمام
ركضت نجد بس اصدمت الشخص اللي كان واقف قدامها مسكها قبل تطيح وضمها لصدره
تلاقت عيونهم ببعض كان يشم ريحة عطرها اللي دوخته وكانه مخدر كان وده مايتركها
نجد: اتركني
ناصر : شسمك
نجد: نجد اتركني بروح
ناصر ابتسم: واذا ماتركتك
نجد : مو بكيفك اتركني
ناصر: نجد حلو اسمك نجد وناصر الله يالكوبل
نجد بدموع: اتركني لحد يشوفنا ويفهم غلط اتركني
كانت تبكي سمع صوتها عزوز وهي تقول اتركني دخل عزوز
انصدم عزوز وتقدم يضربه : يا ابن الكلب تقولك اتركها وانت ماسكها وبدا يضربه الى مانزف دمه وتركه
ناصر قبل يطلع بعصبيه: اذا ماخذتها وصارت زوجتي يا استاذ عبدالعزيز مايكون اسمي ناصر بن سعد
عزوز : تعقب يابن الكلب
تقدم بيضربه بس مسكته نجد
نجد ببكي : خلاص عزوز
مسكها عزوز:.......

اول روايه اكتبها ويارب تنال اعجابكم🤍
لايك🌷

اسفه على التاخير مسافره وتعبانه دعواتكم🥹