واوعدك كلمة احبك منها مايمل قلبك

بارت ٢١

بارت ٢١

حامد: اجل اسمعني وربي ماكنت اقصد بدا يقوله السالفه
عزوز: اصبر اصبر وش تقصد انت بعدين توصفها لي يعني عرفتها شكلها من المعازيم
حامد: اسال زوجتك تكفى
عزوز: تستهبل حامد
حامد: تكفى عزوز
عزوز: خير خير ان شاءالله بسالها واردلك
قفل من الخط وتوجه لنجد
عزوز: حياتي
نجد : هلا
عزوز: امس وحده كانت لابسه اسود و......بداء يوصفها مثل ماوصفها له حامد وانهى كلامه تعرفينها!
نجد عصبت وقفت على الكنب انصدم عزوز وبدت تصارخ عليه: اي قل اني ماعجبتك بعد ماحملت بولدك الزفت وتبي تتزوج علي وعيونك يابو عيون زايغه وش تبي بالبنت ها وش تب... ماكملت كلامها الاوعزوز ماسكها
عزوز : راسي راسي صدع اسكتي تكفين وربي مو لي حامد حامد العسكري شافها ويبي يخطبها
طبعا جلس ساعه يقنعها وبعد ماقتنعت
عزوز: منهي طيب
نجد: لمار حفيدة ابو سعد
عزوز: بذمتك!
نجد خزته: اي والله وليه بذمتي
عزوز: مدري بس تصدقين الله يوفقهم
نجد: اقول متى بنروح جمانه تقول ينتظرونا عشان يحددون زواج جمانه وريوف
عزوز : يلا بدلي عشان نروح
...........
بمجلس الجد فهاد
الجد فهاد: ها متى تبون زواجكم
نايف: والله اذا يناسبكم بعد شهر
سياف : ماعندي مانع
شهقت جمانه: متى يمدينا نجهز؟
عزوز: شدعوا تراك اربعه وعشرين ساعه بوجهه وش تجهزين
ضحكوا كلهم
جمانه: مالك شغل بكيفي
الجد فهاد: يعني بعد شهر تبونه ياريوف وجمانه
ريوف : ماعندي مشكله
جمانه: وانا بعد
بدوا يباركون وبدوا البنات يخططون بالتجهيزات وكل شي
اما عند العيال بعد ماطلعوا بالسياره
عزوز : تخيلوا وش
سياف : وش نتخيل اخلص اهرج
عزوز ناظر نايف: وربي الله يعينك دامك بتعرس مع ذا الشايب اتوقع بيسوي الزواج من الضهر
نايف ضحك وسياف هبد عزوز بعلبة الفاين
عزوز : المهم حامد اتصل علي ويبي يخطب لمار
نايف: ومنين يعرف لمار هو
عزوز قالهم القصه كلها
سياف: ياحليله شفته ضايع ماتوقعت انه طاح على وجهه
نايف : الله يوفقه بس قلت له؟
عزوز: لا والله بتصل عليه الحين
سياف: اتصل اتصل وعلمه
اتصل عليه عزوز
حامد : هلا والله عزوز
عزوز: هلابك ترا عرفت من تقصد
حامد: من؟
عزوز: مع الاسف راحت عليك مخطوبه
حامد انصدم: تستهبل ماكان بيدها خاتم
عزوز: ضاع لانها جمانه زجة سياف
هبده سياف على راسه واخذ الجوال منه
سياف: ابك لاتصدقه لاهي حرمي ولا شي هذي من عيال عمامنا قريبه مننا وماهي متزوجه ودامك صادق اكلم واحد من اخوانها لك الليله
انحرج حامد: والله لخمني الحمار عزوز بس ياليت تكلمهم وترد لي
سياف: ابشر
قفل منه وضحك نايف عليهم
عزوز: قتلت المتعه
سياف: زين ماقتلتك انا وش تقول جمانه
عزوز: مزح يالبقره
.....
اخر الليل عند البنات
جمانه: اوف يوم كنا نجهز مع نجد ماكان كذا متعب!
نجد: لانكم مجرد مرافقات معي الحين لا انتم العروسات
دق جوال ريوف وكان نايف
نجد لجمانه :عشتوا يالبدايات
جت رساله لجمانه من سياف وكان يقول بيكلم جده بموضوع ويدق عليها شافت نجد الرساله مع جمانه
نجد :عشتوا حتى انتي
جمانه: ليه وش فيني انا
نجد : البدايات ياحياتي
جمانه: هذا انتم بالبدايات لكم كم شهر مشاءالله
نجد: اهخ حياتي هوو
جتها رساله من عزوز وكان يقول بيكلم جده بموضوع وبعدها يمشون وكانو جمانه ونجد يسولفون
.......
سياف: الخرا نايف سحب وراح يكلم
عزوز: امش امش كله موضوع ومالنا شغل فيه بس انه صديقنا
دخلوا المجلس وكانو مجتمعين
سياف: جدي الصراحه نبيك تكلم الجد ابو سعد لنا صديق عسكري يبي يخطب مننا ومدحنا له حفيدة ابو سعد لمار
الجده فاطمه: والله والنعم بلمار واهلها
الجد فهاد: ابد من بكرا الضهر اكلم ابو سعد واشوفه وتردون خبر لحامد
...........
في اليوم الثاني كلم الجد فهاد ابو سعد وحددوا موعد يجي الولد ويتقدم
على الفطور
الجد فهاد: كلمت ابو سعد وقال بعد المغرب اذا ماعنده شي وماهو مرتبط يجي
سياف: ابد انا اكلمه
نايف: وبنروح معه ان شاءالله
نورا زوجة فهد بمزح : رايح تخطب خطيبتك القديمه لصديقك
ناظرها نايف بحقد وناظرتها ريوف بحقد
خلود اخت نايف: والله يا اخت نورا هذيك حتى خطبه ماتنسمى اولا وكلنا نعرف نايف من اول يبي ريوف ويحبها
نجد: وبعدين كلن نصيبه بيد ربي لاتتدخلين
نورا: والله كنت امزح شفيكم اكلتوني!
فهد زوجها عصب من اسلوبها وقال: مو كل شي ينمزح فيه
عزوز: ماعلينا المهم اليوم بعد المغرب نروح معه
....

اول روايه اكتبها ويارب تنال اعجابكم🤍
لايك