ဦးပိုင်သောအခမဲ့ပြည့်တန်ဆာ🚨🚨🚨🚨🍼(Complete)

Part 29

ဦးပိုင်သောအခမဲ့ပြည့်တန်ဆာ-(Part-29)

''အဟင်း ဦးက ယုတ်မာတာ''

ခေါင်းစဉ်အကြီးကြီးတွေနဲ့ ကိုယ့်ကို ပြောလာတဲ့ ကြွေရုပ်လေးကို မငြိုငြင်ပါဘဲ ပြောလာမယ့်စကားတွေကို စိတ်ဝင်တစားတောင် နားထောင်ပေးနေသည်။ သူမရဲ့စွပ်စွဲချက်တွေကို နားထောင်ပေးရဦးမှာပေါ့။ ပြီးရင် စိတ်ကျေနပ်အောင်ထိ ချော့မော့ပေးရဦးမည်..။

ဒီနောက်ပိုင်း သိလာရတဲ့ အမှန်တရားတစ်ခုက ကြွေရုပ်လွှာဟာ အချော့အရမ်းကြိုက်တယ်ဆိုတာကိုပါ။

''ဦး..အဟင့် ဦးက..''

ပြောမယ်ဆိုတော့လည်း နားထောင်ပေးရသေးသည်။ စကားတွေကလည်း အထစ်ထစ်အငေါ့ငေါ့နဲ့ လိုရင်းမရောက်တဲ့ သူမကို ကြည့်ပြီးအူယားလာရသည်။

'' မနေ့က..မနေ့က..''

''အင်း ဘာဖြစ်တာလဲ ဆက်ပြောပါဦး''

''မနေ့က..ကြွေတားနေတာတောင်မှ ဦးက အရမ်းပဲ''

''ဟမ်း ဘာဖြစ်တာ''

ကိုယ်တောင် မေ့မေ့ပျောက်ပျောက် ဖြစ်နေတဲ့ မနေ့ကကိစ္စကို သူမက အစဖော်တော့မှ မနေ့ကဘာဖြစ်ခဲ့တယ်ဆိုတာ ခေါင်းထဲ အစအဆုံးစဉ်းစားမိသည်။ ဟုတ်သားပဲ မနေ့က သူမကို သူ့စိတ်ကြိုက် ကြမ်းရမ်းပစ်ခဲ့တာပဲ။ ဒါကို သူမက မကျေမနပ် ဖြစ်နေတာလား။ အဲဒါကို မကျေနပ်တာတဲ့လား။ ဒါကြောင့် ဆူပုပ်နေတာလား ..။

''ကိုယ်ကမကောင်းဘူးမလား''

''ဟုတ်တယ် လူကြီးက လုံးဝမကောင်းဘူး''

'' ဒါပေမဲ့ တစ်ခါတလေတော့ ကောင်းတယ်မလား''

''အင်း ကောင်းတယ် ..ဟာ ဦးနော် ဘာတွေပြောနေတာလဲ''

စကားတွေက ဟိုလိုလို ဒီလိုလိုမို့ ရှက်ဝဲဝဲလေးနဲ့ သူ့ကျောတွေ သူ့ရင်ဘတ်တွေ ထုရိုက်ပစ်တာ အချက်ပေါင်းမနည်းတော့။

ဘုန်း ဘုန်း..

''လက်နုနုလေးတွေက ပွန်းပဲ့သွားပါအုံးမယ် အကြမ်းပတမ်း မလုပ်ရဘူးလေ ကလေးလေးရဲ့''

လက်နှစ်ဘက်ကို ညင်သာစွာ ထိကိုင်၍ ထိုလက်လေးကိုပါ တရှုပ်ရှုပ် နမ်းမွှေး​တော့ သူမ တကိုယ်လုံး ပုရွက်ဆိတ်ကိုက်သွားလို့ ကျန်ခဲ့တဲ့ ယားကျိကျိစိတ်လေးတွေ ​ဖြတ်ပြေးသွားသလို ယွစိယွစိ ဖြစ်လာသည်။