(الفصل الحادي عشر )
مسكت تليفون لامير اشوف هي مسجلاني ايه
وياريتنى ما شوفت
طلعت مسجلانى الى مالوش لازمه
مسكت موبايلى وغيرت لامير الى كنت مسجله وكتبت
سبب عتمتى .. هي مش احسن منى فى حاجه
هي برضو مش هتتغير ابدا .. بنت شايفه ان مافيش زيها اتنين .. انا ماليش لازمه
دخلت الأوضه وقالت
" عملت البسله .. هتاكل على السرير ولا هنا "
قلت
" لأ .. حطيه عندك "
حطت الأكل على طربيظة الأوضه وانا قمت من على السرير جت وقفت قدامى وقالت
" هتسند .. "
قلت
" لأ .. انا هعرف امشي شكرا "
ورحت بصيت على ساعة الموبايل وافتكرت ان النهارده فى كليه
بصيتلها وقلت
" كان فى كليه النهارده على فكره ".
قالت
" ما انا عارفه "
" ومرحتيش ليه "
قالت
" علشان مينفش كنت اسيبك وامشي "
قلت
" شكرا على انك وقفتى جنبى "
قالت
" العفو ده واجبى على فكره "
وفضلت ساكته وانا فضلت اكل وخلصت وبعد كده وقفت ودخلت الحمام غسلت ايدى وطلعت
لقيت ماما بترن على الموبايل رديت وقلت
" انا كنت تعبان وبموت يا ماما .. وحضرتك معبرتنيش برنه "
قالت
" ولامير كانت فين .. سابتك وراحت الكليه "
قلت
" لأ .. هي فضلت جنبى "
طلعت برا الحمام ورحت قعد على السرير وقلت
" طب ايه .. رنيتى ليه "
قالت
" كنت هاقولك تعالا انت ولامير شويه "
قلت
" ياريت يا ماما .. انا زهقت من البيت وحطانه ".
بصيت على لامير الى كانت ماسكه تليفونها
قالت ماما
" طيب هستناك .. سلام "
قفلت وبعد كده لاقيت تليفون لامير بيرن بصت عليا بعد كده بصت على تليفونها تاني
قلت
" مين يا لامير هاا "
قالت
" وانت مالك "
قمت ورحت قعد على الكنبه جنبها وقلت
" لامير .. قولى مين اخلصي "
قالت
" الرنه فصلت خلاص .. ومش هقولك مين .. انت مالك"
قلت
" طيب ماشي "
لقيت موبايلها رن تاني ابتسمت وقلت
" مين يا لامير .. مش راضيه تردى ليه هاا "
بصيتلى وقالت
" دى صحبتى على فكره "
قلت
" كنت فى الأول بقول زيك كده وبعدين مش راضيه تردي ليه هاا "
قالت
" قالت
" هو انت فاكر الى بيرن ولد .. يا ابنى انا الولد بيخاف يطلب منى تلخيصات المواد فى الكليه "
قلت
" امم .. طيب ردى قبل ما المكالمه تقفل "
قالت
" مش هرد .. انا حره ".
" طيب مين الى بيرن "
قالت
" يارااا .. يارا ارتحت كده "
يارا
" دى معانا فى الدفعه "
قالت
" اه ".
قلت
" يارا مين .. يارا احمد "
قالت
" لأ "
قلت
" يارا اسامه صح "
" لأ "
" يبقى يارا عادل "
" لأ "
قلت
" امال يارا ايه "
قالت
" يارا علي "
قلت
" مين يارا علي .. انا معرفهاش "
ابتسمت وقالت
" مش لازم تعرفها "
قلت
" اكيد على فكره هي تعرفني .. بس انا الى معرفهاش"
قالت
" ايوا .. انت صح "
قلت
" صح يا لامير .. اثبتي ان انا محبوب بسبب فلوسي "
ابتسمت وقالت
" حاضر .. قولى انت كنت بتكلم مين "
قلت
" انتِ معاكي رقم مين "
قالت
" اخلص علشان عاوزه اقوم اغير هدومى علشان اروح لى مامتك "
قلت
" طيب رني على اسماء "
قالت
" اسماء مين .. اسماء هاشم "
قلت
" اهمم "
رنت عليها وقالت
" هي عرفت ان انت متجوز "
قلت
" لأ متهيألى "
قالت
" ماشي هنشوف "
ردت اسماء وقالت
" ايه يا لوما .. عامله ايه "
ردت لامير وقالت
" انا بخير .. انتِ عامله ايه "
قالت
" انا كويسه .. ايه طبعا بترني عليا علشان خاطر المحاضره بتاعت النهارده .. انتِ مبتجيش ليه "
عملت كتم للمكالمه وقلت
" كده يبقى هي متعرفش ان انا اتجوزتك "
شالت الكتم وقالت
" تعبانه شويه وهبقى حلوه متقلقيش يا روحي .. المهم
كان في ولد اسمه عمر .. عمر ادهم فكراه الى .. "
قالت
" اه طبعا فكراه .. هو ايه عاوز يكلمك او دايقك "
قالت لامير
" لأ .. اصل انا كنت بتأكد هو ده الى معانا فى الكليه
اصل كان لسه والده مقابل بابا وكان بيقول ان حالتهم الماديه بقت وحشه خالص .. "
مخلتش لامير تكمل وقالت
" ايه ده بجد .. ده لسه كان جاي الكليه بالموديل بتاعه المفضل .. لو كان بيفلس كان والده باع العربيه حتى "
قالت لامير
" فعلا هو باع العربيه "
قالت اسماء
" علشان كده مبيجيش الكليه .. تلاقيه مكسوف يورينا شكله .. سيبك منه يا لامير .. المهم انتِ هتيجى امتى الكليه "
بصيتلى لامير وقالت
" هاجي بعد بكرا .. علشان احضر المحاضرات بقى "
قالت اسماء
" ماشي يا قلبى .. انتِ رنيتى عليا علان تقولى ان عمر بيفلس "
قالت لامير
" لأ "
قالت لامير
" ده علشان خاطر اعرف هو اسمه كده او لأ "
قالت اسماء
" ااهاا .. طلع هو سيبك منه يا لامير ومتكلمهوش ده يا بنتى ممكن يفهمك ان هو مبيكلمش غيرك لكن هو بيكلم نص الكليه .. انا لسه كنت مكتشفه ان هو بيكلم سا .. "
قفلت المكالمه بسرعه واخدت التليفون منها وقلت
" صدقت خلاص "
ابتسمت وقالت
" طيب هات التليفون "
قلت
" لأ .. ثواني اشوف حاجه "
عملت بلوك لى اسماء ومسحت رقمها خالص وقلت
" بعد بقى ما قلتيلها ان انا مبقاش عندى فلوس"
قالت
" لو عايز ترن عليها رن .. بس كمان شويه ..ووشوف هي هترد ولا لأ "
واخدت هدوم من الدولاب وقالت
" انا هلبس علشان نروح لى ماما .. الى هي مامتك يعني .. وانت قوم البس "
وسابتنى وطلعت برا الأوضه
مسكت تليفونى وبعت ماسدج لى ماما بقولها في تبعت صور فرحى انا ولامير
وقمت قفلت الباب وغيرت هدومى ولبست الكاب ورحت رنيت على اسماء وفى اول مره وتاني مره مردتش .. رنيت ثالث لقيتها عملت بلوك
خبطت ساره وقالت
" هاخد بس الجزمه "
رحت فتحتلها الباب وقلت
" ادخلى انا خلصت ".
قالت
" ايه .. رنيت على اسماء ولا لسه "
قلت
" لأ .. مش هرن ملهوش لزوم "
لبست الجزمه وبصيتلى وابتسمت وقالت
" صدقني كان بأمكانك تسأل نفسك تقول هو ازاى البنات دول كلهم بيحبونى .. ولما بتيجي مسابقة الأتحاد محدش بيختارك .. عمرك ما سألت السؤال ده"
ابتسمت وقلت
" لأ .. مسألتش .. انتِ عندك حق يا لامير "
وقفت عند باب الاوضه وقالت
" ممكن تبدأ بقى حياه جديده يا عمر .. وتشوف مين الى بيحبك بجد ومين لأ "
وسابتني وطلعت برا الأوضه
رحت وقفت قدام المرايه وفضلت باصص على شكلى
وكنت ماشي بس رجعت تاني قدام المرايه وخلعت الكاب وحطيته على السرير واخدت مفتاح العربيه ومشيت ..
أنت تقرأ
زواج مؤقت .
Humorمعاً فى الجامعه ويسببون المشاكل والضمار كل يوم هي عنيده وهو اعند منها بمئة مره هي لا يهمها شيئ وهو ذاهداً للدنيا .. هو يتمنى يوما من الأيام ان يسمع خبر موتها ... وهي تتمنى ان تسمع خبر موته ومن بين هذا الكره الذى بينهما ، ماذا لو كان الأثنين تحت سقف...
