(الفصل الثامن )
" انت هتفضل لابس الطقيه كده "
بصيتلها وقلت
" اه .. عاوزه منظرى يكون ازاى قدام عيلتك "
ابتسمت وقالت
" شكلك مش بطال على فكره "
قلت
" بس .. مسمعش صوتك "
قالت
" طيب بقولك .. بتحب ايه فى الفراخ .. يعني اديك ايه "
قلت
" بصي انا بحب الجناح "
بصيتلى وقالت
" يعني انت هتسيب الفرخه كلها وهتاخد الجناح "
قلت
" لأ .. انا هاخد الجناح بالدبوسه الصغيره دى .. هما بيبقو فى بعض .. انا بقى بحبهم "
ابتسمت وقالت
" وانا برضو بحبهم .. بس ماشي هديهالك كلها تاكل الى تاكلو وتسيب الى تسيبو "
قلت
" طيب ايه اكتر مشروب بتحبيه "
قالت وهي بتقلب فى الأكل
" مبحبش حاجه معينه يعني .. عادى "
قلت
" احم .. هسألك سؤال "
قالت
" اسأل "
قلت
" كنتي تحلمى ان انتِ فى يوم من الايام تكونى معايا"
بصيتلى وابتسمت ابتسامه مزيفه وقالت
" لأ .. مكنتش عاوزه احلم اصلا .. اخر حاجه كنت بحلم بيها هي ان انا اتجوز واحد زيك .. كنت كل ما اشوفك فى وشي فى الكليه كنت اقول مش عاوزه واحد يكون زيو .. بس النصيب "
بصيتلها بعصبيه وقلت
" هو انا وحش للدرجه دى "
ابتسمت وقالت
" اه يا عمر "
قلت
" طب ما ممكن يكون انتِ الى وحشه .. او انتِ الى مش متقبلانى "
قالت
" ممكن اكون وحشه .. بس مش زيك "
قلت
" وهو انا مالى "
قالت
" مغرور ومبتكبر وبتكلم بدل البنت اربعه او الف الله اعلم .. وفاشل يا عمر "
قلت
" طب اشمعنا انتِ بس الى بتكرهينى ما بقيت البنات بتحبنى "
ابتسمت وقالت
" علشان فلوسك يا عمر "
بصيتلها بأستغراب وقلت
" فلوسي .. مين قالك "
قالت
" هو انا مش بنت وفى دفعتك ومصاحبه بنات وعارفه"
قلت
" اثبتى "
قالت
" حاضر .. هبقى اثبتلك "
وكانت طالعه برا المطبخ مسكت ايديها و قلت
" لأ اثبتى دلوقتى "
بصت على ايدى و قالت
" ايدك "
شيلتها وقلت
" لامير اثبتى دلوقتى .. ولا انتِ هتطلعى تعرفى واحده من صحابك فى التليفون "
قالت
" تليفونى جنبك يا عمر "
بصيت عليه ومسكته وقلت
" ماشي .. راحه فين "
قالت وهي طالعه على السلالم
" هاروح اغير هدومى "
طلعت تغير هدومها وانا فضلت قاعد افكر هل فعلا البنات بتحبنى علشان فلوسي .. طيب وحتى ساره
اكيد لأ اكيد البت لامير دى بتقول كده وخلاص علشان خاطر تدايق فيا وبس ..
فتحت التليفون لاقيتها مش عامله باصورد
فتحته و دخلت على الواتس اب
وفضلت ادور على اي ولد اي حاجه ملقتش
رن جرس الباب فعدلت الطاقيه الى لابسها ورحت فتحته لقيت مامت ساره وخالتها وساره ووراهم ماما
ابتسمت وقلت
" طب ايه .. عمو و بابا موتوهم ولا ايه "
دخلت مامت ساره وقالت
" فى الشغل يا حبيببى "
ودخلت مامتى ومامت لامير وبصيتلى ساره وبعد كده بصت على الأرض ودخلت .. وبعدها مامت ساره دخلت
قفلت الباب وقلت
" لامير بتغير هدومها "
قالت ماما
" ريحة الأكل حلوه .. تسلم ايديكم "
ابتسمت وقلت
" ماما ده انا علشان قطعت البصل بس تعبت وكنت هموت "
ضحكت مامت لامير وقالت
" لامير بتعذبك ولا ايه "
قلت
" لااا ابدا .. ده انا الى حبيت اساعدها علشان متتعبش"
قالت ساره
" امم .. فين لامير "
انا نسيت ان انتِ موجوده
ابتسمت وقلت
" فوق فى الاوضه .. هي تلاقيها نازله خلاص "
ابتسمت مامت ساره وبصت على السلم وقالت
" قمورتنا نزلت خلاص "
بصيت على لامير لقيتها لابسه فستان لونه ابيض ودرعاته منفوشه وكان شكله حلو جدا عليها
ومنكرش ان كان شكلها حلو
ابتسمت وقلت
" يعني مش ناقصه نور انتِ .. فاضلك شويه وتطلعى بدال القمر "
بصت لامير وراها وبعد كده بصيتلى وقالت
" بتقول ليا "
ابتسمت و قلت
" اه "
ابتسمت وبدل ما تنزل بقيت السلالم اخدتهم وهي بتقع
رحتلها ومديت ايدي ليها وقلت
" قومى .. الحلو مبيكملش ابدا "
سندت عليا ووقفت وقالت
" قلت الكلام ده لى كام بنت قبلى يا عمر "
ابتسمت وقلت
" انهى كلام .. بتاع فضلك شويه وتطلعى القمر "
قالت
" اهمم "
قلت
" مش كتير والله "
كانت هتتكلم لامير بس قطعت كلامنا ساره الى نسيت انها معانا وقالت
" طب ايه .. احنا واقفين .. ولا ياريتنا ما جينا وكنا نسيبكم براحتكم "
شالت لامير ايديها من ايدى وقالت
" لأ طبعا .. انتِ تيجى فى اي وقت .. وثانيه احضر الاكل "
وسابتنا لامير ودخلت المطبخ ابتسمت ورحت اتجاه السفره وقلت
" اتفضلو يا جماعه هو انتو ناس غريبه ولا ايه "
راحو قعدو على كراسي السفره وقالت ماما
" على مهلك يا لامير .. احنا مش مستعجلين هاا "
ابتسمت وقلت
" هدخل اساعدها "
ودخلت المطبخ لقيت لامير بتقول
" طلع الأطباق برا "
طلعت الاطباق ورجعت تاني طلعت صنية البشاميل
بصت عليا ساره وقالت
" مجتش ليه الكليه "
قالت مامت لامير
" هو انتو تعرفو بعض اصلا "
قالت ساره
" اه يا خالتو .. ما هو معايا فى الدفعه "
وبصيتلى وقالت
" وايه هتفضل بالطاقيه طول اليوم ولا ايه "
ابتسمت وكنت هتكلم لقيت لامير بتنادى عليا
قلت
" حاضر .. ثوانى "
ورحت جنب ماما وقلت بصوت واطى
" شوفتى يا ماما انا بعامل لامير حلو ازاى .. علشان خاطر بابا مياخدش ال Bmw هاا "
ابتسمت وقالت
" ماشي يا حبيببى "
وسبتها ورحت دخلت المطبخ وطلعت طبق السمبوسه واكلت واحده وكان طعمها يهبل
ابتسمت وقلت
" تحفه يا لامير "
وبصيت على خالت لامير وقلت
" ابدأو انتو فى الأكل لغاية ما اجيب البسله "
وكنت هاروح المطبخ لى لامير بس لاقيت الكوبايه الى ساره كانت بتشرب فيها اتكسرت .. وكانت هتقوم ساره
رحت قدامها بسرعه وقلت
" اوعي تقومى .. خلى بالك من الأزاز .. انتِ بخير اهم حاجه "
بصت ماما على الازاز وقالت
" الكوبايهاتمسرت فى ايدك ازاى "
بصيت على ايد ساره لقيت فيها دم
مسكت ايديها وبصيتلها بخوف وقلت
" ايه الى انتِ عملتيه ده "
قالت
" غصبن عني "
رحت بسرعه جبت مناديل وكنت هاروح لى ساره بص سمعت صوت طبق اتكسر فى المطبخ سبت المناديل وكنت رايح على المطبخ لقيت ساره بتقول
" ايدى يا ماما "
ولقيت مامت لامير قامت وراحه لى لامير
وقفت فى النص وسبت لامير وساره وطلعت الأوضه ..
أنت تقرأ
زواج مؤقت .
Humorمعاً فى الجامعه ويسببون المشاكل والضمار كل يوم هي عنيده وهو اعند منها بمئة مره هي لا يهمها شيئ وهو ذاهداً للدنيا .. هو يتمنى يوما من الأيام ان يسمع خبر موتها ... وهي تتمنى ان تسمع خبر موته ومن بين هذا الكره الذى بينهما ، ماذا لو كان الأثنين تحت سقف...
