واوعدك كلمة احبك منها مايمل قلبك

بارت ٢

بارت (٢)
شافها قاعده على المراجيح منزله راسها وعلى جوالها وعبايتها الورديه وحجابها الابيض على كتفها وشعرها اللي مسويته ويفي كانت جميله
نايف: خلصتي اول وحده مثلي
رفعت راسها وناظرته وكان كاسيها الدلع والغرور
ريوف:اي وانتظر البنات
ورجعت صدت تناظر لجوالها
الا بجية العيال والبنات خالصين
ركبوا السياره وكان نايف يسوق وعبدالعزيز قدام ووراء سياف على جهة نايف من عند الباب وبجنبه نجد وبجنبها ريوف وجمانه ومشوا
عبدالعزيز: سياف يالشايب ماودك تغير وانت اربعه وعشرين ساعه معلق على الثوب؟
سياف: اذا شكيت لك تعال سولف
نايف: وانت شلابس تراك لابس ثوب؟
عبدالعزيز: ياولد هو حتى النوم ماضن يفصخه
قاطعتهم جمانه وهي تقول : بالعكس احب شخصية الرجال اللي يلبس ثياب وكذا يعني
ريوف: تقصد تحب البدو يعني جمانه تعشقهم
عبدالعزيز : المشكله انها حضريه ودلوعه وتدلل بعد
جمانه: اننن سوق وانت ساكت بس
نايف: كلنا تربينا بالبر وبين نياق بس سياف اخذ من اطباع البدو حيل
نجد:صراحه كانو اربعه وعشرين ساعه بالبر يابنات تخيلوا يجون ياخذون سياف ويروحون مايجون الا الفجر ويجي وينام حتى بابا مو مثله!
عبدالعزيز: نايف وسياف يحبون البر كثير نايف يعني بس سياف بدوي حيل
جمانه: حلوه شخصيته
ناظرها نايف من عند المرايه اللي قدام ماتسولف وماعطى الموضوع اهميه وصلوا المول ونزلوا وبدوا يتمشون بالاسواق
عبدالعزيز: شرايكم ناكل ونكمل لعب
نجد: ياهادم اللحظات السعيده يع
عبدالعزيز ناظرها بطرف عين: ذابحتك اللحظات السعيده
قعدوا عند احد المطاعم وبدا نايف ياخذ طلباتهم وقف عند ريوف
نايف: وانتي
ريوف: عندي اسم وابغى قهوه مابغى اكل
نايف: طيب يا ام اسم اخلصي وش تبين
ريوف شمقت له وقامت استغرب تصرفها ورجع ناظرهم نايف: وش فيها ذي؟
جمانه: عادي هذي ريوف ترا شوي شوي وتلين بتروح تاخذلها قهوه من ستاربكس وتجي
راح يطلب وهو عينه عليها وبعد ماطلب لحقها وقفت تطلب وشافت اب وبنته كيف يحضنها ويدلعها ويسولف معها نزلت دمعتها وهي تشوفهم وناظرها واستغرب وراح لها وانتبهت له ومسحت دمعتها وناظرته وعيونها دموع
ريوف: وش تبي مو طلبت لك اكل؟
نايف: شفيك مشخصنتها انتي جيت معك اشوف وش تبين
ريوف: هذا طبعي اول شي يعني يبيلي وقت على ماتعود ثانيا ماني طفله تراقب تحركاتي ثالثا مالك شغل فيني
صدت تاخذ الطلب واتجهت لهم وقعدت جنب جمانه تنهد ومشى لهم وبدووا يسولفون بنص السوالف
جمانه: يع تخيلوا اكل لحم ناقه
سياف: يابنت احشمي نفسك وش اللي يع؟
جمانه:يع ويع كل شي يخص الناقه والحيوانات يع
سياف : الناقه مو حيوان!!!!!!
جمانه بصدمه: تستهبل الا حيوان
سياف : انتي الحيوانه الناقه تفهم
جمانه: الحيوان انت واشكالك والناقه
بدوا يتهاوشون وبدوا يهدونهم
جمانه: مو منجده الخبل ذا يقول الناقه مو حيوان!
عبدالعزيز ضحك: هو كل شي عنده عادي الا تقولين للناقه حيوان قولي له هو حيوان بس الناقه لا
سياف : الحيوان انت
شمقت له جمانه وناظرت نجد
جمانه: اخوك مو صاحي
نجد: عشقه الناقه🤣
راحوا عشان يلعبون
ويبون يركبون لعبه مرجيحه ترتفع فوق حيل وخطره ويكون فيها كرسيين جنب بعض ( ان شاءالله فهمتوا😅)
ناظرتهم نجد: شرايكم بذي اللعبه بلييييز
عبدالعزيز : تفهمين بالالعاب
ركضوا نجد وعبدالعزيز ياخذون دور مع الزحمه وبدوا يحاشرون الناس والناس منصدمه ويدفون بعض عشان ياخذون الدور ورراهم سياف ونايف وريوف وجمانه
سياف: مهبل والله عشان لعبه
جمانه: اي اجل عشان ناقه
سياف ناظرها: وانت شعليك من الناقه وش جاب طاريها
جمانه شمقت له: بكيفي ماحبهم
سياف : لاتحبينهم غيرك يحبهم
جمانه: غيري حيوانات
بدوا يتهاوشون ناظرهم نايف
نايف: ياليل البزران قسم بالله مبزره! سياف كم عمرك تحط لي عقلك بعقل ورع؟
جمانه: انت الورع تسمع
سياف: لاتغلط على الناقه
جمانه: الا اغلط
سحبتها ريوف ومشوا وقفوا عند اللعبه وجو بيركبون
جمانه: ماركبها sorry
ريوف: من يركب معي؟ البقره نجد راحت مع عزوز
سياف : انا ماركب بعد ذي الالعاب
نايف: انا ابي اركب تجين؟
ريوف ناظرته: اي
وراحوا يركبون جنب بعض ناظرتهم جمانه وحست ان الوضع حماس وليه ماتغامر ناظرت سياف وضربت كتفه
سياف : ياملا الوجع وش تبين؟
جمانه ضربت رجلها بالارض: ابغى اركب
سياف: ماسكك انا روحي اركبي؟
جمانه : تستهبل من يركب معي؟
سياف: تبيني اركب ذي الالعاب؟ مجنون انا
جمانه وعيونها دموع: تكفى امش معي، وتكفى تهز الرجاجيل
سياف: ماهزتني منك
جمانه ونزلت دمعتها وصدت عنه واستغرب كيف بكت وهو بس قالها لا وناظر صدها وهمس لها
سياف: خلاص تبين نلعب؟
ناظرته جمانه : اي
يلا امشي واركبوا سياف وجمانه مع بعض وريوف ونايف مع بعض وعزوز ونجد مع بعض
اشتغلت اللعبه وبدوا يصارخون عزوز ونجد يخوفون بعض باللعبه ( اختصرت اسم عبدالعزيز ب عزوز)
عزوز : والله العظيم لو ماتسمعين كلامي وتصيرين خدامتي لا افك اللعبه وتموتين
نجد لفت له: تهدد انت ووجهك ؟ ترا اقدر افتحها من عندي وبدوا يحارشون بعض
عند ريوف ونايف كانوا يضحكون على جمانه وسياف اللي كانوا مغطين عيونهم ويشتمون ببعض
سياف: كله منك يا ام دموع
جمانه: لو انك مخليني بدموعي مو احسن
سياف وجمانه وهم يصارخون
سياف : الشرهه على اللي يسمع كلامك
جمانه: اسكت يالناقه
سياف : عيديها والله لا افتح عليك اخليك تطيحين
جمانه بصراخ : شوفوا البقره اللي بجنبي يبي.... ماكملت كلمتها الا سياف سكر حلقها
سياف: يالبزر اص فضحتينا
شمقت له جمانه وخلصت اللعبه ونزلوا وبدوا يلعبون ويضحكون ويستانسون وانتهت طاقتهم وركبوا السياره طاقتهم صفرر. ركبوا نفس اماكنهم وكل واحد غفى الا نايف بما انه السواق ناظرها من المرايه وبداء يهوجس ليه دمعت ؟ معقوله هي اللي ابوها متوفي؟ ولا جمانه ماضن هي بس ليه بكت؟
وصلوا البيت ونزلوا وكل واحد راح ينام في اليوم الثاني بالمجلس والكل مجتمعين ناظرهم الجد............

اول روايه اكتبها ويارب تنال اعجابكم🤍
لايك🌷

حسابي التيك توك الاول راح وهذا الثاني🥹
‏jojalanzi11