فَيَ أحٍْضانِهِ سَجٍِيَنْ

عِنْادْ (8)

أحٍبَڪ من تجٍي معٍلُِعٍلُِ شُحٍلُِآتڪ من تڪلُِي وُلُِآيتي بَحٍضنڪ وُآسوُيلُِڪ وُطُن من دِيرٍة ضلُِوُعٍي وُ آڪلُِڪ نآم يآ مدِلُِلُِ

___

جان شهاب راح يرد على جسور بس اوقفه مجيء جلال

جلال :

بشنو جنتو تسولفون ؟

جسور بإبتسامة :

على اعتراف شهاب لحضرتك

جلال بادل جسور الابتسامة و صارت خدوده حمرة :

اذا هيج لعد تعال آني احجيلك

جسور استقام و همس بإذن جلال :

ماكو داعي شهاب حجى ، اعذرني اريد اروح للحمام

وابتعد جسور عن جلال متوجه لحمام الرجال

و بأثناء طريقه لمح هيئة رجل ضخم لوهلة اعتقد انه آسر بس ما اهتم و كمل طريقه
و أثناء وصول جسور للحمام دخل و قضا حاجته و طلع و توجه للمغاسل غسل إيده و نشفها و طلع
و

توجه لمكان جلستهم بس للغريب انو جسور لمح رجل كاعد ويا شهاب و يسولفون
تقدم جسور شوية حتى تتوضح له الصورة و الصدمة انو الرجال الي كاعد ويا شهاب هوة آسر
فا تقرب جسور و سلم على آسر و آسر بادله السلام و كعد يم جلال وبدو يسولفون
شوية و جسور استدار على آسر و صار بيناتهم تواصل بصري فصلته غمزة آسر لجسور
جسور خجل و نزل راسه و خدودة و اذانه تحول لونها إلى الوردي المائل للأحمر
آسر إبتسم على خجل جسور و تكلم بصوته الداخلي :

حليان و تجيب العين لأهلك إلمن هالحسن يولد إلمن شفايف تبتسم و خدود يضون

قاطع سلسلة أفكاره صوت جسور

جسور :

آسر

آسر :

آمرني

جسور تقرب من آسر :

ما عليك أمر بس ردت أسئلك تشرب ببسي ؟

آسر :

إذا منك ليش لاء

جسور إبتسم بخجل و أخذ قوطية ببسي و إنطاها لآسر و رجع لجلال يكمل سوالفه وياه
بعد ساعات من التواصل اللغوي بين الأربعة الجالسين على الفرشة حل ظلام الليل مغطي ضوء الشمس

آسر بمخاطبة لشهاب :

شهاب شنو رأيك تجي أنت و الولد وياي للبيت ؟