واوعدك كلمة احبك منها مايمل قلبك

بارت ١٦

بارت ١٦

ريوف فزت: جمانه وش قالولك
جت جلست جماته وقالت لها كل اللي صار
ابتسمت ريوف: ياعيونيييي عسى ربييي يكتب لكم اللي فيه الخير ..................
في اليوم الثاني بمجلس الرجال
ابو محمد: ها يانايف من اللي تبي نخطبها لك دام الكل مجتمعين
نايف ناظر فهد ورجع ناظر ابوه وعمامه : لمار، لمار بنت عمتي حنان
انصدم سياف ونطق سعد : ياحظنا ب اغلى نسب والله ولمار اعدها مثل بنتي والراي الاول والاخير لها
وبدوا يسلمون عليه الشباب
فهد تقدم يسلم على نايف: طوينا صفحات الماضي يانايف وحنا عيال اليوم وابيك تحط لمار اختي بعيونك ان صار بينكم نصيب
نايف: معليك يافهد
جاء سياف سحبه
سياف: صاحي!!! وششش تسوي انت
نايف: ماوقف حياتي على احد
سياف: بس متاكد من اللي سويته ولا عناد بر...
قاطعه نايف: ريوف وريوف وريوف وريوف هذي هي شافت حياتها ولا طقت لي خبر ؟ ليه اوقف حياتي عشانها
مشى وخلاه ودخل المجلس هو وسياف
سياف: دام سمعتوا الخبر الاول اجل اسمعوا الثاني، انا ابي اخطب ان شاءالله
ابو سياف: مشاءالله تخطب وانا مدري؟
سياف: يبه البنت ماهي غريبه وتعرفونها كلكم
ابو سياف: ومن هي اللي تبيها
سياف: جمانه بنت عمتي
ابتسم ابو سياف: والله واحسن ماخترت
الجد فهاد: اي والله وانا وابوك بنكلم عمتك ريم ان شاءالله
ابتسم سياف بس اللي انصدم بالخبر سعود وكان انكبت عليه مويه بارده قام وطلع وترك المجلس
اما عند البنات بعد ماوصل الخبر لهم ابتسمت لمار وعطتهم موافقتها على طول وعند ريوف ركضت فوق اول ماسمعت الخبر ولحقتها جمانه
دخلت ريوف وقفلت غرفتها
جمانه: ريوف افتحي ريوف
ريوف: جمانه تكفييين مابي اشوووف احد تكفييين
جمانه:ريوف صاحيه انتي؟ تراك مخطوبه وموافقه وش متوقعه يوقف حياته عليك ولا يخطبها
فتحت ريوف الباب
جمانه: ريوف خلاص انسيه؟
ريوف: جمانه كيييييف تبيني انسااااه كيييييييف!
طق الباب ومسحت ريوف عيونها وجت العمه ريم
ريم: شكلي قطعت حديثكم
جمانه:لا ماما اصلا ماكان عندنا سالفه
ريم : اجل اسمعي جمانه
جمانه : هلا ماما
ريم: تراك كبرتي واغلب اللي كبرك تزوجوا
جمانه استغربت : طيب؟
ريم :سياف ولد خالك تقدم لك وقبل تقولين اي كلمه فكري مليون مره واستخيري وماراح تلقين مثل سياف
طلعت ريم
جمانه: سمعتي اللي سمعته؟؟؟؟
ريوف ابتسمت: اي سمعت هذا الرجال الكفو
نطت جمانه بفرح
تحت عند الرجال
نايف:ياعم سعد انت وفهد بعد الموافقه ابس ملكتي بعد خمس ايام اذا ماعليكم امر
فهد: ابد يانايف بشوف البنت واردلك
الجد ابو سعد: عاد حنا نستاذنكم قضينا معكم فتره مع اخوي فهاد وعياله واحفاده من احلى الليالي
الجد فهاد: افا وين؟
الجد ابو سعد: ماقصرتوا وكثر الله خيركن بس الديار تطلب اهلها وكلها خمس ايام وتجونا للملكه
سعد: اي والله ماقصرتوا وناصر ولدي هناك مابي اطول عليه والعيال بعد وعشان بناتكم يأخذون راحتهم
تقدموا يسلمون عليهم ويودعونهم وراحوا
بالمجلس بعد ماراحوا وتجمعوا كلهم
نايف: ملكتي بعد خمس ايام
الكل قام يبارك
ريوف انصدمت وغصه بحلقها ودموعها بدت تنزل: مبروك والله يهنيكم
راحت فوق وقفلت على نفسها الباب ولحقتها جمانه وبدت تهديها
......................
نروح عند العرسان بجزر المالديف
نجد بحزن: نايف خطب
عزوز: شلون يخطب ريوف وهي مخطوبه؟
نجد: مو ريوف خطب لمار
انصددم عزوز: بذمتكككك!!!
نجد: اي والله
عزوز: بقوم اكلمه اشوفه
قام عزوز
رد نايف: وصلك الخبر؟
عزوز: صاحي نايف تزيد النار نارين؟
نايف: وش سويت ياعزوز هي شافت حياتها بوقف حياتي انا بعد؟
عزوز: مو توقفها بس شف لك غير ذي
نايف: انا ابي ذي
عزوز: ومتاكد من قرارك؟
نايف:اي وملكتي بعد خمس ايام اذا امداك تحضر
عزوز: الله يوفقكم وماتوقع يمديني
نايف: اجل الله يستر عليكم
قفل وراح عزوز لنجد
عزوز : والله سواها
نجد: الله يوفقهم
......................
اخر الليل بالحديقه قاعد ريوف وتسمع اغاني وتبكي تقدم لها نايف
نايف:تحبينه؟
ريوف: من؟
نايف: فهد اقصد زوجك المستقبلي
ريوف والغصه بحلقها: الحب يجي مع الوقت
نايف: حفظته ودللته وغنيت له موال
‏وتخيرت قربه ليتني ماتخيرته
ريوف: ليش سببت الفراق ؟ليش طفيت الشموع ؟
نايف: انا ياريوف انا؟ من اللي فهم غلط انا كنت احسبها انتي والله واللي خلق عيونك اللي عذبتني ان احسبها انتي ياريوف
ريوف وهي تبكي: هي كانت تحبك وهي كانت تسولف فيك وانا احترق
نايف: ماعاش من يحرق احرق دنياه اللي يحرقك
ريوف بهمس وبكي: بس انت احرقتني
نايف:من يلوم المفارق عقب فرقا خويه
اشهد ان المفارق من عظم البلاوي
مير هذا نصيبك يا العيون الشقيه
اتجلد واقول اني على البعد قاوي
والله اعلم بقلب فيه الاشواق
ريوف وهي تبكي وصوتها المهزوز:مستوحشه دنياي بدونك

اول روايه اكتبها ويارب تنال اعجابكم🤍
لايك🌷