🔸️حلقة 8
#نهلة_تحكي:
هزيت راسي شوية كي شد الفران على جنب..ضيقت عينيا و غزرتلو مستغربة نحكي
أنا:وين إحناا ؟
إدريس:نشربو قهوة مع بعضنا...مبعد نوصلك
أنا:مش لازم...نحب نمشي لدار و كهو
إدريس:مترفضش المرة هاذ زادة...غير هكاا أنا وعدتك مانيش باش نحكي في اللي صار من شوية و لا في حتى شي ممكن يقلقك
عديت عينيا على وجهو و هزيتلو براسي باهي..خاطر نعرف باش يشد الصحيح أكثر...حليت الباب و نزلت معاه...قرب مني بالوقت يحكي
إدريس:هيا إيجاا
خلطت عليه من غير حتى كلمة...حبيت المكان لي كان كالم و فارغ شوية...غزرلي يحكي
إدريس:تفضل
نحيت الفاست متاعي و قعدت...دورت راسي شوية و غزرت للبحر من بعيد...غزرلي يحكي
إدريس:شنية تحب تشرب ؟
أنا:قهوة
تبسم و هزلي براسو باهي...وين طلب أكثر من حاجة من النادل...و غزرلي يحكي
إدريس:مزلت تعدي ؟
أنا:اليوم آخر كونترول
إدريس:و شنية عملت ؟
أنا:مكانش صعيب برشاا
إدريس:باهي برشاا ملاا
دورت راسي شوية و غزرت لطفل صغير...كأنو تعلم يمشي من جديد...خاطر كان يطيح بين كل خطوة و خطوة...تبسمت و عطيتو يدي...قرب مني يضحك هزيتو في حملتي و عاودت قعدت...بستو نحكي
أنا:إدريس شووف محلااه
تبسم و هزلي براسو إيه...غزرت لأمو لي جات لطاولتنا و تبسمت تحكي
هي:سامحني مدام...هكا ما يركح في حتى بلاصة
أنا:ميسالش...ربي يحميه
هي:عيشك
تبسمت و حطيتو في يدها...فرد وقت غزرت لنادل لي حط الطلبيات على الطاولة...هزيت عينيا في وجهو نحكي
أنا:أنت لبااس ؟
هزلي براسو إيه و نزل راسو للفنجان متاعو...خذيت نفس نحكي
أنا:أنت لازمك تنسى لي صار
إدريس:إنتي نجمت تنسى ؟
أنا:مش نفس الشي...أنا علقت آمال كبيرة على حبي ليك...من وقت كنت صغيرة و حتى بعد ما حملت زادة و عشت عكس اللي توقعتو و حلمت بيه...و مزلت لتوا نحاول ننسى و نبرا من اللي صاار...أما أنت ما خسرت حتى شي إدرييس...مخسرتش روحك و لا نظرة الناس ليك و لا مشاعرك زادة...اللي صار معاك كانت مرحلة سيئة...ظطريت أنك تعيشها بسببي
غزرلي ندرا كيف و هزلي براسو لا...يحكي
إدريس:أنا خسرت برشا حاجات...يجي نهار و تفهمها
أنا:علاش مش تواا ؟
سألتو من غير ما نحس على روحي...هز عينيه في وجهي يحكي
إدريس:وجودك في حياتي يخليني ديما ضايع...في الماضي كنت ضايع بينك و بين أحلامي لي رسمتها كنت نخاف نقرب منك و نضرك و يطلع لي نحس فيه مجرد رغبة...خفت إني نستغل مشاعرك ناحيتي من غير ما نحس...أكا علاش كنت نقنع في روحي إني نحب رحمة و هي الوحيدة لي تناسبني
عديت عينيا على وجهو من غير حتى كلمة...مزلت بحاجة قوة باش نتعدا لي عشتو جرايرها هي..غزرلي و كمل يحكي
إدريس:و بعد إرتباطنا...لقيت روحي ضايع بين مشاعري ليك و الوضع لي كنا فيه...خاطر حسيت أنك دمرتلي كلشي كنت نبني فيه باللي عملتو و دخلت لحياتي من غير ما نوافق عليك...و توا نحس في روحي ضايع أكثر من قبل...ضايع بين مشاعري لي إكتشفتها مأخر و بين حياتي لي نحس فيها فارغة من غيرك...صدقني طول الشهور لي فاات منجمتش نتعود هلى حيااتي من غيرك و لا حتى نرتب أموري من جديد...أنا نحس في حيااتي فارغة من غيرك نهلة و معادش نجم نركز في حتى شي من غيرك إنتي و كهو
كبست على الفنجان متاعي...لي تعدات حرارتو ليديا زوز و غزرت لعينيه نحكي
أنا:غريب وضعناا...كأنو القدر ضدنا و ميحبناش نكونو مع بعضناا
إدريس:خلينا نغيرو القدر ملاا و خليني نمشي في ثنيتك المرة هااذي
أنا:حتى لو تصلحت علاقتنا...لا عيلتي و لا عيلتك باش توافق عليها بعد اللي صااار
إدريس:أناا مستعد نحار-ب الكل في سبيل إني نصلح لي كسرتوو
أنا:أما أناا معادش نجم نحاارب على خاطرك...عملتها مرة و خسرت كلشي...أنا وقت خسرت عيلتي توقعت أنو وجودك معايا يعوضني عليهم...أما أنت زادة رفضتني...و كنت تذكرني في كل لحظة أنو بابا تخلى عليااا...أنا لتوا منسيتش إحساس العجز لي كنت عايشة بيه...مكنتش نعرف نرقد و أنا نعرف إني في وسط عيلة رافضتني و مكنتش نجم ندخل لدارنا خاطر بابا رفضني حتى هو...و ما كان عندي حتى مكان آخر نمشي ليه غير هكا أنا لتوا منجمتش نقرب من بابا و لا نسترجع علاقتي معاه كيما قبل خاطرني معادش نحس بالأمان بسبب اللي عملو معايا...مزلت نخاف أنو يحرمني من دارنا و من أمي إذا غلطت من جديد...غير هكا كل مرة نغزرلو نتذكر أنو هو نصحني و أنا كبرت راسي و شديت الصحيح في قراري و خسرت كلشي
مد يدو شوية و كبس على يدي بالوقت...يحكي
إدريس:نعرف أني ظلمتك برشا و غلطت معاك زادة و مانيش نطلب منك تاثق فيااا...خاطرني قبل ما ناخو فرصتي معاك...أنا باش نخليك تبراا من كلشي عشتو جرايري و بعدها باش نطلب منك تحبني من جديد
تبسمت و جبدت يدي منو...نظن كلامو صحيح...أنا بحاجة إني نبرا من الماضي قبل أي خطوة نعملها معاه...خذيت نفس نحكي
أنا:من غير ما نحكيو على اللي صار أكثر من هكاا
تبسم و هزلي براسو باهي...خذيت رشفة من قهوتي و عاودت غزرت لصغرون لي كان يفرفط في حضن أمو باش ينزل من جديد...تبسمت نحكي
أنا:والله محلااه..ربي يحميه
إدريس:تتحسن أمورنا و نجيبو واحد حتى إحنا
غزرتلو مستغربة...خاطر متوقعتش الجملة هاذي منو ضحك يحكي
إدريس:نظن أنا بحاجة طفلة و تكون نسخة منك
خذيت رشفة أخرى من الفنجان و هزيت عينيا في وجهو نحكي
أنا:منجمش نطول أكثر من هكا
إدريس:نمشيو بعد ما تكمل
دورت وجهي بالوقت...حسيت روحي دخلت بعضي و معرفتش نجاوبو...خاطر متوقعتش يدخل للموضوع هذا اللي مش وقتو جملة.
أنت تقرأ
فصول الحب
Romanceتدُور الأحداث حولْ قلبيْنِ: قلبٌ يُكابرُ فيتنكَّرُ و قلبٌ يعشقُ فيعبَثُ و قلْبيْنِ آخريْنِ: قلبٌ يُحاوِل فلا يُصيب و قلبٌ غِرٌّ لا يُقاوم و ما بينهُما قِصصٌ من العشقِ بصدد التكوِّن و رِحلةٌ طويلةُ المدى حتى يتعانَقَا كِلَا القلبانِ. "فصول الحُبّْ" م...
