واوعدك كلمة احبك منها مايمل قلبك

بارت ٨

بارت (٨)

كانت تبكي سمع صوتها عزوز وهي تقول اتركني دخل عزوز
انصدم عزوز وتقدم يضربه : يا ابن الكلب تقولك اتركها وانت ماسكها وبدا يضربه الى مانزف دمه وتركه
ناصر قبل يطلع بعصبيه: اذا ماخذتها وصارت زوجتي يا استاذ عبدالعزيز مايكون اسمي ناصر بن سعد
عزوز : تعقب يابن الكلب
تقدم بيضربه بس مسكته نجد
نجد ببكي : خلاص عزوز
مسكها عزوز: وش سوالك ابن الكلب
نجد بدت تقوله السالفه وهي تبكي
عزوز تقدم يحضنها انصدمت نجد بس بدت تبكي بحضنه وهو كان يهديها
عزوز: نجد يابوي انتي مو غلطك وحسابه معي والله لا اربيه
نجد:عزوز بالغلط صدمته والله بالغلط
عزوز: والله عارف يانجد وقومي لحد يشوفنا حنا بعد كذا
نجد قامت ونطق عزوز: اضحكي وخلي غمازاتك اللي جايبين راسي يبينون انا محد جايب راسي كثر غمازاتك وغمز لها وطلع انصدمت نجد من كلامه ومصارحته بس ماكانت عارفه وبدا قلبها يدق
صعدت نجد واخذت الشال ونزلت
حنين: نجد والله لو انك ايش كل ذا الوقت؟
نجد: معليش جاني اتصال وطولت
بدوا يصورون ويلعبون ويسبحون وخلصوا وبدلوا وتضبطوا وقعدوا يسولفون
ريوف قامت بتروح المطبخ تجيب لها مويه دخلت المطبخ وتوجهت للثلاجه الا بدخلت فهد انصدمت ريوف وهي مافي لبس يسترها وكانت متزينه
فهد ابتسم: يامحاسن الصدف، ارسلوني اجيب صحن من مطبخ الحريم ولقيتك
ريوف وهي متوتره : صد مو لابسه لبس ساتر
فهد تقدم لها: وهذا اللي ابيه، وضامن محد يجي المطبخ باخر الدنيا
رجعت ريوف ورا وهي متوتره وهو كان يتقدم لها الى ماصدمت بالطاوله وهو تقدم لها وقرب منها حيل وغمضت عيونها
فهد: عذاب انشهد انك عذاب
ريوف ببكي: بعد عني تكفى
فهد:انتي اللي تكفين بعد ماشفتك صدفه ومافي احد تبيني ابعد
ريوف كانت تبكي: لحد يشوفنا ويحسب اننا... قاطعها بعد مامسك فكها وباس شفايفها وكانت تبعده ويوم شاف انها قاعد تقاومه وتبيه يبعد بدا يشد وهو يبوسها وهي كانت تبكي وتضربه على صدره بدخلت نايف
انهبل يوم شافها تبكي وفهد يبوسها وهي تحاول تقاومه
مسكه من عند ظهره وبدا يضرب فيه بقوه وريوف كانت تبكي
بدا يشتم فيه نايف وهو يضربه سمع الصوت عزوز وسياف وتقدموا وشافوه وشافوا ريوف تبكي ونايف يضرب فهد تقدموا سياف وعزوز مسكوا نايف يبعدونه
عزوز: نايف الولد بيموت ابعد عنه
سياف :نااااييييف قم
نايف وهو يضرب بفهد كان يقولهم السالفه ومع كلمه كلمه شتيمه له سمعوا صوت صراخ سياف وعزوز قامت نجد للمطبخ
شافها نايف: نجد خوذي ريوف ودخليها
عزوز سحب نجد : ليه جايه هنا
نجد: اصواتكم واصله عندنا
سحبت نجد ريوف الا بجيت الشباب ناظر عزوز نظرات ناصر لنجد
عزوز ؛ عيووونك
ناصر ناظر فهد اللي طايح وركض هو وسعود يقومونه
ناصر  بصراخ: ياحيوان وش سويت فيه انت
نايف: الظاهر ولد عمتكم يبيله تربيه من جديد
تقدم له سعود : عد وش قلت؟ من اللي يبيله تربيه استاذ نايف؟
نايف: ماعيد كلامي يا استاذ سعود ، ويلا من غير مطرود برا المطبخ كلكم
سعود: الايام بيننا ياولد فهد
قوموا فهد وطالعهم وابتسم بخباثه: كل واحد يدافعع عن بنت لكن بالنهايه الثلاث بنات بنتقاسمهم انا وعيال خالي
تقدم عزوز وسياف بيكملون عليه مسكهم نايف
نايف: تخسي وتعقب تاخذ وحده من بناتنا مانتشرف فيك
فهد: نشوف
طلعوا من المطبخ وضلوا ابطالنا
سياف: نايف ليه ضربت الولد وليه ريوف كانت موجوده؟
نايف: ابن الكلب كان يحاول يتقرب من ريوف
انصدموا سياف وعزوز
عزوز: وربي لو داري مافكيته وكملت معك
نايف: اطلعوا خلاص
سياف: وانت؟
نايف حك راسه: ابي اتطمن عليها
عزوز غمز له: تطمن عليها ليه
نايف: عزوز مو وقت حركاتك بس بتطمن عليها
سياف مسك كتف عزوز وطلعوا: اي خله ياولد عمي يتطمن على الحب
هبده نايف وطلعوا يضحكون ارسلها نايف تجي المطبخ
اما عند البنات اول ماصار الموقف اخذت نجد ريوف وصعدوا فوق تهديها جت الرساله لريوف
ناظرت ريوف نجد: نايف يرسلي
ابتسمت نجد وغمزت لها : شوفي شعنده الحب
ضربتها على رجلها ريوف: وجع نجد
رجعت انظارها ريوف لنجد: يقول تعالي بشوفك بالمطبخ
نجد: اكيذ بيتطمن روحي عنده وانا بنزل للبنات
راحت ريوف للمطبخ عنده
ريوف دخلت وكانت منزله راسها: هلا
تقدم نايف ورفع راسها: لاتنزلين راسك ريوف هذا اولا ثانيا اذا مايضايقك ابغى اعرف السالفه يعني ادري ان ابن الكلب باسك غصب عنك بس كيف شافك
ريوف وعيونها دموع قالت له السالفه وانهتها وقالت: بس مابغى احد يعرف ولا تتضارب معه عشاني وتعور حالك
نايف والغيره تاكله كيف فهد يبوسها وهو اللي المفروض يبوسها
نايف: ريوف
ناظرته ريوف بعيونها الوسيعات اللي جابت راسه بس كانت دموع عيونها
نايف مسح دموعها: مايليق البكي عليك ريوف ولاتفكرين بالموضوع كثير واحفاد ابو سعد البنات اتمنى ماتخلتطون معهم كثير
ريوف: بس هم صحباتي نايف واخوها من يوم كنا صغار اصلا كاو يحبني بس.....
قاطعها نايف: ريوف كنتوا صغار وهذا مايعني انه يجي ويبوسك وانتي اصلا ماتحلين له؟ ريوف اتمنى مثل ماقلت واتمنى ماتطلعين هنا كثير واي شي تبينه ارسليلي وهم بعد العشاء يمشون
ريوف: اوكيه نايف بس البنات مالهم ذنب
وطلعت ووقف نايف تنهد وطلع
بمشب الرجال
كانو قاعدين احفاد ابو سعدبجهه ومقابلها احفاد فهاد
ناصر: ياجد فهاد
الجد فهاد: هلا ياولدي ناصر
ناصر ناظر عزوز والعيال رجع انظاره للجد فهاد: يعني اذا بكمل نص ديني وابي اكمله من عندكم تسمحون ؟
قاطعه عزوز بانفعال: تعقب ماعندنا بنات لك للزواج
نايف بهمس: مانتشرف
سياف: ماعندنا بنات اللي متزوجين واللي صغاار توهم
الجد فهاد بعصبيه: دامني حي مالكم كلمه وناصر بحسبت حفيد لي وابوه سعد بحسبت ولدي
ابو محمد: مالكم كلمه وناصر اعتبره ولدي مثلكم ونتشرف فيه بس جهز امورك اذا كنت صادق وتعال ابد البنت اللي تبيها عندنا ثلاث
ناصر  ابتسم ابتسامه خبيثه وناظرهم ورجع انظاره للعمام: ان شاءالله اذا ربي كتب
ابو ناصر ضحك: خطب ولا شاور احد
الجد ابو سعد: نصير قراب من بعض اكثر
عزوز: تشرفونا بس بالنهايه الراي عند البنت
ابو فهد عبدالله: شبلاك مشخصنها عزوز؟ الولد ان بغى يجي ويخطب حياه والنصيب بالنهايه كاتبه ربي
عصبوا العيال وكان نايف مرتاح انه ماراح ياخذ ريوف وكان سياف خايف انه يبي جمانه بس كان عزوز متاكد انه يبي نجد ارسل عزوز لنجد تجيه وراء
نجد عند البنات وهي ترقص وشابكه بلوتوث دق جوالها اخذته جمانه وددته لها وغمزت: غريبه عزوز داق عليك
ريوف ضحكت: اووو شعندهم الحبايب
نجد: سخيفات
ردت نجد وانصدمت انه يبيها وراء وتوترت بعد اعترافه لها اليوم اللي ماكانت متاكده منه
نجد همست للبنات: عزوز يبيني
ريوف وجمانه ابتسموا وبصوت واحد: اوووف اوف
طلعت نجد عند عزوز
عزوز: نجد
نجد: هلا
عزوز وواضح بوجهه الضيقه: ناصر
نجد توترت: وش
عزوز: كلم جدي يقول يبي يخطب من عندنا واكيد انه حاط عينه عليك
نجد ودموعها بعيونها: عزوز مابيه مابييه تكفى
عزوز: ماصار شي رسمي بس انه كلم جدي هي وحده من الثنتين يا انه يبي يرفع ضغطي او انه
نجد: او انه ايش
عزوز: يسويها
نجد : بس انا مابيه
عزوز: ولا انا راح اسمح له والله العظييم ماراح ياخذك
نجد وبعيونها الدموع مسك وجهها بيدينه ومسح دموعها وضل يناظر عيونها وقرب منها حيل
عزوز: نجد اضحكي دايم ابي اشوف غمازاتك
توترت نجد وبدا قلبها يدق: عزوز برجع عند البنات لحد يجي الحين
عزوز : ابي اشوف غمازاتك
نجد : ابي اروح عزوز
تركها عزوز وراحت بسرعه وزفر عزوز براحه انها ماتبيه رغم انه كان متاكد بس يبي يتاكد
بعد ماتعشوا اهل الجد ابو سعد وراحوا واجتعموا احفاد وابناء الجد فهاد
عزوز وهو يغني : عن جمالي لو دروا اهل الجنوب صارت الخطوات لجلي مشمله
نجد: عن جمالك لو دروا اهل الجنوب هجوا للشمال
ضحكوا اللي بالمجلس
نايف: شرايكم نلعب اساله والغاز
بدوا يلعبون الاهل وجاء الدور عند جمانه وسياف
جمانه: سياف ركز رجل انجب ٨ اولاد وكل ولد له اخت كم عدد ابناء هذا الرجل
سياف وهو يفكر ، اشر على نفسه بغرور وقال: 9 الغاز ياشوجي ياجورج قردحافي ياحروف يالوف
جمانه : الرجل ماينجب يا اينشتاين يافيثاغورس يالخوارزمي
سياف حك راسه: صح
محمد بضحكه: هذا وانت ولد
نجلا ناظرت عمها ابو سياف: مدري منين وارث الذكا ولدك عمي
نجد: ماراح بعيد وارث الذكاء من ولد عمه عزوز
وبعد مده اتجه الكل لغرفه ينام
بطلاتنا كانو بغرفه وابطالنا بغرفه والباقي كل واحد مع زوجته بغرفه وخلود ونجلا بغرفه
الفجر عند بطلاتنا
جمانه: بنات ودي اسبح
ريوف: الفجر جمانه؟ تستهبلين اكيد
جمانه : مالي شغل
نجد: كيفك حنا مانبغى
بدلت جمانه ونزلت وكان سياف قاعد بالجلسات اللي وراء المسبح وتقدمت جمانه بدون لاتنتبه لسياف ونزلت المسبح ماكانت منتبهه انه المسبح العميق ......

اول روايه اكتبها ويارب تنال اعجابكم🤍
لايك🌷