واوعدك كلمة احبك منها مايمل قلبك

بارت٤

بارت(٤)

وبعد ماخلصت حست انها ضاعت وبدت تبكي بدون صوت شافها سياف
سياف: جمانه؟
جمانه تمسكت فيه: ودني عند خالي
سياف : ليه تبكين وش جابك هنا
جمانه: كنت العب انا وريوف بس شفت الالعاب هذي فيها دباديب وجيت العب
سياف:وليه تبكين في احد سوالك شي
جمانه : لاخفت ماحصلكم
سياف ابتسم: طيب وين الدبدوب
جمانه ميلت شفايفها بزعل: مافزت فيه
سياف: ابشري والله الحين اجيبه لك
جمانه ابتسمت بفرحه :منجد؟
سياف: من جدي مرتين بعد
مسكت يده جمانه بحسن نيه وهو انصدم من تصرفها بس ابتسم واخذته لمكان اللعبه
جمانه : يلا خلك قد وعدك وهات لي الدبدوب ذا
سياف: تم
بدا يلعب سياف وفاز فيه وعطاه جمانه
جمانه نطت بفرحه: شكرا شكرا سيييياف مررررررره
سياف ابتسم يوم شاف ابتسامتها: العفو حاضرين بالخدمه
جمانه: خلاص بتصير البيست حقي واي شي ماعرف له اجيك على طول
سياف:ابد حاضر لك، بس وش البيست
همست له باذنه: يعني صديقي المقرب
ابتسم لحركتها العفويه ومشوا
اما عند ابو سياف ونايف
نايف وهو يفكر ليه وين ابوها مايجي يسال عنها
نايف : عمي تبي شي بقوم اتمشى على مايخلصوون لعب
ابو سياف : لا ياولدي
بداء يمشي نايف وشافها تمشي لحالها وتدور بعيونها مشى لها وعرف انها ريوف
نايف: وين الباقي
ريوف: مدري ماحصلتهم فجاءه لقيتني لحالي
نايف :ندورهم عشان نمشي؟
ريوف رفعت اكتافها: اوكيه
بدوا يمشون بس فجاءه وقفت ريوف يوم شافت الشخصيات الكرتونيه ( لان عندها فوبيا) استغرب نايف
نايف: ليه وقفتي وش فيك صنمتي؟
ريوف هزت راسها وبدت تبكي يوم شافتهم يقربون لها : ابعدهم عني لايجون ابعدهم
نايف: من اللي ابعدهم؟
ريوف صارت وراء نايف وتمسكت بظهرها وحطت وجها وراه وتمسكت بثوبه ( ان شاءالله فهمتوا من الخوف يعني يوم تتمسكون بشخص🫣😅)
نايف انتبه انها خايفه منهم: خايفه من هذولا؟
ريوف وهي متمسكه فيه : مابي مابي ابعدهمممم اقولك
صارت ريوف ماسكه نايف من الجنب يوم شافت انهم قربوا وهم مسكها بيده وقربها له واليد الثانيه يأشر لهم يبعدون
نايف:خلاص راحوا رحوا
ريوف وهي دافنه وجهها عليه: احلف بالله ياويلك تكذب
نايف ضحك:والله والله
ريوف ابتعدت بفشله: اسف بس خفت منهم
نايف ابتسم : ولا يهمك
بعد ماخلصوا لعب وتوجهوا للسياره ورجعوا للبيت
عزوز: شرايكم نسهر في الحديقه وعمي يقولنا قصص
نجد: فاضي لك بابا؟
عزوز: انطمي ماتبين انقلعي
نجد: انتت اللي انقلع محد يبيك حتى الهندي ما...
ماكملت كلامها الا هبدها على راسها
عزوز: ماتسكتين ام زكي؟
نجد: انا ام زكي يالتبن
عزوز قلد طريقة كلامها
ابو سياف قاطعهم:بس انتي وياه ، ويلا جهزوا نسهر واقولكم قصه بدوا يجهزون وبعد مده خلصوا وقعدوا
وبداء يقولهم ابو سياف قصص ويضحك معهم بنص الضحك ابو سياف حضن نجد ويضحكون وبنص ضحكة ريوف شافت الموقف ذا ودمعت عيونها ناظرها نايف وبدا يفهم بس ماكان متاكد وطلعت ودخلت وبعد ماهدوا بدوا عزوز ونجد يتهاوشون رجعت ريوف بعد ماغسلت وجهها
قام ابو سياف يبي يمشي
عزوز: قعده حلوه نسوي قروب عشان نجتمع؟
ابو سياف: سوو بينكم لاتحطوني
سوا عزوز القروب وضافهم يوم طلع ابو سياف لحقه نايف
نايف:عمي عمي
ابو سياف : هلا ياولدي
نايف: عمي بسالك اذا مابه احراج
ابو سياف: امر
نايف حك راسه: عمي زوج عمتي مرام وينه؟
ابو سياف: توفى
انصدم نايف: متى؟
ابو سياف طبطب على كتف نايف: زمان زمان مشى ابو سياف وضل نايف مصدوم عشان كذا هي تبكي كل ماشافت اب
اما عندهم بالجلسه بدوا يلعبون ويضحكون وانتهت الليله عليهم وكل واحد توجهه ينام
في الصباح على طاولة الفطور والكل مجتمع ويفطرون جاء عزوز
نجد: جت الكأبه كلها
عزوز شمق لها وجلس : السلام عليكم
ردوا السلام
بدوا يفطرون وناظر سياف اخر حبة زيتونه
سياف: جمانه اذا ماعليك امر عطيني الزيتونه
جمانه اخذتها واكلتها وابتسمت: اوبس بالغلط
ناظرها سياف : عساه سم
ناظرته جمانه بعيون زعلانه :خلك قد كلمتك هذا وانت تقول اي شي تبينه تعالي اساعدك فيه
ابتسم وماطاوعه قلبه رغم انه قالها بمزح

وبعد ماخلصوا توجهوا البنات والعيال يقعدون بالحديقه عشان يلعبون

نجد: عزوز رجاء اللعبه ذي كلها مابي اسمع حسك
عزوز: بكيفي زوجتي انتي تتامرين علي
نجد: ياعزتي لها زوجتك قاعد افكر فيها
عزوز: وش دخلك تفكرين فيها؟
نجد:لا قاعد افكر شلون بتعيش وانت زوجها
عزوز:والله ان تعيش حياه ماعشتيها، والله ان ازيدها عز فوق عز ابوها بعد
نجد:  ياهمييييييي
عزوز: حرام حرم الدم ان اتمشى بها في اطلق سياره
نجد: الله يعين البنت
عزوز : اقول انتي اللي الله يعين زوجك
نجد: لاتتكلم على زوجي مارضى عليه!!!
عزوز : وينه هو؟
نجد : ترا زوجي المستقبلي يحس فيني
هبدهم سياف
سياف: ماتبون تنطمون ونبداء الفعاليه
بدوا يلعبون وجاء سؤال لريوف
عزوز ناظر ريوف :هل علاقتك ف ابوك حلوه
ناظرته ريوف ولا نطقت استغرب عزوز تصرفها
نايف: عزوز غير السؤال
عزوز: بس مايصير لازم تجاوب ولا تنفذ حكم
ريوف وعيونها دموع : الله يرحمه وكانت علاقتي معه ماتتعوض
قامت ريوف وراء الحديقه تبكي
اما عندهم طالعته جمانه: عزوز ماكان له داعي السؤال
نايف: دايم حمار ياعزوز
عزوز: ماكنت ادري انه متوفي
سياف: شلون ماتدري وحنا ندري ان عمتي زوجها متوفي؟
عزوز: نسيت ترا مدري خلاص عاد
قام عزوز وقامت نجد تلحقه.....
اما عند نايف لحق ريوف وشافها تبكي وراء البيت
نايف: ضايقك السؤال؟
ريوف: ماضايقني ولا شي وهذا قضاء وقدر
نايف: ليه بكيتي طيب؟
ريوف: لانه موضوع حساس بالنسبه لي
نايف: الله يرحمه ومثل ماقلتي قضاء وقدر وهو يحتاج دعواتك وعسى ربي يعوض.....قاطعته ريوف
ريوف رفعت راسها له وعيونها دموع: مايجي مثل عوض بابا ابد محد راح يجي مكانه مشت وتركته
نايف:
انا يوم ارسل عيونه لقلبي
‏عطيته مهجتي والمعطي الله . ‏.... اهخ يا ام العيون الوسيعات

اما عند نجد جت بتقوم وشافت جوال عزوز وهو قام اخذته عشان تعطيه اياه راحت للمشب واول مادخلت
نجد: اقول تقل طفل تركت جوالك يابق........

اول روايه اكتبها ويارب تنال اعجابكم🤍
لايك🌷