كمل جلال اكله و شهاب وخر الطبلة بعيد عنه حتى يكدر يتمدد على السرير و ينام و رجع شهاب لوحدة من القنفات الموجودة بالغرفة و رجع راسه حتى يكدر ينام .
بهاي الاثناء الكل جانوا نايمين عدا آسر جان يراقب جسور الي بدا يصحى من نومه
صحى جسور من نومه و عدل جسمه على السرير
آسر استقام و تقرب من جسور
آسر :
ليش ما اكلت ؟
جسور :
شبعان
آسر :
لا مو شبعان اكيد الاكل ما عجبك
جسور نزل راسه بالكاع :
اصلا اكل المستشفى بايت و فاهي
ابتسم آسر و رد :
اذا ما عجبك الاكل هنا لعد امشي ناكل برة
جسور رفع راسه لآسر و رد :
بس شلون اخاف يكعدون ،
آسر :
هستوهم ناموا
جسور :
تمام ، لعد خلي اسبح
و خر جسور الغطى عن جسمه و نزل رجله و وكف عليها بس مال جسمه نتيجة لخدر رجله بس آسر جان كدامه و كدر يلزمه قبل ما يوكع
آسر :
شنو دايخ ؟
جسور نفى برأسه :
رجلي شوي خدرانة ، بس اكدر امشي عليها
آسر رفع جسور و كعده على الجرباية و بدا يفرك رجله
بعد خمس دقائق انتهى آسر و كدر جسور يوكف عليها
اخذ جسور الجنطة الي جابتها إله امه و اخذ اغراض الاستحمام الخاصة بيه و اخذ ملابس و سدها و رجعها لمكانها و راح للحمام
دخل جسور للحمام و آسر اخذ مخدات جرباية جسور و حطهن جوة الغطى حتى يبين انو جسور بعده نايم
خلص و راح كعد على القنفة و جسور طلع من الحمام و المنشفة على راسه ينشف شعره بيها ، و توجه لمكان جنطته و اخذ منها مشط و شوية معطرات جسم خاصة بيه ، حط شوية من معطرات الجسم و اخذ المشط و راد يمشط شعره بس آسر لزم ايده و يردد :
خليني امشطلك
اكتفى جسور بالإماء و انطى المشط لآسر الي اخذه و بدا يمشط شعر جسور بخفة
خلص آسر و انطى المشط لجسور الي اخذه و رجعه لمكانه بالجنطة و اخذ عطره المفضل و حط منه شوية و سده و حطه بالحنطة و رجع كلشي لمكانه
آسر شابك ايده بإيد جسور و طلعوا من الغرفة
وصلوا الثنين لسيارة آسر ، كعدوا بالسيارة و بدا آسر يمشي بيها و توجه لحديقة عامة جانت شبه فارغة لان الساعة عبرت العشرة بالّيل
نزلوا من السيارة و توجهوا لداخل الحَديقة
و بدوا يتمشون بيها شوية
أنت تقرأ
فَيَ أحٍْضانِهِ سَجٍِيَنْ
Actionآلُِسلُِآم عٍلُِﮯ آلُِحٍضن آلُِذَي ڪآن صيفُي وُشُتآئي وُ خـرٍيفُي وُ رٍبَيعٍي ، وُ عٍلُِﮯ حٍضن سجٍنني بَين آضلُِعٍهـ ، وُ عٍلُِﮯ حٍضن آهـلُِڪني بَعٍشُقٌهـ حٍتﮯ غدِوُت عٍآشُقٌآ لُِصآحٍبَهـ ، فُآلُِسلُِآم عٍلُِﮯ آلُِحٍضن وُ صآحٍبَهـ مثلُيَة عٍرٍآقيَة
