واوعدك كلمة احبك منها مايمل قلبك

بارت ١

بارت(١)

الجد فهاد سوا اجتماع لعياله كلهم

في مجلس الجد فهاد

الجد فهاد: طبعا بما انكم تعرفون اني كبرت واحتاجكم حواليني وبيتي كبيير ومابي اعيش انا وامكم وخواتكم لحالنا نبيكم تجيون تعيشون معنا

معلومه* العمات وحده متوفي زوجها والثانيه متطلقه وعايشين هم وبناتهم عند الجد والجده

ابو محمد : والله يايبه اذا هذا الشي يسعدك ماعندنا مشكله نجي ونعيش كلنا عندك وبالعكس عيالنا بعد يكونون قراب من بعض وبناتنا بعد

ابو فهد : ابد ياببه اصلا حتى انا وام فهد لحالنا بالبيت حنا وعبدالعزيز وفهد ونجلا متزوجين نجي نعيش كلنا احسن

ابو محمد: اي والله صدقت عيالي ثنين متزوجين ومحد موجود غيري انا وام وام محمد ونايف

ابو سياف: ابد معكم معكم وان شاءالله بكرا كلنا متجمعين

مرام: اي والله ياخواني نتجمع كلنا ونفطر سوا ونتجمع حنا وحريمكم وبناتكم وانتم وعيالكم وش احلى من ذي القعده
ريم : انشهد بالله
طلعوا العيال عشان يجهزون ل نقلهم عند ابوهم وراحوا مرام وريم يعلمون بناتهم
فوق بالغرفه عند ريوف وجمانه كانو يتابعون مسلسل ودخلت ريم
ريم: واضح المسلسل قوي
جمانه: اي ماما تعالي شوفيه
ريم دخلت وقفلت الباب وراها: عندي لكم موضوع راح يعجبكم
ريوف: ايش خاله
ريم: بتجي نجد تعيش معكم وخوالكم وعيالهم

طبعا ماكانو العيال يجون كثير يجون يسلمون على عماتهم ويمشون اما نجد كانت تجي مع ابوها وعمامها تجلس مع البنات

ريوف: صدق خاله؟ يعني خوالي وزوجاتهم وعيالهم بيجون عندنا؟
ريم: اي نعم دام البيت كبير و ثلاث طوابق وحنا مو كثير يجون يعيشون عندنا
جمانه: ماما حتى بنات وعيال خوالي المتزوجين؟ مانبي ازعاج اطفال
ريم: لا ياماما المتزوجين عندهم بيوتهم بس يجونا يسيرون علينا
انبسطوا جمانه وريوف بالخبر وطلعت العمه ريم برا وتركتهم

في اليوم الثاني بعد ماجتمعوا ورتبوا اغراضهم والبنات اخذوا اخر طابق اللي كان عباره عن تصميم زي الشقه تقريبا مطبخ وحمام الله يكرمكم وصاله صغيره وغرفه كببييييييره جدا للبنات
والطابق اللي تحته كان غرفه لريم ومرام وغرفه ل ابو محمد وزوجته وابو فهد وزوجته وابو سياف وزوجته
والطابق اللي تحتهم كان لكل ولد غرفه
بعد ماكل واحد رتب اغراضه نزلوا العيال للمشب وكان الوضع شوي غريب عليهم كلهم بيت واحد رغم انهم قراب من بعض بدوا يسولفون ويلعبون وكذلك عند البنات
كانت ريوف تتمشى بالحديقه وتسمع اغانيها وترقص الا بطلعة نايف كان بيروح لدورة المياه وشافها وضل سرحان فيها شافته واستغربت ومشت واستوعب على نفسه بس ماعطى الموضوع اهتمام
عند ريوف : يع شفيه ذا يطالعني كذا كرييهه
راحت ريوف للبنات
جمانه : غريبه ريوف جايه بدري بالعاده تقعدين ساعه كامله تتمشين بالحديقه اذا نزلتي
ريوف: يع وعيال خوالك يخلون الواحد يتمشى هم وعيونهم كريهيييين
نجد استغربت: اي واحد فيهم؟
ريوف : اتوقع اسمه نايف
نجد: معليك منهم ريوف
ريوف: ماهمني اصلا