واوعدك كلمة احبك منها مايمل قلبك

بارت ٣

بارت (٣)

شافهم الجد
الجد وهو مبسوط بجمعتهم: الله يديم عليكم الوناسه اشوفكم بسرعه صرتوا اخوان لجمانه وريوف
جمانه راحت عند جدها وتمثل الحزن : جدي شفت الناقه هذا( واشرت على سياف اللي كان منصدم) امس خلاني اركب اللعبه غصب رماها سياف بعلبة الفاين
سياف: جدي والله تكذب!!!! هي اللي قالت خلنا نركب
جمانه: جدي شف ضربني؟
سياف: تستاهلين حق الكذب
بدوا يتهاوشون
الجد:بس بس انت وياها
رمى عزوز علبة الفاين على نجد
عزوز: وهذي عشان ثاني مره ماتهددين باللعبه
ردت له الضربه نجد وبدوا يتهاوشون طلع الجد وتركهم يتهاوشون صرخ نايف
نايف: بس ياجاهل انت وياه انكم ورعان صدق؟
شمقت لهم جمانه: وع صدق
نجد: اقول شرايكم نلعب بس بدون بعض الناس العزيزه
عزوز : شتقصدين يالورع
نجد: اللي على راسه ريشه يتحسس
عزوز: ياحياتي انتي كبيتي الريش كله علي قايله عزيزه وماتبيني اتحسس لا وحاطتني انثثى
نجد: تستاهل. يلا نلعب
بدوا يلعبون وبنص اللعبه قام عزوز وراح للمطبخ عشان يشرب مويه وراحت وراه نجد تشرب مويه بعد
عزوز: هيه انتي
طالعته نجد وشمقت له: نعم
عزوز: جوهم بيض،شرايك نسوي بهم مقلب؟
نجد: وش مقلبكم استاذ عزوز؟
عزوز: نطفي عليهم الكهرب
نجد: بس ريوف وجمانه يخافون من الظلام
عزوز : نسيتي سياف ونايف داخل؟
نجد: بس تم يلا
وطلعوا برا المطبخ وراحوا عند الكهرب وطفوا الكهرباء على المجلس اللي هم قاعدين فيه على اساس مقلب وركض عزوز يقفل باب المجلس بالمفتاح داخل بالمجلس اول ماطفى الكهرب صرخوا ريوف وجمانه ونايف كان جنب ريوف تمسكت فيه بقوه وبدت تصيح
نايف: ريوف هدي تلقينه الخبل عزوز طفاها
ريوف وهي متمسكه فيه بقوه بدون وعي : تكفى تكفى خلهم يشغلونها
نايف شاف انها خايفه حيل وبدا يهديها وهي تصيح

اما عند جمانه اللي كانت بجنب سياف بدت تصارخ جمانه وتصيح مسكها سياف
سياف: اص اص كله كهرب وطفى والحين يشتغل
جمانه قامت تبكي بحضنه: ابغى اطلع انكتم طلعني
نايف: سياف اتصل على الخبل عزوز تلقاه هو مسويها
سياف: جوالي طافي اتصل انت
نايف: جوالي فوق بغرفتي
سياف بعصبيه بعد ماشافها تبكي وماتحمل دموعها عصب وبدا يسبه ونايف كذلك بعد ماشافها خايفه شغل الضوء ورفعت راسها ريوف وناظر عيونها ودموعها ونسى نفسه في اللحظه ذي وهي قاعده تناظره بنظرات كلها دموع ناظرته عشان يفكها بس هو انسحر بعيونها الوسيعه وكل شي فيها سهى فيها نسى نفسه في اللحظه ذي ياما هي نطقت
ريوف: يدي ابغى اطلع
نايف تركها وقامت تطلع
والحال نفسه عند سياف اول ماشتغل الكهرب وشافها كيف  منزله راسها بحضنه وتبكي رفعت راسها اول ماشغلت الكهرباء وشافها كيف كانت تبكي وبدا قلبه يدق وشاف فيها الدلال والدلع على انها كانت تبكي بس كان واضح انها مدللله ومدلعه
جمانه وهي تبكي وتناظر سياف: اشتغلت الكهرباء اخيرا
قامت بسرعه وطلعت هي وريوف وكانوا سياف ونايف ف عالم ثاني طلعوا ولقوا عزوز يضحك تقدموا له
سياف مسكه وضربه على راسه: جحش انت حجش تطفي الكهرباء والبنات معنا؟؟
نايف : انك زق بغى يغمى عليهم وتورطنا
عزوز: ياخي جوكم بيض وقلنا نغير جو
سياف: انت ونجد صح
عزوز: والله اختك حقت مقالب
سياف : يالعنة الله انت وهي
راحوا وكان عزوز ميت ضحك
راح نايف لغرفته عشان ينام بس ماقدر كل مايتذكر عيونها الوساع وخوفها وكيف كانت متسمكه فيه
نايف هو يهوجس:
غنيت لك يابو عيون وساع
من غيرك اقصد واغني له
اهخخ شسويتي فيني يا ام العيون الوسيعات اهخ
اما عند سياف كل مايبتذكر بكاها بحضنه
سياف :
بخت من قابل حسن وجهك عز الله تهنى ..
ناموا ذيك الليله كلهم وكانوا سياف ونايف يهوجسون
اما عند البنات كانو يعاتبون نجد
ريوف: وصخه نجد لاعاد تعيدينها ماكان عندي غير نايف يع صدق وجع عليك
جمانه: مدري وين اختفيتي انتي وانا مالقيت عندي الا اخوك والله فشله
نجد ضحكت: اقول نامو ناموا بس وراحت كل وحده عشان تنام عند ريوف كانت تهوجس فيه كيف كذا قدرت تقرب منه كيف كان يناظرها اما عند جمانه ماعطت الموضوع اهتمام وناموا وكل واحد كان يهوجس....