الجنون عيونك وعيونك وطن

٢٩

جيلان
فتحت موضوع مع ابوي اني ابغى اسافر اكمل دراستي وقلت اني ابي اروح ....<اسم الدوله> ووافق وخلاص انا بروح بكرا طبعاً

باك للواقع

جيلان جالسه مع البنات وقالت رنيم : جيلان يعني ماراح تحضرين زواجي
جيلان : لا اكيد بحضر
لين : احس ماله داعي تروحين
ضحكو البنات وكملو اخر ليله معها ونامو جميع في الصاله
اليوم الثاني
جيلان والبنات ولتين واهلها في المطار يودعون جيلان وعبدالعزيز <عبدالعزيز بيروح اول اسبوع بعدين بيرجع>
حضنو لين والين جيلان وكانو يبكون قربت منهم
ترف : خير ترا حتى انا اختكم
ضحكو وحضنوها معهم وجلسو شوي وبعدو وراحت لابوها وامها ونفس الشي ودعتهم وإخوانها بعد

عبدالعزيز
أشر لي لتين اروح معها ورحنا على جنب شوي
وبدون سابق إنذار حضنتني وبادلتها وجلست تبكي
قلت : بنت تبكين هيه ترا مو انا الي بجلس هناك بس اسبوع واجي
قالت : ادري بس بشتاق لك
ارتبك : لالا لاتشتاقين لي
ضحكت وضربته مع كتفه : حيوان
ضحك ومسح دموعها : ايه بس اضحكي لاتبكين علشان ماحجز لك الحين
ناضرته بعيونها الباكيه وذاب : بنت اهجدي عيونك بتذبحني
قالت : عزيز تكفى
قلت : وش الي تكفى
هنا فهمت وكمل : لالالا انا مادري وش بسوي بجيلان تبين اخذك انتي بعد
قالت : عزوز
طلع جواله من جيبه وحجز لها تذكره معهم بنفس الطياره وقال : حنا جايين بدري باقي ساعتين امشي بنروح نجيب شنطتك
ضحكت وطلعو ركض وقفو تكسي وهم في السياره دق على أهله : لاتروحون خلوكم مع جيلان جوي وبجي رجعت البيت
وسكر وصلو البيت وكانو يركضون رقو الدرج دخلو شقتهم وطلع عبدالعزيز الشنطه وترف فتحت الدولاب وبدو يحطون الملابس في الشنطه خلصت الملابس ودت تجمع الميكب وعبدالعزيز يزين الشوز حقها وكانو يركضوننننن
خلصو ورجعو للمطار وكان باقي نص ساعة وصو ودخلو راحو عند الباقي جلسو على الكرسي وتنهدو براحه وكانو الباقي يضحكون على أشكالهم
ام سليمان : وش سويتو
عبدالعزيز : ابد حجزت تذكره ل لتين ورحنا جبنا أغراضها
انصدمو كلهم وناضروهم وهم يضحكون
ابو سليمان : وش الي حجزة له تذكره على كيفك ابيك تنتبه لبنتي ماتسحب عليها
لتين تتصنع الزعل : افا يخالي انا انتبه لها
سمعو ندا الرحله وراحو جميع ومن حسن الحظ كلهم جنب بعض

واقلعت الطياره وكانو يضحكون

نرجع للسعودية

فارس 1:00باليل
رحت لرنيم وكنت مشتاق لها جلسنا مع بعض ونسولف وقالت : تدري كم باقي على العرس
قلت : كم
قالت : اقل من شهر
ضميتها : وتصيرين ام عيالي
استحت وضحكت عليها وقلت : امشي نتمشى من زمان ماطلعنا
قالت : الحين ؟
قلت : يب امشي نشتري شاهي ونتمشي
ضحكت : يلا رح للسياره بلبس واجيك
راحت للسياره وشوي وجت وكانت لابسه عباتها ركبت وابتسمت قلت : يالبيهههه
قالت : وشو
قلت : عطرك
قالت : شفيه مو حلو
قلت : يدوخخخ
استحت وضحكت عليها : ايه فيه وجهه محدده
قالت : لا بس ابي اسوق
فارس : سوق
رنيم : لا اسوق
فارس : ليش في شي ماجبته لك
رنيم : لا بس ابي اتعلم زياده انا اعرف بس مو مره احتياط علشان لو تتعب
فارس : تمام خليها بعدين
وافقت ورحنا نشتري شاهي ورحنا خط شبه فاضي وقفنا السياره ونزلنا نمشي وكنا نسولف ونضحك خلص الشاهي وخلاص عكسنا الطريق علشان نرجع
قلت : عندي كم بيت يجنن
قالت : اسلم
قلت : دعى الطرق تمدد بيننا
واتمنى تكون طرق تيسر للامنتهى
واقطعها برفقتك
واتهنى بـ كلامك وصوت ضحكتك
نتحدث عن الاغاني وقصص الحب والعشق
وخطواتي بجانب خطواتك سويا
ولا باس نقف بعض الاوقات
نتامل حسنك
ونرتوي من طرف شفايفك