واوعدك كلمة احبك منها مايمل قلبك

بارت ١٠

بارت(١٠)
مشوا عزوز ونايف وظل سياف مسك يدها قبل تمشي ........
سياف: جمانه
جمانه تذكرت اللي صار وكانت متفشله: هلا
سياف: جمانه ابيك لي ابيك العمر كله لي احبك جمانه
توترت جمانه: سياف بروح
سياف: جمانه ابي جواب لاتخليني كذا تاييهه مابي اندم اني اتخذت خطوه كذا
جمانه : سياف لحد يشوفنا
تركها سياف وهربت جمانه فوق عند البنات وكان داخلها شعور مثل شعور الفراشات توتر وحب كانوا البنات يجهزون اغراضهم عشان يطلعون من الشاليه والكل كان يطلع اغراضه شافوا البنات جمانه
نجد تخصرت: شفيك جمانه؟
جمانه : سياف اعترف لي
كانت صدمه بوجه البنات صدمه كبيره
قعدت ريوف: قولي بسرعه
جمانه: مقدر لاوصلنا
نجد: وش يصبرني لا وصلنا
جمانه : اخلصوا
نزلوا البنات وكانت جمانه لابسه نظارات شمسيه لونها بنك وعبايتها بنك
ناظرها عزوز وضحك: ايسكريم فراوله
جمانه: بعتبرها مدحه، ولا تعيدها عشان ماخلي نجد ترفضك
عزوز: لا خلاص اسف
ضحكوا البنات وجاء سياف يحط الاغراض ناظر جمانه وشتت جمانه انظارها عنه بتوتر
وصلوا البيت وقال سياف للعيال انه اعترف لها
عزوز: معليك جمانه من النوع اللي مايخبي مشاعره يعني يومين بالكثير اذا كانت تحبك تجي تقولك وانت لاتطول معها سياف تراها بحسبت اختي اذا كنت صادق تتقدم لها على طول
نايف: صادق عزوز
سياف : اكيد اني بتقدم لها على طول وش يصبرني انا؟
عزوز ناظر نايف: حتى انت ريوف انتبه تزعلها تراها اختي
نايف: شعنده ذا؟ اختي واختي
سياف : هاضت مشاعره
بعد مرور يومين من غير اي احداث تذكر نزلت نجد ركض وصدمت بعزوز
مسكها عزوز وثبتها على الجدار: ياست نجد متى ناويه تردين صارلنا اكثر من يومين
نجد: اليوم بتسمع ردي
عزوز: اتمنى
نجد: يلا ابعد يالفتى الوسيم
ابتعد عزوز وابتسم: الفتى الوسيم
نزلت نجد عند اهلها ونزلت راسها: موافقه
ابو سياف: على ايش
نجد توترت: يبه موافقه
سياف كان يبي يحرجها: موافقه على ايش ماحنا فاهمين
نجد: والله راح ابكي لاتستعبط موافقه وبس
جت ام سياف ضمتها: معليك منهم ياروح امك وعسى ربي يتمم لك بخير
سياف: توم وجيري ربي يتمم لكم
بدوا يباركون وراح ابو سياف يعطي الموافقه ل ابوه وحددوا يوم الملكه بعد ثلاث ايام وتكون عائيليه
بيوم الملكه كانت ريوف لابسه فستان سماوي ماسك على الجسم وعليه ورود ومسويه شعرها ويفي ورافعته من قدام
اما جمانه لابسه فستان بنفسجي ومسويه شعرها ويفي كان شكلها يجنن اما عروستنا فستان فضي يجنن وكانت طالعه جميله جميله
بدت الحفله وجاء سياف يبي ينادي احد ياخذ الدفتر عشان توقع نجد بس ماتوقع انه بيشوف جمانه كانت جمانه طالعه تشوف وينهم طولوا طلعت من الباب وكان بجنب الباب شوي بعيد مجلس الرجال شافها سياف مسكها مع يدها ودخلها اقرب مجلس
سياف: ليه طالعه كذا؟
جمانه: سياف يبغون الدفتر حق التوقيع
سياف: وتطلعين كذا جمانه
جمانه: ماكنت بطلع كنت بشوف ليه محد جابهه
سياف: هذا هو معي
اخذته جمانه وجت بتطلع قاطعها سياف
سياف: عقبالنا جمانه
ابتسمت جمانه وطلعت وعطتهم الدفتر عشان توقع نجد
عند سياف بعد ماطلع شاف سعود ولد سعد كان يطالع الباب تقدم له سعود
سعود: مشاءالله الجميله اللي كانت هنا وش اسمها وليه سحبتها؟
سياف وهو ماسك اعصابه: قسم بالله ياسعود لو ماتبعد عن طريقي لا ادفنك حي ولا تجيب طاريها على لسانك لا اقصه لك
سعود: او شفيه الحلو عصب بس تصدق البنت تستاهل اني احارب عشانها
سياف مسك سعود مع ياقتها وبدا يشتمه
تقدم ابو محمد: وش عندكم
ترك سياف ياقة سعود : لابس كنت بتاكد اذا ريحة عطره ثابته
سعود: ها كيف ثابته؟ بس اتزوج بخليك تقيم ريحة عطري كيف
عند نجد والبنات كانت ترقص لمار وجمانه
جت رساله لنجد من عزوز: وصرتي حلالي يابعد ناسي❤️
وكمل عزوز وارسل استاذنت من عمي نطلع انا وانتي نتعشى
نجد: تمام ببدل واجي
راحت نجد تبدل وطلعت مع عزوز يتعشون
بالسياره كان عزوز ماسك يد نجد ومشغل اليسا
قطع الصمت عزوز اللي قال:
انا ذراك وسناك وعزّك واجدّر من ينولك
‏وانتِ هناي وشجاي ومُناي وثالث عيوني
ابتسمت نجد ونزلت راسها
عزوز: نجد ياروح روحي مابي تنزلين راسك ارفعي راسك وابتسمي بيني غمازاتك
ابتسمت نجد ونزلوا للمطعم وكان عزوز يسولف له ايامهم قبل وكانت نجد تشاركه بالكلام
عزوز : نجد تدرين وش اول سبب طيحني فيك
نجد: ايش
عزوز : غمازاتك
ابتسمت نجد بحياء
بعد العشاء بالسياره تحديدا عند العرسان وقف عزوز على جنب ومسك يد نجد
عزوز:شفايفك عذابي
نجد توترت مسك عزوز فك نجد وقربها له وبدا يبوس شفايفها بس هالمره طول وهو يبوسها بعد عنها وابتسم وابتسمت له وكمل طريقه
اما عند البنات بعد ماراحوا المعازيم بالحديقه
كانوا البنات يرقصون
جمانه: حطوا مصري لريوف
ريوف: جمانه فكيني بس فاضيه انا
حنين: يلا ريوف رقصتين بسسس
شغلت لمار مصري ريوف لبست لبس الرقص وتقدمت تتمايل على كلمات الاغنيه وكان كل ذا تحت نظرات نايف اللي تمنى باللحظه ذي مايكون في احد غيرهم وتكون له
وكانت تتمايل بكل فن ومهاراه
خلصت وصفقوا البنات اما عند نايف ماحسب حساب ان في احد كان يشوف حبيبة قلبه معاه
فهد من وراء نايف: مشاءالله حتى رقصها فنان كامله والكامل الله
لف نايف بكل قوته ومسك فهد : يابن الكلب متى كنت هنا
فهد: من يوم كانت حبيبت القلب ترقص
بدا نايف يتهاوش معه بجيت ناصر بدا يفرقهم عن بعض
ناصر: اخذتوا مني نجد وانا كنت ابيها اخذها ولد عمك بس تحسبه بيتهنو فيها وصله كلامي قله تحلم تتهنو وهي بخاطري
نايف: خذ بس ولد عمتك وفارقوا يلا
وانتهت الليله وكلن اتجهه لبيته ،بس مانتهت على ابطالنا
عند البنات بعد ماقالت لهم نجد اللي صار
جمانه :سالني اذا كنت احبه انربط لساني بس يابنات يفز قلبي كل ماشفته سياف من عرفته كنت احسه غير عنهم كان قريب مني يابنات احبه
نجد: جمانه مو عشانه اخوي بس ترا سياف اذا حب يحب بصدق ولا قد فكرت انه ممكن يحب اصلا بس دامه حبك تكفين لاتخيبين ظنه
ريوف: جمانه انتي اختي وهو اخوي واحسكم اصلا لايقين لبعض يعني بس بالنهايه الراي رايك بعد مده كل وحده اتجهت لغرفتها
عند جمانه بدلت بجامتها ونزلت تحت للمطبخ تاخذلها مويه شافت سياف وتشجعت وتقدمت له
جمانه: سياف
التفت سياف : سمي ياعروق قلب سياف
ابتسمت جمانه وقربت من اذنه وهمست له: حتى انا احبك وابيك ومن شفتك حسيتك غير عنهم سياف
انصدم سياف وهربت جمانه مسك قلبه اللي بدا يدق وابتسم بفرحه كان طاير من الفرحهه وبدا يغني واتجهه لمشب العيال وكانوا جالسين
سياف وهو يغني: كم لي وانا انتظر منك هالاربع حروووف اي والله كم لي
نايف وعزوز يناظرون بعض بصدمه
نايف:متاكد ذا سياف ولد عمنا
عزوز:اشك صراحه
سياف تقدم وقعد: اخخ طلعت تحبني ياشباب
عزوز ضحك: بذمتك
سياف: اي بالله
نايف: فرق الشخصيات يضحك
كملوا سوالف وارسلت جمانه بقروب البنات انها اعترفت له
ونامت اما عند ريوف اللي كانت صاحيه فرحت ان جمانه تشجعت اخيرا ونزلت تحت للحديقه وجلست شافها نايف وتقدم جلس
نايف:ماتوقعت ان توم وجيري ممكن يجمعهم النصيب
ريوف: مابعد العداوه الا الحب
نايف: صح ، تتوقعين في طيور حب جدد بالساحه
ريوف اللي بدت تمون على نايف: قصدك سياف وجمانه
نايف: اي
ريوف : لاهذولا لايقين لبعض صراحه بدوا يسولفون
بدوا يسولفون وبنص السوالف نطق نايف اللي كان راح يعترف لها بس بطريقة لغز
نايف: ريوف بعطيك لغز واتمنى انك تحلينه اللغز
ريوف: ايش
نايف: تراه مقصود اذا فهمتيه واتمنى انك تبادليني يعني
مافهمت ريوف ونطق نايف:
(ابي رمشك يغطيني وابيك اقرب من انفاسي)
............

اول روايه اكتبها ويارب تنال اعجابكم🤍
لايك🌷