فَيَ أحٍْضانِهِ سَجٍِيَنْ

مَهَمة

جلال : يلا يابة لا تضوج انت س لا تضوج امي و امورك طيبة إنشاءالله 

________

عند بيت جسور 

جسور راح لشهاب الي كاعد بغرفته 

دك جسور الباب و سمع صوت شهاب الي سمح له يفوت

دخل جسور و شاف شهاب متمدد على الجرباية 

أخذ جسور المخدة من تحت راس شهاب و بدا يضرب بأخوه بالمخدة 

شهاب : آخخ ولك كافي شبيك 

جسور : شبت بيك نار إنشاءالله 

شهاب : آخخ .. كافي .. ولك ليش ؟!

جسور : تاكل خرة الجيش 

لزم شهاب جسور و اوقفه عن الحركة وتكلم

شهاب : ولك شبيك ؟!

جسور : إنجب 

شهاب : لا إنتَ صدك تخبلت ، احجي شبيك 

جسور : شنو جنت تسوي ويا جلال قبل شوية 

شهاب : ما جنت اسوي شي 

جسور : ها ؟! كلشي ما جنت تسوي مو ؟ لعد ليش قافل الباب ؟!

شهاب : صوتك لا تعلي علية ! وبعدين كتلك كلشي ما جنت اسوي !

جسور : لا ! جنت كاعد تسوي شي أكيد مو؟! 

شهاب : عمي كلشي ما جنت اسوي 

جسور : إحلف ! يلا اذا انتَ تحجي صدك إحلف ! يلا

شهاب ضل ساكت 

جسور : ها يا جذاب ! يعني هم جذاب و هم سرسري

شهاب : إلسانك إلزمه 

جسور : إحجي شنو جنت تسوي ! اذا ما تكولي والله أكل لأامي و أبوية و أكل لأهل جلال إفتهمت !

شهاب : راح أكلك بس إسكت 

هد شهاب جسور من إيده و راح قفل الباب حتى محد يسمعهم

رجع شهاب وكعد على السرير يم جسور 

جسور : يلا احجي 

شهاب : بس أوعدني ما تكول لأحد حتى لجلال

جسور : اوعدك ما اكول لأحد ، يلا إحجي شسويت ؟

شهاب : إصبر لا تاكلني ، من جنت تحجي ويا جلال آني جننت واكف ورا الباب و سمعت كلشي حجالكياه جلال و من نزلت للمطبخ إستغليت الفرصة و صعدت لغرفتك و لكيت جلال كاعد يبجي و آني ضجت لأن شفته بهاي الحالة و كتله " تعال لغرفتي أريدك بسالفة" و هوة كلي " يلا شوية و أجي " و آني رحت لغرفتي إنتضرته شوية و إجة وضل واكف يم الباب ..

جسور : إي وبعد

شهاب: رحت و جريته من أيده و دخلته للغرفة وطلعت المفتاح من جيبي و قفلت الباب و خليت المفتاح فوك الكنتور حتى ما يوصله ويشرد مني و اجت تقدمت منه و هوة ضل يرجع لحد ما صار ضهره لزك بالحايط و آني سئلته تلاث مرات و كلتله " ليش تبجي " و أول مرة سئلته ما جاوبني و عصبت شوية و ثاني مرة سئلته و ما جاوبني و آني فقدت أعصابي كُلياً وضربت الحايط ...

جسور : الحايط إلي جان جلال منتجي عليه مو ؟

شهاب: اي ، و رجعت سئلته و هم ما رد علية و تقربت شوية من اذنه و همستله " آني جنت واكف ورا الباب وسمعت كل حرف حجيته" و الولد كام يبجي بشكل هستيري و رجعت همستله " بس لا تخاف محد راح يعرف بهذا الموضوع " و طلب مني اوعده إني ما اكول لأحد عن هذا الموضوع و وعدته و بقى يبجي وحضنته لحد ما بطل بجي وانفاسه هدت وانت اجيت و دكيت الباب 

جسور: بَس؟

شهاب : اي بس

جسور اخذ المخدة ورجع يضرب اخوه بيها و تكلم

جسور : يا حيوان طلعت تتنصت علينا

شهاب كافي ولك ! 

جسور بطل يضرب اخوه وتكلم 

جسور : أكلك شهاب 

شهاب: كول 

جسور : الباجر ما بية حيل لا أروح للجامع و لا أجي 

شهاب : و المطلوب

جسور : حباب وصلنة آني و جلال و جيبنا 

شهاب : تمام ، يلا امشي اقرة باجر عندك جامعة 

جسور باس خد أخوه وتكلم 

جسور : يييي شكراً حياتي 

شهاب : العفو يلا امشي روح

راح جسور لغرفته و بلش يدرس 

خلص جسور دراسته و اخذ تلفونه و إتصل على جلال و .......

يتبع...

((تعليق + تصويت = بارت جديد))