(الفصل العاشر )
" عمر .. عمر "
انا مش فاهمه هو بيجيب النوم ده كله منين
سبته نايم وطلعت برا الأوضه ملقتش مامته ولا باباه
رنيت على مامته وقالت
" صباح الخير "
ابتسمت وقلت
" صباح النور .. ايه .. مشيتو بادرى "
قالت
" اه .. ادهم وراه شغل كتير ولازم يخلصه .. والورق فى البيت .. مش ناويين تيجو انتو "
قلت
" ان شاء الله .. هاشوف عمر "
قالت
" هو ايه الى هتشوفى عمر .. حتي لو عمر موافقش تعالى انتِ ده بيتك برضو يا قمرايه "
قلت
" ان شاء الله هاشوف وهاجى "
قالت
" ايه .. هتروحى على الكليه "
قلت
" اه .. هاشوف جدول المحاضرات "
قالت
" ماشي يا حبيببتى ربنا يوفقك "
وقفلت ودخلت الأوضه لقيت لسه عمر نايم
وقفت جنبه وقلت
" عمر .. يا ابنى قوم .. عمر هو انت مُت "
هزيته براحه لقيت ايده سخنه جدا .. حطيت ايدى على دماغه لقيته سخن
مسكت بسرعه تليفونى ورنيت على ماما وقلت بسرعه
" ماما عمر تعبان .. سخن جدا .. اعمله ايه .. هيموت كده ولا ايه "
قالت
" فى ايه .. براحه اهدي شويه .. اشتكالك من حاجه هو ... يعني ايه الى تاعبه "
قلت
" معرفش .. امبارح بالليل على الساعه اربعه ونص الفجر كان جسمه وجعه متهيألى .. عملتله شوربة خضار .. معرفتش اعمله ايه او اجيبله ايه ده .. اديلو علاج ايه "
قالت
" طيب .. هو سخن وجسمه وجعه بس "
قلت
" اه يا ماما "
قالت
" خلاص .. اعمليله كمادات مايه ساقعه "
قلت
" فى الشتاء .. مش هيبقى سقعان "
قالت
" لأ .. ولو تعب اكتر اطلبيله دكتور "
" حاضر .. خلاص ماشي سلام طيب "
حطيت ايدى على راسه وقلت
" يا عمر .. عمر .. اصحي بقى كفايه نوم "
سبته نايم ونزلت جبت مايه ساقعه وحطيت ثلج كمان فى المايه وطلعت الاوضه وحطيت الفوطه على راسه
لقيته فتح عينه واحده واحده
وقال
" انا بمووت .. دعوتك بتحقق .. هموت خلاص قبل ما اتجوز "
ضربته وقلت
" اسكت بقى "
قال
" يا بنتى انتِ ايه .. انا مبصعبش عليكى ابدا "
قلت
" خلاص طيب .. انا اسفه .. قوم اتعدل اسند ظهرك على السرير بدل ما انت نايم كده "
قال
" مش قادر "
قلت
" اسند عليا يا عمر "
سند على ايدى واتعدل وريح ظهره وقال
" انا بمووت .. بموت خلاص "
قلت
" مخلاص بقى .. اعملك ايه تاني .. ما انا بعملك كمادات اهو "
قال
" سيبينى اتكلم .. اقول الى جوايا "
جبت الفوطه فى المايه ورجعت حاطيتها تاني عليه
وهو مسك ايدى وقال
" لامير .. سامحينى لما كنت بدايقك فى الكليه .. انا مش عهمل كده تاني .. مش هدايقك تاني خلاص "
قلت
" ماشي مسمحاك .. اسكت بقى .. انت مش هتموت "
قال
" طيب انا سقعت على فكره "
قلت
" معلش .. استحمل "
قال
" لأ .. خلاص انا زهقت .. وبعدين انتِ بتبتكرى من عندك يا لامير .. روحى اتصلى على دكتور "
قلت
" ماشي يا عمر "
وكنت راحه اجيب موبايلى لقيت عمر بيقول
" خدى خدى تعالى اقولك "
كنت ريحالو بس هو قال
" هاتى موبايلك معاكِ "
مسكت موبايلى ورحت وقفت قدامه
قال
" قوليلى بقى رقم ساره "
بصيتلو بأسغراب وقلت
" ساره مين "
قال
" قريبتك يا لامير "
قلت
" ليه "
قال
" علشان اخد منها رقم مؤمن ومازن وباقيت البنات .. اقصد الولاد "
بصيتلو بنرفزه وقلت
" لأ .. وبعدين هي واخده رقم مؤمن ومازن ليه "
قال
" يا لامير عادى "
قلت
" لأ .. هرن انا عليها وهطلب منهت رقمهم .. انت عاوز رقم الأتنين دول بس "
قال
" اه .. بس لسه في بنات زمايلى .. "
مسكت المايه الساقعه ورميتها عليه وقلت
" حتى وانت بتموت بتفكر فى البنات .. انت ايه مبتتغيرش "
اخد نفسه وقال
" انا مش هرد عليكى علشان انا مش قادر اتكلم "
قلت
" اه .. مش قادر تتكلم .. بس مع البنات التانيه بتتكلم عادى "
وكنت طالعه برا الأوضه بس وقفت وبصيتلو وقلت
" هسألك سؤال .. انت بتكلم بنات كتير .. ليه مفكرتش تتقدم او تتجوز واحده فيهم "
قال
" مش عارف .. على فكره انا كنت هتجوز واحده منهم .. بس باقيت البنات زي ما هما مشيو معايا يبقى مشيو مع غيرى .. عوزانى اتجوز بنت كلمت قبلى خمس عشر ولاد "
دخلت الأوضه وقلت
" طب ما انت عارف اهو اُمال ليه بتكلمهم "
قال
" يا ستى انتِ مدايقه من ايه .. "
قطعت كلامه وقلت
" انا مش مدايقه ولا حاجه .. انا بس صعبان عليا كل بنت فاكره ان انت بتحبها "
قال
" لأ متصعبش عليكِ .. وبعدين هما بيبقو عارفين ان انا بتسلى بيهم .. وهما برضو بيتسلو "
مسكت موبايلى ورنيت على ساره وهي ردت قلتلها
" الو يا ساره .. انا عاوزه رقم مازن ومؤمن اصحاب عمر "
قالت
" ماشي يا لامير هبعتهوملك واتس اب "
قفلت معاها وبصيت لى عمر وقلت
" هتبعتهم واتس اب "
قال
" ماشي .. شكرا "
مردتش عليه ومسكت الموبايل بتاعه وقلت
" افتحه اسجلهم "
فتح التليفون وقال
" متفتشيش وتتعبى نفسك علشان مفهوش حاجه لسه ابيض يا ورد "
مسكت التليفون وسجلت الأرقام واديتلو التليفون
وكنت هرن على الدكتور
لقيت عمر بيقول
" لامير .. هو انتِ فى حد قبل كده اتقدملك حد "
بصيتلو وقلت
" اه .. اتقدملى دكتور "
قال
" هو ايه .. الدكتور اتقدملك انتِ ولا ساره "
قلت
" وانت مين قالك ان ساره اتقدملها دكتور "
قال
" على فكره ساره كانت معايا فى الدفعه وكان فى بنات اتكلمو قدامى يعني وكده "
قلت
" ماشي .. على العموم انا متقدمليش دكتور فى كلية طب .. انا اتقدملى دكتور فى كليه "
بص ليا وضحك وقال
" اه .. هموت مش قادر اضحك .. دكتور فى الكليه مين الى فكر يحبك "
قلت
" دكتور اثر "
قال
" ايه .. مين .. دكتزر اثر الى بيدينا المحاضره .. اه صح نسيت ان هو اكبر مننا بكام سنه "
وسكت وبعد كده ضحك وقال
" وهو ساب بنات الدفعه كلها واتقدملك انتِ "
قلت
" اه يا عمر "
قال
" طب رني على الدكتور "
قلت
" دكتور مين .. اثر "
ضحك وقال
" دكتور .. هموت .. انا سخن وبموت "
مسكت التليفون ورنيت على الدكتور وقلتله حالة عمر
وهو قال ان هو جاى
بصيت لى عمر وقلت
" الدكتور جاى "
حط ايده على راسه وقال
" مش قادر .. خليه يوصل بسرعه "
قلت
" لأ .. وقوم اغسل وشك اعمل حاجه "
اتعدل وشال البطانيه وقال
" سقعان مش قادر .. ومش قادر امشي خالص "
مديتلو ايدى وقلت
" اسند عليا يلا "
سند عليا ووقف وقال
" امشي براحه "
قلت
" حاضر همشي على خطوتك "
مشي خطوه ووقف وبعد كده مسك بطنو وقال
" عاوز .. هرجع .. "
بصيتلو وقلت
" وهو انت اكلت ايه "
سابنى وراح بسرعه على الحمام
قلت
" طب ما انت بتيجرى اهو .. ولا انت بحالات يا عمر "
رن جرس الفيلا ونزلت فتحت واستقبلت الدكتور وطلعته الأوضه لقيت عمر لسه هيقعد على السرير
راح الدكتور كشف عليه وقال
" عندك سخنيه .. ومحتاج يتعملك كمادات مايه ساقعه "
قال عمر
" كمادات مايه ساقعه .. اصل انا كنت عايز اعمل كمادات ليا .. بس لامير قالت لى لأ وغلط ورن على دكتور "
وبص عليا وقال
" مش صح يا لامير "
ابتسمت وقلت
" صح طبعا "
ابتسم وبعد كده بص لى الدكتور وقال
" شكرا يا دكتور "
بص ليا الدكتور وقال
" لازم تعمليلو الكمادات علشان خاطر ممكن يجيلو تشنجات وبعدها .. "
قطع كلامه عمر وقال
" خلاص يا دكتور في ايه .. انا هاخدها "
ابتسم الدكتور وقال
" بعد اذنك "
رحت وصلت الدكتور لغاية الباب
ورحت جبت كمادات من تاني وحطيت ثلج وطلعت لى عمر الأوضه وحطيت الفوطه على راسه
وهو غمض عينه وقال
" انا تعبت .. عاوز اقوم واتحرك "
قلت
" معلش .. هتبقى بخير "
قال
" الدكتور كتب ايه فى الورقه "
ابتسمت وقلت
" حُقنه ليك "
بص ليا بخوف وقال
" لأ .. انا مبحبش الحُقَن انا بكرها "
قلت
" معلش علشان تخلص من السخنيه وتروح الكليه "
قال
" لأ لأ .. انا هبقى بخير متخافيش "
جبت الفوطه وحطيتها فى الكمادات ورجعت حطيتها على راسه تاني
قال
" لامير .. احم .. ممكن تسجلى رقمك "
مسكت موبايلى واديتهوله وقلت
" اكتب رقمك "
كتبه واداهولى وقال
" هتسجلينى ايه "
قلت
" مش مهم تعرف "
ومسكت التليفون وسجلته
ابتسم وقال
" طيب مش مهم هتسجلينى ايه .. هتعمليلى نغمة ايه
كل البنات حبوه "
جبت الفوطه على دماغه وقلت
" لأ .. هعملك اغنية كل البنات اخواته "
ضحك وقال
" ده على اساس ان انتِ الى هتخلينى ابص على الأرض لو شوفت بنت واسيبك انتِ الى تردى عليهم "
ابتسمت وقلت
" محدش هيفضل على حالو دايما "
وحطيت الفوطه فى المايه ورجعتها على راسه مره تانيه وقلت
" اعمل كده لى نفسك لغاية ما انزل اعملك اكل "
قال
" انا عاوز اكل بسله هاا .. مأكلتهاش امبارح انا "
ابتسمت وقلت
" حاضر يا عمر "
أنت تقرأ
زواج مؤقت .
Humorمعاً فى الجامعه ويسببون المشاكل والضمار كل يوم هي عنيده وهو اعند منها بمئة مره هي لا يهمها شيئ وهو ذاهداً للدنيا .. هو يتمنى يوما من الأيام ان يسمع خبر موتها ... وهي تتمنى ان تسمع خبر موته ومن بين هذا الكره الذى بينهما ، ماذا لو كان الأثنين تحت سقف...
