واوعدك كلمة احبك منها مايمل قلبك

بارت ٦

بارت (٦)

اما عند ريوف كانت متضايقه ماتحب تختلط بالرجال مره ولا تعرف ل اطباعهم وتخاف منهم نزلت ريوف للحديقه وكانت حيل تعبانه من ذكرياتها مع ابوها ومع الموقف اللي صار مع فهد وزادها مسلسل تابعته عن الاب نزلت تحت وقعدت على احد المراجيح وبدت تبكي بطلعت نايف من المشب شاف البنت اللي تبكي وتقدم وعرف انها ريوف ظل دقيقتين متردد يروح ولا يخليها على راحتها بس تشجع وراح مايبيها تخاف منه
نايف: سلام
ناظرته ريوف  وعيونها دموع وتوترت بدت تمسحهم: هلا
نايف: عادي اجلس؟
قامت ريوف: اصلا انا قايمه
مسكها نايف مع يدها قبل تمشي ناظرته ماسك يدها وتوترت بدا قلبها يدق وماينكر نايف ان اعجبه مسكت يدها ولا كان وده يتركها
نايف وهو ماسك يدها وجلسها على المرجيحه اللي جنبه: اقعدي ريوف بقولك شي
استغربت ريوف وقعدت
نايف:تخافين مني؟
ناظرته ريوف بصدمه كيف عرف
نايف: تخافين ريوف؟
نزلت راسها ريوف
نايف : ريوف عارف انك خايفه مني وعارف بالموقف اللي صارلك مع فهد بس قبل لاندخل بالموضوع ليه ريوف ليه تخافين مني اذيتك بشي؟ انا الوحيد اللي الاحظ تخافين مني وتتهربين عكس سياف وعزوز ما اذي....
قاطعه بكائها وكان احد ضغط عليها كانها محتاجه تفضفض
ريوف ببكاء: نايف مو انت الوحيذ اللي اخاف منك كلهم اخاف منهم نايف اخاف اخاف ماعرف اتعامل معكم اخاف منكم نايف بابا مات وانا المفروض اعيش معه تركني نايف صرت ا خاف منكم ماعرف اتعامل معكم اشتاق لبابا نايف كل ماشوف بنت مع ابوها احتررررق من داخل ليه انا ليييييه اعيش كذا احتاج بابا بحياتي نايف اكثر من كل شي بالدنيا مافي شي يعوض مكان بابا نايف مافيييي احتاجه بحياتي مابي حياتي بدونه
انصدم نايف كل ذا بقلبها ومسك يدها يهديها: ريوف انا معك لاتخافين مني بالعكس اي شي تبينه تعاليلي اعتبريني صديق اب اي شي لك بس لاتكتمين بقلبك كذا!؟؟
ماكان وده يقول اعتبريني اخ لانه ماكان يشوفها اخت وماكان يبي يقولها شوفيني حبيب وهو مو عارف مشاعرها وهل تحبه
ريوف: نايف مو بيدي اخاف اخاف من كل شي حتى....
قاطعها نايف: حتى الموقف اللي صار خلاك تبكين؟
انصدمت كيف فهمها: محد يفهمني كيف فهمتني؟
نايف: ريوف حاس فيك ريوف لاتخبين بقلبك المفروض اول ماصارلك تتصلين علي تدقين علي تجين تقولين لي واخذ حقك منه تبين الحين اروح ادفنه حي لكك؟ وش تبين واسويه
ريوف: ماتوصل نايف بس خايفه منه يعني وبعدين ماكنت اعرف اقول لمن ماعرف محد يفهمني ماعندي غير جمانه ونجد بس مايقدرون يسوون شي
ناظررته وعيونها غرقت بالدموع وبصوتها غصه: انا لو عندي بابا اول واحد اقوله بس ماعندي
نايف: الله يرحمه وقضاء وقدر ريوف واعتبريني انا موجود صحيح اني مستحيل اعوض مكان ابوك بس اللي اقدر اسويه راح اسويه لو على موتي ريوف
سكتت ريوف
نايف : ريوف لاعاد تسكتين لاعاد تكتمين ترا مو زين تعاليلي اذا مافي احد يفهمك
ريوف: مو متعوده اقول
نايف: بتتعودين ان شاءالله
ريوف: ان شاءالله ، بقوم انام
ابتسمت :شكرا على كلامك
نايف رد لها الابتسامه وردت روحه مع ابتسامتها: ولو ريوف
ابتسمت له ومشت ظل يناظرها ياما دخلت
نرجع للثنائي المرح عزوز ونجد
خلصت الاندومي نجد وبجيت عزوز
نجد: يلا تعال كنت راح اكل واخليك خساره جيت
شمق لها عزوز: بطني تحس
هبدته نجد: ياحظي الاحساس مو بالبطن لاعاد تسولف اوكيه
عزوز: اولا اكبر منك لاتمدين يدك ثانيا بكيفي ان شاءالله لو احس براسي مالك دخل وهاتي الاندومي
نجد: الحمدالله والشكر
جابت الاندومي وبدوا ياكلون ويسولفون
نجد: تدري ان الحيوانات تقدر تتنفس؟
عزوز مثل الانصدام: اما احلفي تتنفس اوف توني ادري اوف كنت راح اموت ولا اعرفها
نجد: اصلا ماتعيش بدون معلوماتي
عزوز:والله انك حمار سبحان من جمع الخبول عند بعضهم والحمير عند بعضهم والكلاب عند بعضهم
نجد: اي والله اخر وحده عاد اقصد فيها انا ناس
انلخم عزوز وبدا ياشر على نفسه: تق تقصديني انا؟
نجد: اللي على راسه ريشه يتحسس
عزوز:ياملا التبن انتي حتى طبخ ماتعرفين اندومي ماتعرفين
نجد: كان قمت سويت انت ولا فالح بس بالكلام
عزوز: نجد ودي اكفخك
نجد: عزوز ودي اضربك
عزوز: اقول قومي غسلي الصحن لايجون يكفخونا ويضربونا انا وانتي موصخين المطبخ
نجد : عزوز غسلهم انت انا طبخت
عزوز: من البنت انا ولا انتي؟ قومي انتي غسليهم
نجد: عزوز ماله شغل بنت ولد كلنا اكلنا وانا اللي طبخت
عزوز: اقول ولي
نجد: نلعب حجره ورقه مقص واللي يخسر هو يغسل؟
عزوز بثقه : طبعا انا الفايز
لعبوا وفازت نجد
عزوز حك راسه: نعيد
نجد ضحكت وبانت غمازتها ؛اقول غسل بس
طلعت نجد بس عند عزوز ضل واقف بمكانه يتذكر ضحكتها وغمازتها
عزوز:
اشوف غمازاتك واقول نجمتين لامعه بين نجوم
في اليوم الثاني بالمجلس الجد والجده وعيالهم واحفادهم
الجد:شرايكم ناخذ لنا شاليه بكرا حنا وعمكم ابو سعد( اخو الجد)
ابو فهد : خلاص ان شاءالله ريوف تدور لنا
ناظرها نايف وناظرته وسرعان ماشالت انظارها
بدخلت محمد وعياله وزوجته بما انه ويكند وخلود وبنتها
وفهد وزوجته وبنتهم ونجلا وولدهم وبدوا يسلمون ويسولفون
عبدالعزيز: مادريتوا جدي يبي شاليه يبي يسبح ويسوي تان بعد
نجد ضحكت : ماتخيل شكل جدي لابس شورت ومسوي تان
ضحك عزوز وضربوا كفوفهم بعض هاي فايف
ابو سياف هبدهم بعلبة الفاين: بس عيب
الجد:وشنهو الملوي هذا اللي تحتسون عنه
جمانه قامت تقعد بجنب جدها وتضمه: جدو ماعليك منهم ذولا ماعندهم سالفه
محمد: الحين يتهاوشون
جمانه: لا غلطان ياخوي محمد ماحط عقلي بعقلهم
فهد ضحك : عشتوا
عزوز: ماعليكم منها ذي اكثر وحده مامعها عقل
وبدوا يسولفون
جمانه: من يودينيييي ابغى من ماتشااااا
عزوز: قولي عمي عزوز واوديك
جمانه: تحلم
ناظرت سياف: سياف يوديني انت قلت اي شي تبينه قوليلي
ابو سياف : دامك واعدها قم ودها
سياف: يلا البسي
جمانه قمزت: يسسسسسسس
خلود ضحكت: زي حركات روح وحور
لبست وجت بتطلع معه
جاء ولد نجلا غيث : عمو سياف
ناظره سياف : هلا غيث
ناظر غيث جمانه اللي كانت تلبس جزمتها واشر عليها: تروح معك
سياف: اي
غيث : ابي اروح
سياف: مايصير يلا روح
غيث: بس ياخذ البنت اللي يحبها
سياف هبده: اعقب لحد يسمعك اذلف
جت جمانه وركبوا السياره
جمانه : سياف بليز لاتقول لا
سياف : وش
جمانه ابغى اسوق
سياف: تستهبلين لا طبعا
جمانه: سياف بلييييييييييز
سياف: جمانه محب البنات يسوقون
ناظرته وزعلت وحس انها زعلت ومايقوى زعلها
سياف: طيب تعرفين تسوقين
ناظرته جمانه : لا ماعرف بس ابغاك تعلمني
سياف :كدينا خير
ركبت جمانه مكانه وهو ركب جنبها بداء يعلمها ووقفوا يطلبون طلباتهم بعدها حركوا لفت جمانه على سرعه وصدمت الرصيف بس ماصار شي
جمانه عصبت: سياف هو لف علي الرصيف اووووووف
سياف مايدري يعصب ولا يضحك على عصبيتها ولا وش يسوي: كيف لف عليك جمانه رصيف ذا مكانه
جمانه: لا متعمدي يحطونه هنا هم
سياف : جمانه ارجعي لاتجنينيني
جمانه : سياف هو لف علي
سياف: جمانه كيف لف عليك
جمانه:زعل اني اسوق وهو لا وبعد غار انك معي ومو معه
سياف انلخم وضحك: جمانه ارجعي ماني بايع حياتي
ساق سياف وصلوا البيت وبدت السوالف والمحارشه بين عزوز ونجد بس هالمره اكتشف يوم يحارشها كان معجب فيها بس ماكان عارف كان يحارشها عشان تتكلم معه
كانوا يتناقشون عن موضوع نجد وفهد وكل واحد يقول كلمه
عزوز طالع نجد:قسم بالله انك خبله والخبال مشكله من الله مانقدر نسوي شي
نجد: انا ماني خبله ياخبل
عزوز: وش انتي
نجد: انا نجد بنت ابو سياف وام سياف
ناظر ام سياف وابو سياف: بنتكم مشاءاله تبارك الله بنتكم مشاءالله تبارك الله شجره
نجد: انا ماني شجره انا انسانه
نجلا ضحكت: عزوز تكفى لاعاد تمدح اجل شجره
ضحكوا كلهم
جمانه قاطعتهم : وانا وش
سياف : نخله
جمانه: سياف انا ماني نخله؟؟؟ انا حتى مو طويله طولي حلو
خلود: جاك الثاني لو ضالين على شجره افضل
ابو محمد: المشكله جمانه مو طويله بعد
سياف :ياخي مدحه افهموا النخل عروقه تمر والتمر كلن ياكله
ابو سياف: جاء الثاني يبي يكحلها اعماها
ضحكوا
جمانه : بس انا محب التمر
نجد: ولا انا
ريوف: حتى انا ماحبه
عزوز قاطعهم: عاد اكلوا تبن ماتاكلون التمر اكلوا تبن
نجد وريوف وجمانه بصوت واحد: اكل تبن انت
نجد صرخت: سجلووووا قضييه عليييه
عزوز: داخل روسكم هواش؟
نجد :انت تدري وش داخل راسك؟ داخل راسك علف
عزوز: وششش
نجد: علف هذا حق اللي ياكله الخروف
عزوز: الله يجعلك تاكلينه معه
جمانه بضحك: والناقات تاكل من راس سياف
سياف: ورا ماتطسون انتم
جمانه: اصلا حنا بنروح السوق نجهز الشاليه بكرا
ابو فهد: من يوديكم؟
ابو محمد: نايف يوديهم وينتظرهم ويجيبهم
نايف ناظر ريوف وريوف ناظرته وشتت انظارها

اول روايه اكتبها ويارب تنال اعجابكم🤍
لايك🌷