الجنون عيونك وعيونك وطن

28

جت سدن وجلست عندي استغربته
وقلت لها : وش فيك
قالت : ماما انتي تقولين اذا شفت دم معناته انا كبرت صح
ابتسمت : ايه ياقلبي ليه شفتي دم
قالت: ايه ورتبت نفسي نفس ماقلتي لي بستها من رأسها : صح عليك زين ماسويتي
ابتسمت وقلت : عمري والله الي صارو كبارين الحين تجلسين مع البنات ومع خاله هيام
مسكت يدها وحت للبنات : بنات
البنات : هلا
اريام : بتنضم لشلتنا وحده
البنات : من
اريام : سدن
صرخو البنات واستحت سدن وضحكو عليها وجلست معهم وقالت هيام : اجل لازم ندخلها في القروب
وبالفعل دخلوها

قروب السرابيت <سعود ونواف وعايض وباسم ونايف>
نواف : شباب لقيت شاليه بطل وش رايكم نروح نسوي فيه فعليات
سعود : جوييي تم
عايض : تم
باسم : حبيتتت بس بالحالنا
نواف : أكيد
نايف : عيال انا مأقدر اروح معكم
العيال : افا ليه
نايف : وعندي اختبار في مادة دكتور وطب مابي انقص سعود ونواف وعايض وباسم : كيفك
نواف : اجل بكرا نروح

اليوم الثاني
الضهر عند قروب السرابيت
راحو للشاليه وطبو بالمسبح وجلسو يسبحو ويرقصون
بعدها طلعو تغدو وجلسو
سعود : ياعيال تبون مشروب
نواف : أبي كركديه
الباقي : وانا بعد
طلبو المشروب وجلسو ينتضرونه ويسولفون

في البيت
توق
كنت اتجهز بروح للسوق بشتري فستان لعرس رنيم خلصت ودقيت على ميلان علشان توديني لأنها تسوق
وبالفعل رحت لسوق ورجعت ميلان وكنت اتمشى وادور في المحلات ولقيت واحد ورحت اكمل اسسواراتي واغراضي الباقيه دخلت واحد من المحلات وكنت أناظر الأغراض الي عنده وجاء واحد وقال : توق
لفيت عليه : ايه من أنت ماعرفتك
قال : الله يالدنيا ماعرفتيني
توق : لو سمحت تكلم ولا اقلب وجهك
هنا بدا يبكي عزام الي كان جالس في العربيه لفت العربيه له وبدت تسكته : لا لا يابابا ليه شفيك
قال الرجال : توق تزوجتي هاذا ولدك !!!!!
توق : ايه ولدي اسمه عزام بس علمني من انت ؟
هو : انا حمد عبدالله جاركم في الحي......<اسم الحي>
توق : حمددد يقدمك
ضحك حمد : جرحتيني يوم قلتي انك ماعرفتيني
توق : اعذرني
قرب أخذ عزام : يشبهك لما كنتي صغيرا
توق : اوه اول واحد يقول انه يشبهني دايم يقولون يشبه ابوه

تركي
رجعت من المهمه حقت الدوام وصلت البيت ودخلت سلمت عليهم وقلت : وين توق ؟
ميلان : تو وديتها السوق ....<اسم السوق>
تركي : تمام

قمت رحت بدلت ورحت للسوق علشان افاجأها وصلت وجلست ادور في المحلات ادورها لين شفتها في محل وكانت وقافه مع رجال جلست اناضرهم وانا بموت من العصبيه كان يضحك بعدين قرب وشال عزام طار جنوني رحت لها وقلت : ماشالله ماتبون كوبين قهوه
توق : هو تركي شفيك
تركي : وش الي شفيك وش رايك يعني اشوف زوجتي واقفه مع وا...
حطت يدها على فمه : خلاص اسكت عيب
وخر يدها : وش الي عيب امشي بس
أخذت عزام وقال الرجل : تركي انا حمد عبدالله جاركم في الحي <اسم الحي >شفت توق وجيت سلمت عليها
تركي : مايهمني
توق : تركي اششش
مشت توق وراحت لسيارت تركي بدون ماترد عليه ركبت واسكتت وصلو البيت وراحت شقتهم دخلت وفصخت عباتها وتركي راح ياخذ شاور حطت عزام بسريره وهي تقول : يلا بابا نام حبيبي
ورجعت تبي تقفل الباب ولقت قدامها تركي وكان بالروب ومع منشفه بيده يجفف شعره تصنمت ثواني وحركت شعرها وطلعت لصاله طلع وراها وهو يقول : توق توق تعالي
لفت عليه : وش تبي زياده شفت وش سوت صح من ورا غرورك وتكبرك وصلنا لها
قال : يابنت لوين وصلنا حنا هنا للحين وش سالفتك
قالت بصراخ : للحين مو منتبه نسيت وش سويت في السوق
قال بحده : توق يلا قولي لي كل شي من طقطق لسلام عليكم ومن التافه الي كان معك يعني لاتقولين لي هاذا حمد مبين انك تعرفينه من زمان