الجنون عيونك وعيونك وطن

33

نرجع لعزيمه بعدل عليها :

وصلو ودخلو وكانت رنيم بتموت من التوتر
ام تركي : ‏يامرحبا ياحي ذا الشوفه وياحي ذا الزول وجها عسى ثلث العرب فدوة له

رنيم : الله يحييك ويبقيك
ابو تركي : امداك تاخذين كلامه
استحت ونزلت راسها وقال : افا راسك وش قلنا
رفعت رأسها بهدوء وكانو يسولفون

رنيم بهمس : متى بنطلع
فارس : ابو ربع نص ساعه
رنيم قامت : عن اذنكم بروح للبنات
امها : اذنك معك
قامت ومشت بهدوء ورزه ودخلت على البنات وصرخو ورغرتو وحضنوها كانت تضحك ومبسوطه

برا
كان فارس يسمع ضحكها ومبتسم
ابو تركي : متى بتمشون
فارس : اليوم باليل لأن الدوله الي بنروح لها يكون عندهم اخر العصر ننام ونقوم بدري الصبح
ابو تركي : الله يوفقكم
قام فارس وراح للعيال شوي ودق على رنيم : هلا حبي
رنيم : اهلين
فارس : خلصتي اخاف نتأخر
رنيم : يلا بس بسلم على خواتي واجي
فارس : اجل جيبي خواتي انتي جايه للحوش الخلفي
رنيم : ابشر
سكرت ودعت البنات : هيام واريام فارس يبيكم
طلعو جميع وسلم عليهم وراحو

ميلان
كنت بموت من التفكير انا أصلان شايله هم القضيه وجت مرة عمي وبنتها خلاص لازم اتكلم رحت لشقة مشعل لأنه اكثر واحد يفهمني دقيت الباب وطلع وكان تعبان وقررت ماتكلم : مشعل شفيك
مشعل : مصدع مره سمي بغيتي شي
ميلان : لا تبي انادي مشاعل
مشعل : ياليت
سكرت الباب وقلت مشاعل ورحت لفيصل : هلا
فيصل : اهلين تعالي تبين شي
اخذني للحوش لحالنا وارتميت في حضنه وبكيت
ميلان: تعبت
انلخم : وش فيك
ميلان : فيصل تعبت
فيصل : ياعيوني فيصل ليش بسم الله عليك
ميلان : يوم نسوي حفل لرنيم دق مالك...السالفه
انت تعرف ؟
فيصل : ايه اعرف
ميان : وشو
فيصل : هاذا يوم زواج.......السالفه
ميلان : طيب ليش انا ماعرف لأن الي فهمته كنت متوضفه ليش مو انا الي دافعت عن اختي
فيصل : مادري
ميلان : اها طيب والله ماتعدي على خير
فيصل : خلاص اخذ عقابه والدليل وينه الحين
ميلان : تمام
فيصل : بس هاذا الي مضايقك
ميلان : فيه موضوع ثاني بس ماحد يعرف فيه إلى انا وتركي ومالك
فيصل : مين اخوانكم حنا ولا عيال عمي ثنيان
ميلان : اسمع يوم زواج .....قالت السالفه له
كملت : ومدري وش اسوي
قام والشياطين تناقز قدامه
قالت : وين
قال : بتجين معي
قامت معه ولبست عباتها وطلعت معه وكان الصمت سيد المكان وصلو ونزل فيصل ودق الباب وطلع فهد : نعم
فيصل : نعامة ترفسك الحين ماقلتلك لاتقرب لأهل بيتي الحين طلع امك واختك من مصيبتك
فهد : تعرف وين أمي واختي
فيصل : في القسم تلقاهم محبوسين بتهمت التصوير بدون إذن
فهد : على كيف مين ليش أصلان
فيصل : محد قالك ترسلهم يوم اقولك بعد عن اهلي وخواتي وين عقلك ترسل امك واختك يصورون خواتي وبنات خوالي انت مافكرت بأختك ومستقبلها تلقاهم في التوقيف
فهد تقلب وجهه وكمل فيصل : والله ماتطلع لين تاخذ عقابها يلا انت واياه
لف فيصل يمشي وسمع صوت عمه : فيصل تكفى طلعهم ومايصير إلى الي يرضيك
فيصل : قد حذرتك انت وولدك ومافيه فايده
عمه : فيصل أقصر الشر
فيصل : ليش ماقصرته انت يوم....
ماكمل من سمع صوت الضابط : اسكت ولف علي
لف فيصل على الضابط : نعم وش فيه
الضابط : فيصل لاتقاوم
فيصل ابتسم من عرف ان هاذا الضابط خالد نزلت
ميلان : ماسوى شي
غمز لها علشان تسكت وقال : نوني اللحقينا بسيارتي ركبت ميلان رواحو للقسم دخلت ميلان بهيبه اللتفت لها ضابط ثاني : تفضلي وش بغيتي
ميلان : مكتب الضابط خالد
أشر لها الضابط على مكتب : هاذا
راحت ميلان ودخلت وكانو يضحكون وهي خايفه على فيصل : ماشالله انا بموت من الخوف وانت تضحك وش السالفه [تكلمت بغصه]
قام فيصل وحضنها ونزلت دموعها : اموت على الحساسه
ضحك خالد عليهم : ميلان للحين حساسه
عقدت حاجبها : من ذا
فيصل : خال آل...عايلته
ميلان : اما ماتوقعت اشوفه مره ثانيه
خالد : تزوجتو؟ عيلتو؟
ميلان : مشعل توه تزوج له حول سنه
خالد : العب يشوشو اخذ مشاعل الحب
ميلان وهي تضحك : ايه
فيصل : وانا هذاني قدامك ماتزوجت وسعود توه
خالد : منهو سعود ماعرفته
فيصل : اخوي الصغير امي كانت حامل فيه يوم تروح للعسكريه
خالد : ايه تذكرته طيب والبنات
فيصل : توق أخذت ولد عمي تركي لهم اربع سنين
خالد : عرفته
فيصل : وجابو ولد سموه عزام
خالد : عزام خوينا؟
فيصل : ايه الي معكم في العسكريه ،ميلان هاذاها قدامك ماتزوجت
ميلان : قريب ماعليك
فيصل : من؟؟؟؟؟؟
ميلان : لاجاء تشوفه
خالد : ورنيم هالمهبوله عقلت
فيصل : لا معقلت امس كان زواجها من فارس اخو تركي
خالد ضحك بقوه : حب الطفوله
ضحكو كلهم فيصل : تعال اليوم في البيت عندنا
خالد : نفس البيت
فيصل : ايه ،طيب الحين وش علي
خالد ضحك : حلوه ذي تعزمني وانت بتتوقف
تغير وجه ميلان : لاتقوله
خالد : لا امزح بس تعهد
فيصل : لو اجلس طول عمري ماوقع وهو لا
خالد : ميلان خوذي اخوك المهايطي علشان ماحطه في التوقيف
ميلان : يلايلا ابو هايف امش امش
ضحكو وطلعو جميع بعد ماأخذ رقمه

عرساننا
رجعو واسدح فارس على السرير وتنهد : اففف ويقولون بسن الشباب ياشيخ انا متكسر اكثر من جدي
ضحكت رنيم بدلع وكانت الضحكه تدوخ
قام من السرير فارس : هلا ابوي
ابتسمت وقربت له قالت بحياء : عادي تفتح السحاب
فارس : أكيد
قرب وشال شعرها عن رقبتها وهي توترت وكمل وفتح السحاب وحط وجهه في نحرها واستنشقه: ريحة الجنه
استحت وهجت عنه راحت لدوره المياه ولبست بنطلون وبلوزه بنك وكان شكلها كيوت طلعت وكان شعرها ويفي
طلعت وجمعت الشنط وطلع فارس حطها في السياره ورجع لها ولقاها جالسه وجلس جنبها وجلسو يسولفون عن العزيمه
رنيم : قبل نمشي أبي جرير
فارس : ليه
رنيم : أبي اشتري كاميرا فوريه وملف
فارس : ليش
رنيم : علشان إذا صورنا في السفر احطها في الملف وش عرفك يمكن برا اوريها عيالنا
ابتسم : يلا اجل يالله يمدينا
طلعو بعد ماتأكدو أنهم مانسو شي لأنهم ماراح يرجعون ركبت رنيم السياره وكان فارس يخلص أمور الفندق شغلت السياره وشبكت بلوتوث وجلست تنتضره
جاء فارس وركب : يلا
رنيم : يلا
مشو وشغلت رنيم اغنيه وكانت تحبها :

حلمنا كثير نكون مع بعض وأدي الحلم حققناه
جاء اليوم الي انا وانتي بقالنا كتير نتمناه
نجيب بنوته تشبهلك ونسميها على اسمك
وانا انسى الدنيا واعيشلك حياتي ودنيتي الجايه

كانت رنيم ماسكه يد فارس وتدندن مع الاغنيه وصلو ونزلو دخلو وبدو يدرون ويشفون واختارو كاميرا فوريه واشترو الملف وركبو السياره واتجهو للمطار

فيصل
دخلت المجلس وانسدحت على الكنب لأن المجلس بارد وضلام ومانتبهت للي كانت جالسه تتقهوا ماستوعبت إلى على ريحه القهوه الي جابت راسي : أبي قهوه
انخرشت اللين : يمه يامال الوجع
ضحكت : شفيك انخرشتي ؟
قالت : وانا وش يعرفني انك موجود
قلت : طيب ابي قهوه
قالت : فيصل فيك شي ماقدرت ارتاح اليوم احس ان فيه احد احبه متضايق
انلخم فيصل انها اعترفت له وقام راح لها : وش ؟
اللين
كنت مهمومه بشكل مو طبيعي وكان فيه جبل على صدري جاء فيصل وماقدرت اسكت تكلمت وانا مدري وش قلت الي اعرفه ان كل الي قلته طالع من أعماق قلبي قام وجاء عندي وقومني وحضني ؟
حضني اخ ياحضنه فيه امان ودفئ تمسكت بثوبه وكأني أقول لاتروح قال : بسم الله عليك والله مافيني شي كنت رايح مع ميلان
قلت : لاتروح وماتعلمني والله لازعل عليك
ابتسم : تأمرين أمر اسف والله مأطلع بدون ماقولك

استوعبت انها بحضنه وبعدت : اسف
مسكت دموعها بعنف وكان وجهها منتفخ من البكي وخسمها احمر وخدودها المنتفخه والحمره وماقدر فيصل يتحمل وانقض على شفايفها شوي وبعد
وقالت : خير فيصل
قال : ماقدرت اتحمل جمالك
قالت : بتقول لربي والله ماقدرت اتحمل جمالها
استحى فيصل لانه مافكر بربه : اسف
راح لغرفته
اول ماطلع انفجرت اللين من الضحك على وجهه الي تقلب وكملت تتقهوى ببرود
__________________________

يلا تفاعلكم احبكممممم مره واسف على التأخير بس كل ماطلع البارت حلو كل ماتأخرت اكثر 😭

عطوني رايكم على أدق التفاصيل ترا مره انبسط لأني وانا اكتب أقول بخاطري وش بيقولون على هاذا البارات
لاتكسرون بخاطري ولاتنسون اذكاركم احبكم تصبحون على خير 💕