( الفصل السادس)
" بنت ايه .. خالتك "
ابتسمت لامير وقالت
" امهممم "
رن الحرس وراحت لامير تفتح الباب وفضلت ساره تبص عليا
رحت وقفت جنبها وقلت
" كنت عاوز اقولك بس .. "
قطعت كلامى وقالت
" استكت يا كذاب .. انا لسه كنت واقفه امبارح فى فرحك يا كذاب .. وانا اقول ليه مؤمن قال تتالى عاوزك وحاجه مهمه وبخصوص عمر .. ده انا اه .. بص اصبر عليا ده انا مش عارفه اتكلم "
وقفت قدامى مامت لامير وسلمت عليا ودخلو ووراها مامت ساره .. الى بصت على ساره وقالت
" ايه يا ساره مش ناويه تساعدى يا حبيببتى "
راحت ساره وراهم للمطبخ وبصيتلى لامير وقالت
" ايه .. هتفطر .. ولا "
قلت
" هفطر .. هفطر "
يعني انا امبارح اقولها متجبش اصحابها علشان خاطر ساره .. تطلع ساره قريبتها ده ايه لو حد مظبتها مش هيعمل كده
" ايه يا حبيببى مبتكلش ليه "
ابتسمت وبصيت لى مامت لامير وقلت
" لسه صاحي من النوم مش بعرف اكل "
قالت لامير
" انت الى قلت عاوز تفطر .. هاا "
بدأت اكل وقلت
" افتكرت "
قالت مامت ساره
" ربنا يحفظكم لي بعض .. شكلكم متفقين "
ردت ساره وقالت
" اه يا ماما شوفتى .. اهو جه وخلص على طول ولا خطوبه ولا اي حاجه .. هو كتب كتاب وجواز فى يوم واحد .. كان شكله بيحب لامير جدا "
ابتسمت وقلت
" امم .. جدا "
قالت مامت لامير
" عقبالك يا ساره "
بصيت لى ساره الى ابتسمت وقالت
" ان شاء الله يا خالتو "
قالت مامت ساره
" قوليلها علشان خاطرى .. ده لسه رافضه دكتور معرفش انا ايه مستنيه تبقى اخر بنت فى اصحتيها يتجوزو "
قالت لامير
" ليه يا ساره "
قامت ساره وقالت
" تليفونى بيرن انا طالعه .. اتكلم "
وقفت مامت لامير وقالت
" طيب يا لامير .. هنسيبك احنا بقى يا روحى .. خلى بالك منها يا عمور "
ومشيت هي ومامت ساره
وقفت لامير وقالت
" شيل الأطباق معايا "
ابتسمت وقلت
" لأ ده شغل بنات .. انا عليا اصرف وبس "
ابتسمت وقالت
" عليك ايه .. تصرف .. ده على اساس انك مخلص كليه يعني وبتشتغل وكل حاجه "
قلت
" اه .. مش عليكى ان يتصرف على البيت وخلاص .. وبعدين نبقى نجيب حد ينظم البيت علشان انا عقبال لما بنزل افتح الباب بتعب "
قلت
" لأ .. مش هدخل انا بيتى حد ينظف ويطبخ ويروح يفتح الباب .. وانا ايه مبقدرش اتحرك "
ابتسمت وقلت
" يا شيخه يارب "
مسكت طبقين وقالت
" انا مش هرد عليك .. وبعدين هسألك سؤال .. انت اتقدمتلى ليه اصلا .. سبت البنات كلهم الى كنت بتكلمهم وملقتش غيرى "
سؤال يحير
قلت
" والله انا اتقدمت علشان خاطر ماما قالت ان انتِ بنت كويسه .. السؤال الحقيقى .. انتِ ليه وافقتى مع انك بتكرهينى "
دخلت المطبخ و ولا كأنى بتكلم
مسكت طبقين انا كمان ودخلت وقلت
" ايه .. يبقى انتِ كنتى بتتمنى واحد زيي .. صح "
حطت الأطباق فى الحوض وبصيتلى وقالت
" لأ .. عمرى ما تمنيت واحد زيك ويكون كلم قبلى بنت واحده حتى .. بس رضيت بالأمر الواقع علشان خاطر اعدلك زى ما قلتلك "
قلت
" انتِ ممكن تغيرى كلمة اعدلك .. بحس بأن انا هموت يا لامير "
سابتنى وخرجت من المطبخ ورجعت بعدها بطبقيت تاني وقالت
" مش هتكلم عيلتك تيجى تقعد معانا .. حاسه ان الفيلا كبيره على الفاضى "
وبدأت تغسل فى الأطباق وانا قلت
" بابا وماما هيجولى اكيد .. بس خلينى اقولك حاجه "
بصيتلى وقالت
" روح امسح السفره "
قلت
" لأ .. مش هعمل انا الشغل الى انتِ المفروض تعمليه "
قالت
" لأ مش مفروض عليا .. انت هتساعدني يا عمر "
قلت وانا بطلع برا المطبخ
" انا هعمل كده بس علشان مش عاوز مشاكل "
ورحت مسحت السفره
ودخلت المطبخ وقلت
" ساره قريبتك من امتى "
بصيتلى بأستغراب وقالت
" يعني ايه قريبتى من امتى "
قلت
" يعني مقلتليش ليه "
ابتسمت وقالت
" وانا اقولك ليه .. وبعدين انت مالك بيها .. كنت تعرفها "
قلت
" لأ .. انا طالع الأوضه "
طلعت على السلالم ورحت فتحت الدولاب وغيرت هدومى وحطيت هدومى الى كنت لابسها على السرير
ورحت قعدت على الكنبه الى فى الأوضه ورنيت على ساره الى مردتش .. رنيت تانى وبرضو مردتش .. بعتلها ماسدج على الواتس اب .. وشافت ومردتش
هي بتعمل فيا كده ليه
بصيت على الأوضه .. وقمت وقفت ورحت اشوف حاجتها الى هي حطاها على المكتب لقيتها دخلت الاوضه وبتقول
" عمر .. ايه الى انت حطيته على السرير ده "
بصيت على السرير وقلت
" ايه هو الى انا حطيته "
مسكت هدومى وقالت
" هدومك "
ابتسمت وقلت
" علقيهم .. انا مش هعرف اعلق حاجه انا "
قالت
" مش هعمل حاجه انا "
وحدفهتملى وقالت
" حطهم مكانهم .. اعدلهم كده وحطهم زي ما اخدتهم امبارح من الدولاب "
قلت
" لأ بقولك ايه .. انا مبحبش جو المسيطره على البيت ده يا اما وربى هتزعلى منى "
قعدت على السرير وقالت
" عمر .. انت مبسوط بنفسك "
قلت بتكبر
" طبعا .. وهو انا فى منى اتنين "
وقعدت جنبها وقلت
" ليه .. ناويه تحبينى "
ضربتنى على دراعى جامد وقالت
" قوم اعمل هدومك اخلص "
قمت ومسكت الهدوم ورحت رميتها فى الدولاب وقلت
" اهوو .. الهدوم .. يارب تكونى مستريحه "
قالت بكل برود
" نظمهم بقولك "
مسكت كل الهدوم الى فى الدولاب ورميتهم فى الأرض وقلت
" مش هنظم حاجه انااا .. انا حُر "
قامت وقفت وراحت اتجاه مفاتيح عربياتى وبصيتلى وقالت
" عامل مكتب مخصوص انت لى مفاتيح عربياتك بكل الموديلات .. وبالترتيب كمان .. اشمعنا مفاتيح عربياتك منظمهم ومش راضي تنظم هدومك "
قلت
" اه .. مش هنظم حاجه .. ونظميهم انتِ بقى "
جابت كل مفاتيح العربيات على الأرض وقالت
" ونظم انت كمان مفاتيح تانى "
رحت وقفت قدامها وبصيت على المفاتيح وقلت
" ليييه .. ليه عملتى كده "
قالت
" مزاجى .. ورتبهم انت بقى "
قعدت على الأرض وبثيت على المفاتيح وقلت
" لأ .. ازاى قدرتى تعملى كده "
راحت قعدت على السرير وقالت
" رتبهم بقى "
قمت ووقفت قدامها وقلت
" واقسم بالله لهتشوفى يا لامير .. وربى ما هرحمك "
وقفت على السرير وقالت
" وريني هتعمل ايه يا عمر .. وانت هتشوف "
وقفت على السرير وهي نزلت منه من الأنجاه التاني قلت
" يلا يا بت يا خوافه .. واقسم بالله هتشوفى "
رن الموبايل بتاعها فراحت تجيبو بس نطيط من على السرير ورحت جرى ومسكت التليفون ورديت وقلت
" الو يا طنط .. عامله ايه انا بخير "
لكن اتفاحئت بصوت ساره وهي بتقول
" انا مش طنط يا روح طنط "
بصيت على الموبايل لقيتها مسجلاه نور عينى
بصيت لى لامير وقلت
" مين نور عينك دى "
قالت
" ماما "
رجعت لى ساره تانى وقلت
" طب ايه يا طنط مبترديش ليه على التليفون "
قالت ساره
" هو انا معنديش دم ولا ايه .. وبعدين انت بترد ليه على الموبايل بتاعها .. هاا "
ابتسمت وانا بعدل فى شعرى وقلت
" بتغيرى يا قمر "
لقيت لامير حدفت عليا المخده وقالت
" هات التليفون "
بصيتلها وقلت
" يا بنتى .. يا بنتى بكلم امك وممكن اشتكيلها .. خليهم فاكرين ان احنا عساسيل مع بعض "
قالت
" عسل اسود زي قلبك هات التليفون "
قلت
" طيب خدي دي قريبتك اسمها ساره .. مش مامتك "
قالت
" عادى .. تلاقيها عند ماما او ماما عاوزه تقولي حاجه"
سبتها تكلم ساره وكانت لامير بتقول
" اه .. غسلت المواعين .. ماشي .. لأ اهو قدامى نايم "
قلت
" انا نايم يا كذابه .. انا برتب فى المفاتيح "
ابتسمت وقالت
" ماشي يا ساره سلام "
وقفت قدامى واخدت مفتاح وقالت
" عمر ده مفتاح عربية ايه "
قلت
" مفتاح عربية قلبى .. ال Bmw موديل ٢٠٢٥ القرب لى قلبى سرعتها توووحفه "
ابتسمت وقالت
" ايه ده بجد "
قلت
" اه "
قالت
" طيب انا هنظم هدومى وهسيبلك هدومك "
قلت بنرفزه
" والله مش هنظم حاجه .. مع نفسك بقى "
دخلت الحمام بتاع الاوضه ومسكت المفتاح وقالت
" وخيل لو المفتاح ده وقع فى المايه .. ايه الى ممكن يجرى يا عمر "
وقفت بسرعه وسبت المفاتيح ورحت للدولاب وقلت
" خلاااص .. ارحمينى بقى "
طلعت من الحمام وجت جنبى نظمت هدومها وانا فضلت باصص عليها بكل حقد وكُره وقلت
" متتعوديش هاا "
بصيتلى وابتسمت وقالت
" ان شاء الله "
وسبت شوية هدوم وقلت
" تعبت اعملى بقى انتِ دول "
قالت
" لأ .. انا خلصت حاجتى وخلاص .. واتعود ان انت تعمل كاجتك بعد كده "
وقفت وقلت
" بقولك ايه الواحد بيتحوز علشان اول ما الراجل يرجع من الشغل بيكون تعبان وبيحط هدومه .. انتو بقى البنات تكونو مجهزين الأكل وتعلقو الهدوم وترتبو البيت وتنظموه "
ضحكت وبعد ما خلصت ضحك قالت
" بجد .. والله .. ليه مافيش كليه ورايا وشغل بعد الكليه وبعدين زى ما انت بتتعب فى شغلك فااحنا بنتعب ونص .. احنا على الأقل هانروح الشغل نشتغل ونرجع بعدها نعمل الاكل ونشوف مشاكل البيت لسه .. يعني احنا بنتعب اكتر من حضرتك والى زيك .. بس لأ يا عمر انت مافيش حد زيك .. انت بس الى شايفنا كده "
قلت
" امال انتو ايه يا عيونى .. هو انتو بتعملو حاجه "
قامت وقفت ودخلت الحمام وقفلت الباب وراها وطلعت بعد خمس دقايق وقالت
" خد تعالى اوريك حاجه "
رحت معاها لقيتها فاتحه المايه وحاطه مفتاح العربيه
بصيتلنا وقلت
" ليييه .. عملتى كده ليه "
سابتني فى الحمام وقالت وهي طالعه
" علشان انت مستفذ "
مسكت المفتاح وقلت
" معلش يا حبيببى الحمد لله ان جت على اد المفتاح ومجتش فى العربيه .. متلش استحمل "
واخد المفتاح وطلعت برا الحمام وبصيت عليها فى الاوضه ملقتهاش
طلعت بصيت عليها فى الصالون لقيتها بتتفرج على التلفزيون
رحت قعد جنبها وبصيتلها وابتسمت وقلت
" هبقى اغير المفتاح بقى "
بصيتلى وابتسمت وقالت
" غيره "
وقامت وقالت
" انا طالعه انام "
وسابتنى وطلعت
وانا فضلت اتفرج على الفيلم لغاية ما خلص ورنت عليا اسماء فأبتسمت وقلت
" الو .. عامله ايه "
قالت بزعيق
" اتجوزت .. اتجوزت ازاى انت مش كنت تعبان وبتموت "
قلت
" مين قالك "
قالت
" خبر جوازك نزل فى كل حتى .. حتى فى الأنستجرام .. عقبال ما اسمع خبرك "
وقفلت فى وشي
رميت التليفون جنبى وانا رحت للمطبخ وجبت منه حاجه وطلعت لى الاوضه الى فيها لامير وفتحت الباب بتاع الأوضه بكل هدوء
وبصيت عليها لقيتها نايمه قربت منها وطلعت المقص ومسكت شعرها وقصيته .. وطلعت برا الاوضه بسرعه
وضحكت ضحكتى الشريره .. وكنت فى انتظار ان انا اسمع صويتها بكرا اول ما تصحي من النوم ..
أنت تقرأ
زواج مؤقت .
Humorمعاً فى الجامعه ويسببون المشاكل والضمار كل يوم هي عنيده وهو اعند منها بمئة مره هي لا يهمها شيئ وهو ذاهداً للدنيا .. هو يتمنى يوما من الأيام ان يسمع خبر موتها ... وهي تتمنى ان تسمع خبر موته ومن بين هذا الكره الذى بينهما ، ماذا لو كان الأثنين تحت سقف...
