السلام عليكم ورحمة الله وبركاته ازيكم حبايبي وحشتوني أوي يارب كلكم تكونوا بخير و جمعة مباركة عليكم ان شاء الله انا جاية أكلمكم عن رواية غصون في مهب الريح اللي كتير منكم عاوزني أكملها اسمحولي بس أفضفض معاكم بكلمتين أولا معظمكم هنا فانزي الحقيقيين حبايبي واللي عملت الجروب ده انا واختي وحبيبتي الكاتبه الجميله Naglaa A. Amer عشانهم انا من وقت ما بدأت كتابة من أول رواية لية رواية تضحيه بلا ثمن ولحد آخر روايه لية احتواء قلب وانا عمري ما وقفت روايه والروايه اللي كنت ببدأها كنت لازم أكملها ممكن مثلا كنت اوقفها في امتحانات او في شهر رمضان لكن كنت برجع أكملها من تاني لكن المرة دي الوضع كان مختلف بالنسبه لي اولا كنا في دخلة مدارس والدنيا بايظه عندي وثانيا رواية المعرض كنت لسه مكتبتهاش وكان لازم افضي نفسي ومشغلش عقلي غير بيها هي بس والسبب التالت والأهم وده بصراحه اللي خلاني أوقفها انها صعبت علية أوي اه وربنا مش بهزر الرواية فعلا صعبانه علية إني أظلمها اسم عبير سليم مدهاش حقها دي روايتي بنتي الصغيره اللي بحبها وبديها من وقتي ووقت ولادي ومن عينيه اللي ضعفت ومن وقت راحتي عشان أكبرها واشوفها وهي بتكبر أدام عيوني لكن للأسف ملقتش اللي يقدرها ولا يحس بوجودها من أساسه برغم أن احداثها مختلفه عن أي روايه انتوا ممكن تكونوا قريتوها معلش معظم الروايات بنبقى عارفين من أولها مين حيتجوز مين وكل واحد ممكن مصيره إيه لكن غصون برغم اني كتبت فيها ١٥ حلقه لكن محدش عارف ولا فاهم حاجه لحد دلوقتي ولا حد عارف مين حيتجوز مين ولا كل واحد مصيره حيكون إيه وده في حد ذاته بالنسبه لي نجاح لكن مع ذلك المشاهده قليله أوي وضعيفه واللي كانوا بيقدروني وانا بكتبها ناس قليله أوي وعلى رأسهم اخواتي وحبايبي Heba Mohamed Bobos RetOo و Mona Hedia و Eman Abd-Elnabi و Amira El Soudy و Rasha Salhab ربنا يخليهم ومتشكرة جدا لوقفتهم معايا وتشجعيهم لية بريفيوهاتهم الجميله اللي كانت بتدخل على قلبي السرور وفي طبعا اللي كانوا بيكتبوا تعليقات جميلة بتفرحني وفي اللى بيقروا ويجروا ولا حتى كلمة تشجيع واحده وفي بقى كدابين الزفه ودول اللي يفضلوا يقولولي احنا بنحبك معاكي ده انتي مبدعه ووقت الجد يسيبوني ويجروا ورا الكاتبات المشاهير أصحاب الوعود المزيفه ودول انا مش عاوزاهم وولا يلزموني لأنهم بيعشموني وبعد كده بلاقيهم سراب ربنا يغنيني عنهم و لا يحوجني ليهم انا زعلت أوي حسيت اني بظلمها وبظلم نفسي لكوني انا أمها اه وربنا متستغربوش عشان انا أمها اصل أمها كاتبه على ادها مش مشهورة ولا معروفه زي كاتبات كتير ليهم وزنهم اول ما اسمهم يتحط على رواية الكل يجري عليها عارفين لو اسمي يتشال من عليها ويتحط عليها اسم اي كاتبه من اللي معظمكم بيتهافتوا على رواياتهم اقسم بالله حتجيب تفاعلات رهيبه و حتكسر الدنيا لكن كل مشكلة غصون أن أمها عبير سليم وللأسباب دي أنا قررت أوقفها و انتبه لبيتي وحياتي افضل وكنت واخده القرار اني مش حكملها ومش حكتب تاني ودي حتكون نهاية علاقتي بالكتابه والحمد لله انها جت لحد كده واسيبكم براحتكم من غير ما افضل كل شويه اقرفكم بطلباتي للتفاعل وبصراحه مكنتش ناويه اقسم بالله اكتب تاني وكانت رواية المعرض اللي اخيرا وبعد عذاب خلصتها وسلمتها الحمد لله للدار انها تكون آخر أعمالي لكن في كتير منكم سأل عنها هنا في الجروب والخاص وفي التعليقات على أي بوست انزله عاوزين بقية غصون و انا مش حقدر أرفض لهم طلب حاضر أنا حاجي على نفسي وحكملها و برغم اني عارفه اني بكملها كده وبقتلها بايدية لكن مفيش في ايدي حاجه تانيه انا بعتذر لها من كل قلبي وبقولها حقك علية يا بنتي يا غاليه على قلبي انا حكملها ان شاء الله ويكون اللي يكون الروايه حكملها عالبيدج أن شاء الله الحلقه اللي حنزلها حنزلكم لينكها هنا و تقروها هناك عشان الروايات متتحذفش لكن لظروف شغلي وبيتي حنزل كل أسبوع حلقتين مش حقدر انزل اكتر من كده عشان وقتي وبيتي وشغلي و مذاكرة ولادي ومعاد التنزيل حيكون يوم التلات والجمعه من كل أسبوع الساعه التاسعه مساء ويارب بنتي تلاقي تقدير منكم وتحس بوجودها فوسطكم اشوفكم يوم التلات الجاي على خير ان شاء الله ونعرف بقية حكاية وعد وضياء و غصون حتكون إيه انتظروني يوم الثلاثاء القادم و مع _غصون _في _مهب_الريح _عبير _سليم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
