🔸️حلقة 3
🔸️نهلة_تحكي:
نزلت راسي شوية نتفقد في الأوراق لي عملت نسخة منهم في المكتبة اللي في آخر الحومة...عالأقل منظطرش نطلبهم من الطفلة مرة أخرى...طاحو من يدي أول ما نبح عليا الكل.ب متاعو...وخرت لتالي مروهجة و منجمتش نكمل...منعرفش علاش خلاه يخرج وحدو هزيت راسي أول ما لمحتو...صاح عليه بالوقت...و شاورلو باش يدخل لدار...إستغربت أكثر خاطر سمع كلامو...نزل بالوقت و هزلي أوراقي حطهم في يدي يحكي
بيرم:منقصدش اللي صار
أنا:معاادش تخليه يخرج وحدو...ميجيش هكاا
حطيت يدي على قلبي...محاولة مني باش نسترجع أنفاسي...ضحك يحكي
بيرم:هدي رووحك...حتى لو قرب منك ميعضكش معادش تخاف منو
هزيتلو براسي إيه و عديت عينيا على وجهو نحكي
أنا:حتى لو هكاا...معاادش تخليه يخرج وحدة أماانك
بيرم:باهي...هاذي آخر مرة
جبت باش نمشي..هدت علينا منيرة بالوقت..ضربتني
لكتفي تحكي
منيرة:مااكش باش تعرفنا بيه
أنا:منيييرة
منيرة:شعندي قلت...هاو جارنا من أيامات و ما نعرفو عليه حتى شي
بيرم:أنا بيرم
منيرة:و أنا منيرة...أهم وحدة في الحومة و هاذي نهلة...ساعة لتوا منعرفوش من وين جيت و علاش عايش وحدك ؟
أنا:منييرة يززي كهوو
جيت باش نمشي...شدتني من يدي و غزرتلو تحكي
منيرة:نسمع فيك
بيرم:عندي خدمة هوني...إظطريت نعيش في الحومة
منيرة:علاش الحومة هاذي بالظبط ؟
بيرم:خاطر هاذي دار جدي
منيرة:صااار...عم صالح ربي يرحمو جدك
بيرم:صحيح
منيرة:وين كنت قبل..على حد علمي بنتو كانت مسافرة و توفات في الغربة
بيرم:صحيح...كنت عايش مع أمي في فرنسا
عديت عينيا على وجهو مرة أخرى..توا فهمت علاش ديما مستغرب في الحومة و ناسها..خاطر مش متعود على الجو هذا...جبدت روحي منها نحكي
أنا:سامحني أنا لازمني نمشي تواا
منيرة:وين مااشية ؟ هاو العزري متاعك جاي عندك
دورت راسي شوية و غزرتلو بالوقت...لي خلاني ننسحب قبل ما يوصل لينا...مش ناقص المخلوق مشكلة جرايري...الله أعلم فاش يخمم مدام جاي ناحيتنا...قحرلو من بعيد و جبدني من يدي يحكي
إدريس:شنوة اللي قاعد يصير هوني ؟
أنا:شمدخلك أنت ؟
إدريس:نهللة متخلينيش نكفر عليييك صباااح ربي علاااش واقفة مع ●●●●● من إمتى تحكي مع أولاد الحومة إنتي
أنا:إدريس سيبني..مش وقت هبااالك توااا...زيد مش أنا لي كنت نحكي معاااه..منيرة متاعك لي استغلت الفرصة و حبت تتعرف عليه
إدريس:شيهمني في منيييرة ؟ إنتي علاااش كنت واقفة معااهم ؟
أنا:المرة الجاااية نااخو إذنك بااهيشي هكاااا ؟
إدريس:متصييحش ●●●● تعرفني نعدي كلشي إلا الفازااات هذومااا
أنا:بصفتك شنوووة قاااعد تأمر فيااا ؟
إدريس:نهههلة..متهبلنيييش..اللي عندي قلتو و لا باش تظطر تتحمل النتااائج وحدك
أنا:ياخي قااعد تهدد فيااا ؟ و من غير ما تفهم الموضوع جملة
إدريس:مهمااا كان الموضوع إنتي ممنوع تااقف مع شكون من الحوومة...ماا نحب حتى ذكر يدور بييك ياااخي بااش نعدي عمري الكل نجري جرااايرك
أنا:والله أنااا رتحتك مني...أما الواضح أنك تحب الشقى وحدك..غيير هكااا انا ما حكيت حتى شي مع السيد لولا الكل.ب متاعو لي خرج في طريقي و ثاني شي ماااكش مظطر تتصرف كيما خوياا الكبيير
إدريس:خووك ؟ وليت خووك أناا تواا ؟
أنا:مش هذا اللي كنت تحب عليه ديمااا...على أساس كنت تقول بكري إني كيما ندى بالظبط...ملا عاملني بعد توا على الأساس هذااا
كبس على يدي أكثر و جبدني عندو...يحكي
إدريس:الأمور متمشيش بالطريقة لي تحب عليها إنتي في كل مرة...زيد منظنش بعد كلشي عشتو معايا تعتبرني خووك
أنا:زاايد سااقط و وليت متحشمش على روحك
إدريس:علااش نحشم ياخي مسيتك في الحراام ؟ مرتي قدام ربي و عباادو زاادة
أنا:كنت مرررتك و تواا طليقتك و الأمور لي تحكي عليهاا ولاات من الماااضي
إدريس:بالعكس...إحنا بدينا فصل جديد يا روحي
عديت عينيا على تفاصيل وجهو بالوقت...ظاهر أول ما حل عينيه هد عليا...خاصة أنو اليوم عطلة و ميفيقش فيها بكري..إذا ما كان فما حتى شي ورااه غزرت لخصلة من شعرو لي نازلة على جبينو...غير تيشرت و الشورت لي خرج بيهم و الجو باارد...فقت من سرحتي على صوت منيرة لي هدت علينا تحكي
منيرة:متطلعش العركة هاذي الكل على خاطر جارنا الفرنساوي
أنا:إنتي مدخلش رووحك أحسنلك
منيرة:والله حق الخير...و لا حد منكم نجم ياخو المعلمومات لي جبتها أنا اليوم
إدريس:شتعمل بيهم هي المعلومات متاااعو ؟
منيرة:وين نعرف...بلكشي تحب تبدلك بيه
إدريس:منيييرة
أنا:منيييرة
نطقنا زوز فرد وقت...بعدت علينا شوية...تحكي
منيرة:شنووة ؟ هاني ماشية زاايد اللي يدخل روحو معاكم نتوماا و أنت نساالك باكو دخاان و مصروفة على المعلومات لي جبتهم اليوم
أنا:يااخي قااعد تخلص فيهاا زادة ؟
منيرة:و إنتي شبيك على أعصاابك ؟ ياخي فلوسك و مفيباليش ؟
قحرتلي و عطاتني بظهرها...غزرتلو بالوقت...عدا يدو على شعرو يحكي
إدريس:هذا مصدر رزقها...الحومة الكل تخلص فيها حق المعلومات لي تجيبها
أنا:ولات محققة هي توا و أنت تستغل في منيرة باش تعرف كلشي في غياابك
إدريس:والله الأخبار تجيبهم وحدها..من غير ما نطلب
أنا:بالله
إدريس:والله..هيا توا أدخل لدار و مرة أخرى سكر ●●● أم الكبوط هذا كي تخرج بيه
قحرتلو و ضربتو بيدي لكتفو باش يبعد من ثنيتي خاطر كان نزيد معاه لحظة أخرى يجلطني و لا نوحلو في بعضنا أكثر...أكا علاش من الأحسن إني ننسحب من غير ما نحكي معاه أكثر من هكا
أنت تقرأ
فصول الحب
Romansaتدُور الأحداث حولْ قلبيْنِ: قلبٌ يُكابرُ فيتنكَّرُ و قلبٌ يعشقُ فيعبَثُ و قلْبيْنِ آخريْنِ: قلبٌ يُحاوِل فلا يُصيب و قلبٌ غِرٌّ لا يُقاوم و ما بينهُما قِصصٌ من العشقِ بصدد التكوِّن و رِحلةٌ طويلةُ المدى حتى يتعانَقَا كِلَا القلبانِ. "فصول الحُبّْ" م...
