الجنون عيونك وعيونك وطن

27

البنات
كانو جالسين مع الحريم ويتقهون
ام مشعل : وين الفارتين <تقصد رنيم وريف>
ضحكو كلهم وقالت ميلان : طلعو مع سعود
تميم : وجع بدوني
كانو فارس نايف ونواف يعرفون وين راحو ويضحكون
عبير : وين راحو
ميلان : مد...
ماكملت من صوت اشعار الجوال
فتحو الفيديو وكان :
رنيم وريف وسعود يغنون ومصورين شرين
رنيم : مسكين الي مو صديقنا
رفع سعود السلاش : مبريدات
ضحكو وخلص المقطع

شهقو البنات : راحو حفلة شرين كيف
ضحك فارس ونايف ونواف
فارس : سعود حاجز له هو ونايف ونواف بس قررو العيال مايروحون وراحو ريف ورنيم

رنيم
خلصت الحفله وانا رايح صوتي وتعبانين انا وريف وسعود ركبنا السياره ورجعنا وصلنا البيت ودخلنا
البنات بصوت واحد : خير ان شاء الله
قلت بصوت مبحوح : بكرا بكرت مالي خلق اتكلم
ورقيت دخلت غرفتي وبدلت ومسحت الميكب
ونمت

الصبح وعند ميلان

صحيت وانا خلاص وهاذي كانت أسوأ اجازه اخذتها بحياتي كلها خوف من القضيه وكنت بكرا بتخلص الاجازه ونفس العاده فتحت جوالي ودقيت على البنت وماردت قلت عادي اكيد نايمه اكلمها الضهر ونزلت افطرت وطلعت اتقهوى ظق علي مالك رديت وصلني صوته واضح انه يركض وخايف بعدين سمعت صوت الباب وقال: ميلان وينك
‏مي : طالعة تفضل بغيت شي
‏مالك : ايه برسل لك موقع وتعالي عليه سريع
‏ميلان : تمام
‏سكرت ركبت سيارتي رحت له على الموقع وصلت وكم بيت مهجور نزلت من السيارة وهو بعد سلمت وقلت : وش السالفة
‏مالك : البنت اللي رفعت قضية على أبوها دقت علي وهي وهي تبكي تبكي وتقول مالك أنقذني فجأة صرخت واسكتت ما عاد ردت
‏ شهقت ميلان: مالك يلا بسرعة امش
‏دخلنا البيت وأول ما فتحنا الباب فات ريحة عفن كشرت ميلان ورجعت على ورا
مالك : حطي طرحتك على خشمك
وبلفعل حطت الطرحه وأنا الشماغ ودخلنا وجلسنا ندور في البيت ودخلت غرفه من الغرف وكانت الصدمه البنت وامها وأختها الصغيره ج/ثه على الأرض الصراحه خفت على ميلان أنها تشوفهم وأول مالفيت والقاها واقفه وتحت طور الصدمه وتناظر العائله المتوفيه اول ماستوعبت صرخت صرخة هزت كل ارجاء البيت وطاحت على الأرض وانهارت بكاء مالومها الي شافته شي مرعب ركضت لها وجلست عندها وضميتها اهديها بدون وعي وضميت رأسها لصدري وكانت تبكي وتصرخ وتقول : أنا أنا أنا ماراح أسامح نفسي ماتت وهي طالبه المساعده مني مالك ماتت وهي تبي تترجانا نساعدها ماراح أسامح نفسي وأنا أخذت اجازه علشان ارتاح وهي
وانهارت مره ثانيه بس المره هاذي أقوا
قال: لا ميلان أنتي مالك شغل كل إلي صار مكتوب ومقدر مالك شغل أنتي سويتي الي عليكي وش بتسوين اكثر
قالت : بس بدال ماساعدها رحت أخذت اجازة
قال : ماله دخل إجازتك رسميه يعني مالك شغل فيها
شدت على ثوب مالك وكملت بكي وهو يمسح على رأسها
وكان مالك مو قادر يتحمل الريحه شالها وطلع وحطها في السياره ودق على تركي لأنه شرطي
تركي : هلا أبو زيد
مالك : هلا بك أبيك تجيب معك عساكر وفريق البحث الجينائي عندي جريمه ق/تل وجب معك فيصل
تركي : كل شي تمام بس فيصل ليه
مالك بتردد : معي بنت عمك ميلان كانت معي بالقضيه وراحت معي وشافت كل شي وهي منهاره بالسياره
تركي : زين
سكر راح لها بالسياره : خلاص ميلان مكتوب ومقدر يمكن خيره ماتدرين
أسكتت ميلان وبعد مالك من شاف تركي وفيصل والشرطه جو
وقفو ونزل فيصل وراح لها وفتح باب السياره وحضنها : تراك كفو ومو هاذي الي توقفك
ميلان : بس أنا
فيصل : مافيه بس كلنا ندري أنها لو عليك كان خلصتيها من يوم فتحتي الملف بس ربي ما كتب بعدين استأنسي راحت للي ارحم منا ومنك
سكتت ميلان وكانت معطه باب البيت ظهرها وفيصل كان يناظر الباب طلعو فريق البحث الجنائي وشد عليها اكثر وبعد ماراحو وخلاص نزلت ميلان مع فيصل
وقالت لتركي : تركي تكفى لا تتركه الله يسعدك
تركي : علي بالحرام ماخليه
ضحكت وراحت لسيارتها ومعها فيصل ركبت جنبه وسدحت المرتبه وحطيت الطرحه على وجهها اما فيصل مشى وصلو البيت ودخلت ميلان وراحت للبنات

مالك الليل
كنت افكر في ميلان وهل هي هدت ولا للحين انا عرفت انها حساسه في هاذي الأمور وقلت بتطمن عليها
ارسلت لها : هلا استاذه ميلان كيفك الحين

ميلان
كنت جالسه مع البنات وجتني رساله من مالك ورديت عليه : الحمدلله بخير
سكرت جوالي وكملت مع البنات سوالف

اليوم الثاني
قررو العايله يروحون حديقه

البنات
رنيم : بنات بنسوي جلسه بالحديقه
جيلان : قدام
بدو البنات يجهزون اغراضهم

لين
كنت اجهز الشنطه حقت القهوه واسمع اغاني وجاء فيصل : ساليوووو
ضحكت : وش عندك وش هالروقان
فيصل : مدري مروق
لين : اجل مايحتاج قهوه
فيصل : على كيفك الا ابي
ضحكت وهزيت راسي وكملت شغلي وهو أخذ ايبادي يفتح اغنيه وجت رساله شاف من الي مرسلها وتغير وجهه بس طنشت طلع من المطبخ واستغربت بس عادي
خلصت كل شي وراحت للبنات

رنيم
رحت غرفتي عشان اتلبس ولبست وجلست اجهز الألعاب دخل فارس وكان واضح من وجهه انه مهموم وقال : وش عندكم
رنيم : بنروح للحديقة
فارس : أها طيب ب....
رنيم : فروسي فيك شي
فارس : ايه تعالي
سحب يدها وجلسنا على السرير وحط راسه على حضنها ومسك يدها وحطها على شعره ويدها الثانيه ماسكها
رنيم : فارس وش فيك
فارس : مهموم يارنيم مهموم
وهو يتكلم نزلت منه دمعه ومسحها بدون ماتنتبه
قال : رنيم عادي ماتروحين
رنيم : ليه
قال : مو مرتاح مابيك تروحين
رنيم : طيب بقول للبنات واعطيهم الأغراض وارجع لك
وبالفعل قالت للبنات وأخذت الأغراض وعطتهم ورجعت لغرفتها وجلست مره ثانيه نفس قبل
وقالت : الحين تقدر تقول وش فيك
فارس : مدري بس احس اني مو بخير
بدت رنيم تمسح على راسه وتقرا عليه علشان يرتاح وبالفعل ارتاح وارتاح لدرجة انه نام انتبهت رنيم انه نايم
ابتسمت وكملت تلعب في شعره

فارس
كنت مهموم مادري من وش وجلست عنها وكانت تقرا علي وارتحت مره ونمت بعدها انتبهت وفتحت بخفيف وكانت جالسه وسانده ضهرها على السرير ونايمه مسكت يدها وبستها ورجعت نمت

ريف
طلعنا للحديقة وضبطنا جلستنا وسوينا قهوتنا وخلصنا ورجعنا 

اليوم الثاني
فارس
رجعت من برا وكنت تعبان مره ورحت لشقتنا انا ورنيم لأنها كانت جاهزه لأن مابقى شي على العرس رحت ودخلت الغرفة ولقيتها موجود ترتب أغراضها ابتسمت وقامت وقربت لي وحضنتني وشديت على حضنها لدرجة حسيت ضلوعها بتدخل بضلوعي ودفنت راسي في عنقها وجلست استنشق ريحت عطرها الي تأسرني كل ماحطته وماستوعبت إلى لما قالت : فارس بعد شوي
بعدت وقالت : وش فيك وش عندك جاي هنا
قلت : لا ماعندي شي بيجون العمال يركبون المطبخ وقلت اجلس شوي قبل يجون
قالت : اها اجل انا خلصت بنزل لغرفتي
ابتسمت : بحفظ الله انتبهيلك
هزت راسها وراحت وبالفعل جو العمال وجلست عندهم

الحريم والبنات المتزوجات تحديدا اريام
جت سدن وجلست عندي استغربته وقلت : ......

**************************************
السلام عليكم أنا وديان اسف مره على التأخير في البارت والله الفتره هاذي مره مشغوله والشغف ٢٠% مافيه شغف بالموت اكتب اعذروني ذي الفتره

شكرا مره على 20k والله مدري وش اقول بس شكرا من القلب والله أفضل قرار اتخذته اني اشاركم مخيلتي
XOXO love you
ياخي احبكمممممممممممممممممممممم