واوعدك كلمة احبك منها مايمل قلبك

بارت ٩

بارت٩

بدلت جمانه ونزلت وكان سياف قاعد بالجلسات اللي وراء المسبح وتقدمت جمانه بدون لاتنتبه لسياف ونزلت المسبح بس ماكانت منتبهه انه المسبح العميق كان سياف قاعد وكان يراقبها بلبسها السباحه ماكان قادر يصد ولا يتحرك ولا يسوي شي ونزلت جمانه للمسبح العميق وهي ماتعرف تسبح واول مانزلت نطت بالمسبح باللحظه ذي جمانه غرقت ماكانت عارفه تسبح بدت تطفح وتنزل انتبه لها سياف وجاء ركض نزل تيشيرته وطبح بالمسبح ومسكها مع خصرها ورفعها وبدا يقربها له وهو ماسكها مع خصرها
سياف وهو ماسكها ومقربها منه وبهمس: ماتعرفين تسبحين
جمانه اللي كانت متوتره من قربه وكيف ماسكها بس كانت خايفه: لا
سياف بلع ريقه من منظرها وقربه لها: ليه جيتي للعميق
جمانه وقلبها يدق :مانتبهت
سياف: تبين تكملين تسبحين ولا اطلعك
جمانه ماكانت عارفه وش تقول لان بالمواقف ذي ماتعرف تتصرف رفعت اكتافها وكانت ملاحظه نظرات سياف لها
سياف ترك يد وحده من يدينه كان يبي يعدل مسكته لها بس انفلتت وطاحت وتمسكت برقبته وصارت قريبه منه حيل مافي اي شي يفصل بينهم رجع مسكها مع ظهرها وقربها له اكثر
كان يناظر شفايفها كان هيمان فيها ماقدر يقاومها ماكان قادر مسك فكها وباس شفايفها ماكان فيه غيرهم بالمسبح الكل نايم مافي غيرهم ولا قدر يقاومها وهي قريبه منه باسها مع شفايفها ولا وده يتركها اما عند جمانه اللي داهمها شعور غريب شعور اول مره تحس فيه وقلبها كان يدق كان لبسها عاري تماما وهو كان بدون تيشيرت ابتعد سياف عنها وشافها كيف متوتره
سياف: تبين اطلعك من المسبح
جمانه بتوتر : اي
سياف شالها وطلعها برا المسبح لبست منشفتها وصعدت فوق اول مادخلت الغرفه قفلت الباب وحطت ضهرها عليه ومسكت قلبها وتنهدت وهي مغمضه عيونها بعد مده فتحت عيونها وانصدمت بنجد وريوف اللي واقفات عند البلكونه وكانو يناظرون لها
ريوف تقدمت: شفنا كل شي
نجد ابتمست: تطقطقين علينا وحنا ماعندنا شي وطلعتي انتي ام الحب كله
جمانه بتعب : وجع اصبروا افهمكم، بدت تشرح لهم كل شي
نجد: ماتوقعت اخوي سياف كذا صراحه
ريوف : ولا انا ابد
جمانه مسكت يد ريوف ونجد وحطتهم على قلبها: امسكوا قلبي كيف يدق يمه بنات شكله حلو
هبدتها ريوف: اثقلي بس
نجد: تعالي انتي اللي وش سالفة نايف معك
ريوف: صراحه ماعرف وبدت كل وحده تفضفض بخصوص الاعجاب وكل وحده معجبه بواحد
في اليوم الثاني على طاولة الفطور كان سياف يناظر جمانه وهي تناظره وتشتت انظارها
عزوز بهمس: اكلت البنت بنظراتك خلها تفطر لاتغص
ناظره سياف: عزوز كب اللقافه
قامت جمانه وطلعت برا ولحقها سياف
سياف: جمانه
توترت جمانه وناظرته: هلا
سياف:اسف على اللي صار امس
جمانه توترت وماتدري ايش تقول بس نطقت وقالت: لاعادي واعرف كانت نيتك تساعدني و
قاطعها وابتسم سياف: عادي يعني
كان عارف انها قالتها بعفويه بس كان يبي يشوفها وهي مستحيه
جمانه: يعني اقصد مدري بس
هجت جمانه وتركته ابتسم وضل يتاملها وعند ريوف بعد ماخلصت اكل طلعت برا بالحديقه وكانت تتمشى وتتدلع وهي تصور على اغنية عبدالمجيد شافها نايف وضل وراها ومانتبهت له بس وهي تصور انتبهت للحشره الكبيره اللي كانت تمشي حوالينها ضلت تصارخ ولفت وشافت نايف وبدون لاتحس راحت ضمته وبدت تصارخ
ريوف: نايف نايف شلها شلها
نايف: اهدي ريوف وش اشيل
اشرت ريوف على الحشره اللي ابتعدت شاف نايف ان الحشره ابتعدت بس ماكان يبي يقولها كان يبي يخليها قريبه منه وكان ماسكها مع خصرها وهي ضامته قربها منه حيل
نايف بتخدر: خليك كذا ريوف لاتبتعدين خليك قريبه مني
ريوف انصدمت وماقدرت تتحرك وكان نايف يشم ريحة عنقها وبدون سابق انذار باس عنقها غمضت ريوف عيونها وماكانت عارفه وش تسوي
ريوف:نايف ابي اروح
نايف بصوت متخدر: ريوف خليك
ريوف : البنات يبوني
نايف استوعب على نفسه وتركها ماكان قادر يسيطر على حاله ركضت فوق للبنات وكانت بحاله غريبه دخلت وقفلت الباب وراها طالعوها البنات
نجد: شفيك تقول انك طالعه من فلم رعب
ريوف: مو بس رعب فلم ارعب من الرعب
حكت لهم ريوف اللي صار تحت صدمات البنات
عند العيال نايف كان يشوف سرحان عزوز وضيقته وكذلك سياف تقدم له نايف
نايف: عزوز شفيك صاير تسرح واجد؟
عزوز: لا ولا شي راسي يعورني
سياف: قم ارتاح فوق مافي احد
قام عزوز وطلع ولحقه نايف
نايف: عزوز
ناظره عزوز : هلا
نايف: وش فيك؟
عزوز: تكفى نايف لاتضغط علي انت مافيني شي
نايف: تحسب اني ماني ملاحظك؟ زعلان عشان ناصر يبي يخطب نجد؟ تراني شفت كل شي وعارف بمشاعرك اتجاه نجد
عزوز انصدم : كيف عرفت انت وليه ماقلت لي انك تعرف؟
نايف: ابيك انت تجي وتعترف لي من متى نخبي على بعض طيب ماتقدر تصارح سياف لانها اخته بالنهايه بس انا ياعزوز؟ على ان نجد مثل اختي بعد بس تجي تصارحني ولا تدس بقلبك
عزوز ضم نايف وبدا يبكي : نايف اول مره احب وابيها والله العظيم ابيها ابي نجد واحبها وخايف انه ياخذها كلمتها قالت مستحيل توافق عليه تطمن قلبي بس خايف يانايف خايف مابيها تصير ل احد غيري ابيها حلالي ابيها ام عيالي
ناظره نايف: ومحد راح ياخذها غيرك ان شاءالله اسبقه وتقدم خطوه واخطبها انت قبل يتقدم هو
عزوز: والله اني مابغيتها بالحرام مابغيت الا اخوها يصير خال ولدي
نايف: ان شاءالله ان سياف بيصير خال ولدك بس انت الليله اسبقه وكلم ابوك انك تبي تخطب نجد وبكرا كلم عمي ابو سياف
عزوز : ان شاءالله
مشى نايف تركه جاء عزوز بيصعد وشاف نجد مصدومه وانصدم هو
عزوز: نجد!
نجد جت بتركض بس مسكها عزوز بسرعه وثبتها على الجدار وصار قريب منها
عزوز: نجد سمعتي شي؟
نجد وهي خايفه: اي
عزوز: نجد ابيك والله ابيك وابيك بالحلال ابيك تكونين لي اليوم قبل بكرا وخايف خايف من ناصر ابن الكلب ياخذك قبلي
نجد: عزوز بعد بروح
عزوز: لو تقدمت لك بتوافقين؟
نجد توترت بدت نبضات قلبها تتسارع
عزوز: انتظر جوابك
نجد: تعال وتسمع جوابي
عزوز ناظر شفايفها اللي كان لون شفايفها احمر ماكان قادر يقاوم نفسه تقدم وقبل شفايفها ردت روحه له وهو يبوسها اما عند نجد اختلطت مشاعرها خوف حب توتر اعجاب بس هزم مشاعرها الحب
بعد عزوز: مقدرت اقاومك
هربت نجد للبنات وحكت لهم اللي صار
ريوف: بنات العيال صايرين يخوفون مو معقوله!
نجد: ماتوقعت عزوز يابنات كنا نتهاوش كنت احسه عدوي؟
جمانه ابتسمت: مابعد العداوه الا المحبه
نجد ضحكت : صح
اما عند عزوز توجه ل ابوه وامه بغرفتهم بالشاليه
عزوز: ابي اقولكم على موضوع
ابو فهد عبدالله: وش عندك عزوز؟
عزوز: ابي اتزوج
ام فهد: هذي والله الاخبار الزينه ابد من بكرا ادورلك بنت الحل.....
قاطعها عزوز: لا يمه يمه ، انا ابي وحده براسي
ام فهد استغربت: من؟
عزوز: نجد
ابو فهد: اي نجد منهي
عزوز حك راسه: يبه نسيت نجد بنت اخوك
ضحكوا ابو فهد وام فهد: متاكد؟ اربعه وعشرين ساعه تتهاوشون توم وجيري العايله
عزوز: وانا توم ابي اكمل حياتي مع جيري
ضحك ابو فهد: ابشر من بكرا اكلم ابو سياف
طلع عزوز وارسل لنجد: توم يبي يكمل حياته مع جيري ومن بكرا ابوي يبي يكلم ابوك واتمنى ماترفضين قلب حبك
نجد ضحكت لان كان لقبهم بالعايله توم وجيري فتحت الرساله ولا ردت
في اليوم الثاني اخر يوم بالشاليه وكانوا جميعهم قاعدين
ابو فهد: يابو سياف ابيك بموضوع ودام الكل موجودين ابي الكل يسمع
ابو سياف استغرب: امرني ياخوي
ابو فهد ابتسم: توم وجيري
ابو سياف ناظر عزوز ونجد ورجع انظاره لبو فهد وهو مو فاهم وعند نجد توترت وضحكوا البنات لانهم عارفين الموضوع وعند عزوز ابتسم ونزل راسه ونايف ضحك وسياف مثل ابوه مو فاهم وعند الباقي كذلك مو فاهمين
ابو فهد: نبي نخطب توم لجيري
ابتسم ابو سياف: والله هذي الساعه المباركه والراي راي البنت بالنهايه
ام سياف: اي والله نتشرف فيكم
ابتسموا ونطق ابو سياف : ها يانجد مامن غريب
توترت نجد وقامت طلعت ولحقوها البنات استغرب عزوز تصرفها ونايف
سياف شاف عزوز توتر ونطق وهو يضحك: معليك هي لاتوترت تهج
ابتسم عزوز : اجل ننتظر ردكم وخلوها على راحتها قام عزوز وطلع وطلعوا معه العيال شافها قاعده بالحديقه شافته وتوترت وغطت وجهها بالمخده ضحك عزوز
عزوز: نجد ترا ماشوفك اختفيتي
نجد: صدق؟
عزوز بضحك : اي صدق
نجد نزلت المخده وناظرته شافته يناظرها قطت المخده وهجت فوق لحقتها ريوف وتقدمت جمانه لهم
جمانه: افضل توم وجيري
ضحك عزوز : عقبالك
جمانه: مع اللي يستاهلني
نايف: الدلوعه طلعت مغروره بعد
جمانه: افا عليك
مشوا عزوز ونايف وظل سياف مسك يدها قبل تمشي .......

اول روايه اكتبها ويارب تنال اعجابكم🤍
لايك🌷