زواج مؤقت .

(٧)

(الفصل السابع )

كنت متوقع ان انا هقوم على صوت صويتها
بس مش مهم .. قمت على السرير بكل كسل
وغيرت هدومى لقيتها بتخبط على الباب قلت
" الباب مفتوح "
بصيت عليها لقيتها قصت شعرها كله بالتساوى وقالت
" حلو .. رايح الكليه "
ابتسمت وقلت
" اهاا ".
قالت
" شكرا "
قلت
" على ايه .. على النيو لوك بتاعك الجديد "
قالت
" يعني مكنتش عارف تخلي شعرى اقصر شويه بدل ما هو لغاية رقبتى "
ابتسمت وقلت
" لأ كنتى نايمه عليه ومعرفتش .. خفت لتصحي "
ابتسمت وقالت
" بس انا مخفتش "
وقالت وهي طالعه
" لما اشوف النهارده نظرت البنات ليك فى الكليه   "
بصيتلها ملقتهاش واقفه .. رحت بسرعه ابص فى المرايه وحسيت ان انا بموت حد بيخنقنى
" لااااميييير "
رجعت تاني وقالت
" ايه يا عمر مالك .. بتبص لنفسك كده ليه فى المرايه
شكلك مش بطال متقلقش "
بصيتلها وقلت
" ده انتِ مسبتيش شعرايه "
ابتسمت وقالت
" هو ده بقى الى بيسموه على الزيرو .. سيب المِشط انت ماسكه ليه "
سيبته ووقع على الأرض ورحت وراها وهي نزلت بسرعه على السلم وانا قلت
" وربى ما هرحمك "
ابتسمت وقالت
" بتقول كده بقالك اربع سنين "
وراحت بسرعه فتحت باب الفيلا بس لاقت ماما و بابا
حضنت ماما وقالت
" حماتي حبيببتى عامله ايه "
بص عليا بابا وقال وهو بيضحك
" ايه ده .. ايه الى انت عمله فى شكلك ده .. شكلك .."
وفضل يضحك
قلت
" بابا .. شكلى ايه .. شكلى حلو "
قالت ماما
" شكلك وحش .. انت كان فين عقلك وانت بتعمل كده"
وبصت على لامير وقالت
" وانتِ يا حبيببتى قصيتى شعرك ليه ده كان ناعم وطويل وحلو .. وبعدين انتو كنتو رايحين فين "
قالت لامير
" كنت بفتحلك الباب "
قالت ماما
" بس انا لسه مكنتش رنيت "
نزلت وقفت جنب بابا وقلت
" شوفت منظر ابنك .. شعرى حبيببى راح .. اه يا بابا "
ضحك وقال
" انا مش فاهم انت ازاى عملت كده "
بصيت على لامير الى ضحكت وقالت
" كان نايم يا عمو ".
قالت ماما
" طيب ايه .. تيجو بكرا تتغدو عندنا "
رحت جنبها وقلت
" ماما لأ .. عزمينك احنا "
قالت لامير
" لا انتو اصلا هتفضلو معانا هنا تلى طول .. متمشوش تروحو فى حتى "
رحت جنب بابا وقلت بصوت هادى
"بابا .. خليك معايا .. علشان خاطرى .. قعدو فى الاوضه الى جنبنا هي كده كده ملهاش لازمه هاا "
قال
" حاضر خلاص ماشي "
وضحك وقال
" بس انا مش قادر اشوفك براسك دى "
ضحكت لامير وقالت
" انا هاروح احضر الفطار "
ابتسمت وقلت
" بيتكو طبعا مش محتاج اقول .. انا هدخل اشوف مراتى حبيببتى وجاى "
دخلت المطبخ وراها وقلت
" الى خلاكى تفلتى من ايدى ماما وبابا "
ابتسمت وقالت
" ابو الحجج .. اسكت "
مسكتها جامد من ايديها وقلت
" يا بنتى اسكتى شويه متخلنيش ازعلك "
وقعت الطبق من ايديها فجت ماما بسرعه
مسكت ايد لامير وبوستها وقلت
" حبيببتى .. انتِ بخير "
ابتسمت لامير وقالت
" اه "
قالت ماما
" ايه يا لامير مش تاخدى بالك "
قلت
" يا ماما اهم حاجه انها بخير "
قالت ماما
" طيب خلي بالكم من الازاز "
وسابتنا وطلعت سبت ايد لامير فداست على رجلى وقالت
" علشان قلت حبيببتى "
وطلعت برا المطبخ بسرعه
وقالت
" متنساش تجيب الطبقين يا عمر "
مسكت الطبقين وطلعت برا حطيتهم على السفره لقيت ماما بتبص عليا وبتقول
" عمر حبيببى انت بخير "
قعدت لامير وانا جنبها وقلت
" اه يا ماما .. كنت المفروض كمان هاروح الكليه بس مش عارف ازاى هاروح بمنظرى ده "
ابتسمت لامير وقالت
" كلمي بقى يا طنط حد يجيب شنطة هدومكم "
قال بابا
" طب يا لامير ما تيجو انتو تقعدو معانا .. حتى علشان اوراق الشغل .. "
قلت
" بابا .. هنا احلى صدقنى بلاش هناك "
قالت ماما
" خليها من اول بعد بكرا طيب .. لأن انا بكرا عازمه مامتك وقرايبك وانتو كمان "
قرايبك
كانت هتتكلم لامير لكن سبقتها وقلت
" ماما ماشي .. متخليها النهارده .. اعزمينا النهارده على الاكل .. او لأ "
بصيت على لامير وقلت
" انتِ تهزمي مامتك وخالتك وبنت خالتك على الغداء يا لامير .. وكده كده ماما وبابا عندنا "
قالت
" مش هلحق اعمل .. "
قطعت كلامها وقلت
" هساعدك "
بصت ماما لى بابا وقالو هم الأتنين
" هساعدك "
وبصو لى لامير وقالو
" خلاص .. هنروح نجيب الهدوم "
ابتسمت لامير وقالت
" متتأخروش "
وقامت ماما وراح وراها بابا ومشيو قامت لامير واخدت طبقين معاها وانا قمت ومعايا طبقين برضو
ورحت مسحت السفره ودخلت معاها فى المطبخ وقلت
" لامير .. خلينا نتفق اتفاق "
بصيتلى وقالت
" عايز ايه "
قلت
" ولا انا ادايقك ولا انتِ تدايقينى "
ابتسمت وقالت
" موافقه "
مديت ايدي وقلت
" معاهدة سلام"
سلمت وقالت
" ولو غدرت هغدر بيك "
ابتسمت وقلت
" مش هغدر .. ولو غدرتي هغدر بيكى "
شالت ايدها وقالت
" ماشي
ابتسمت وقلت
" هتعملى اكل ايه "
قالت
" مش عارفه .. بفكر اعمل بشامل "
قلت
" لأ .. انا نفسي اكل بسله "
قالت
" بسله ايه .. الى هى بتتفصص وبتنزل كور وبيبقى معاها جزر "
ابتسمت وقلت
" اه هي الى بتنزل كور "
قالت
" ماشي .. وهعمل ايه تاني غير البشاميل والبسله "
قلت
" سمبوسه .. انا بعشقها "
وجيت اعدل شعري .. بس ملقتش شعر
بصيتلها وقلت
" طب انا ازاى هقابلها كده "
بصيتلى وقالت
" هي مين دى "
قلت
" مامتك .. هشوفها ازاى من غير شعري "
ابتسمت وقالت
" انت الى بدات الأول .. انا شعرى عمرى ما قصيته من اول ما اتولدت .. وانت فى ليله واحده عملتها وانا نايمه "
قلت
" انتِ الى دايقتينى بمفتاح العربيه "
قالت
" وانت الى شايف ان البنات مبتتعبش "
قلت
" اه هما فعلا مبتتعبوش "
مسكت البصل واديتهولى وقالت
" اطبخ "
قلت
" لأ "
قالت
" ليه .. انت قلت انك هتساعدينى على فكره "
يووه
مسكت البصله وبدات اقطع فيها وعينى بدأت تدمع وتحرقني
وغمض عينى وفضلت اسيب السكينه وافتح فى عينى واحاول اقطع تاني بس
" اه .. عينى مش قادر .. زهقت خلاص .. هقطع طماطم او جزر اي حاجه "
قالت
" هو كده .. اخلص كمل "
قلت
" لأ مش قادر انا عاوز حاجه بسرعه لى عينى .. عينى بتحرقني وعاوزلها علاج .. ايه هو علاج لى دموع البصل "
سمعت صوتها وهي بتضحك وبتقول
" مافيش علاج لى دموع البصل .. وبعدين مافيش حاجه اصلا اسمها دموع البصل .. هو البصل بيعيط "
قلت
" طب اعمل ايه دلوقتى "
قالت
" اطلع برا المطبخ .. وقعد شويه .. لما تهدى اعمل السمبوسه "
طلعت برا وفضلت قاعد سمعت موبايلى بيرن
حاولت افتح عينى بس لاقيتها بتحرقنى
سمعت صوت لامير وهي بتدهولى وبتقول
" فتح عينك يا عمر اخلص .. وتعالا اقعد على السفره علشان تلف السمبوسه "
قمت وبدأت افتح عينى بعد كده غمضها تاني وقلت
" مين الى كان بيرن .. ماما "
قالت
" فتح عينك بقى ايه ده "
فتحت عبنى وقعدت على كرسي السفره وقلت
" بتحرقنى اوى "
قالت
" بالمناسبه الى كانت بترن كانت بترن واتس اب هااا"
قلت
" هي بنت "
سبتها وطلعت بسرعه ادور على طاقيه البسها
ولقيت واحده لونها ابيض لبستها ونزلت لقيت لامير بتلف السمبوسه قلت
" هعملها معاكى "
ومسكت موبايلى ورنيت فيديو وردت البنت وقالت بالعربى مكسر
" هاااي عموور وهشتني "
ابتسمت وقلت
" وانتِ اكتر يا ايميلى .. معلش مكنتش عارف ارد عليكى .. مشغول "
ابتسمت لامير وقالت
" هو انت مش سايب بنات مصر ولا بنات العالم "
ابتسمت وقلت
" ايه رأيك "
قالت
" مغرور صدقني "
بصيت لى ايميلى وقلت
" حبيببتى اى حاجه هتسنعيها دلوقتى ولا كأنك سمعتيها .. علشان الشغاله جنبى .. وهي بتكلم جوزها "
قامت لامير فقمت من مكاني بسرعه
بصيتلى لامير وابتسمت وقالت
" فى ايه يا عمر قعد .. مش هعملك حاجه .. انا هاجيب موبايلى من وراك "
بصيت لى ايميلى وقلت
" ثواني قعد يا حبيببتى "
ابتسمت ايميلى وقالت
" ثوانى ماشي "
قلت
" هاا .. مكلمتنيش بقالك يومين ليه "
كانت لسه هتتكلم لكن لقيت لامير شالت الطاقيه من على رأسي .. بصيت لى لامير وقلت
" ليه كده "
قالت
" الشغاله بتحب تدايق جوزها "
لقيت ايميلى بتقول
" ايه ده يا حبيببى .. اختفى فين شعرك .. ياااييي "
قفلت المكالمه وقلت
" ماشي يا لامير .. ماشي "
قالت
" معلش يا عمر "
وسابتني ودخلت المطبخ ...