الجنون عيونك وعيونك وطن

١٢

ورحت سويت ايس تي وجبت كم شبس وحب
وطلعنا للحديقة وجلسنا نسولف إلى الفجر 
ورحنا ننام

<طبعا رنيم خلاص تخرجت يعني مافيه فتره فاينال>
الضهر كان الكل يتغدا انفتح الباب الكل ناضرو الباب وصرخو جميع لأن الي عند الباب كان مشعل ومشاعل
قامت ميلان حضنت مشعل لأنه أقرب واحد لها
وريف حضن مشعل قامو الكل يحضنونهم ويلمون عليهم

مشعل
وصلنا السعوديه وماقلنا لاحد اننا بنجي ركبت السياره ورحت البيت وصلنا ونزلنا وكنا مطقمين تيشيرتات
كحليها مطرز عليها ستيتش حقي ازرق وهي وردي
ولابسين بناطيل سودا دخلنا وصرخو قامت ميلان تركض وحضنتني ودفنت نفسها في حضني وحسيت بدموعها همست بذنها : بسهر عندك لاحد يشوفك كيف المحاميه تبكي
ضحكت ومسحت دموعها وحضت مشاعل
سلمو علينا كل الموجودين وقلت : كملو غداكم وحنا بندخل اغراضنا وبنرتاح شوي إلى العصر وننزل
رنيم : العببببب
مشعل : وشوووووو
رنيم : مطقمين
ضحكو كلهم ومشاعل حطت يدها على وجهها همست لها : احلى من يستحي
قلت لرنيم : وشرايك حركات <سويت ذي الحركه🤙🏻>
ضحكو وطلعت اجيب الشنط حطيتهم بالمصعد وناديت مشاعل وصلنا دور المتزوجين وطلعنا من المصعد وقفت عند باب الشقه وعطيتها المفتاح : تفضلي في بيتك
ابتسمت واخذت المفتاح وفتحت الباب قلت : برجلك اليمين
تقدمت ودخلت ودخلت الشنط وراتبناهم

تحت كملو أكل وقامو رتو البنات المجلس والحريم دخلو يسوون القهوه وسوت ام وليد كيكه الزعفران المفضله لمشعل ومشاعل روحو كل شي وصلو العصر وجلسو ينتضرونهم

عند مشاعل

لبس مشعل ثوب وطلع للصالة وانا لبست فستاني وكان
ابيض ماسك وطويل وعند الصدر اصفر وفيه سحبه صفرا وتوب وكان يجنن وكنت مسويه شعري بالمشغل قبل اجي خلصت وطلعت وكان مشعل يكلم اول ماشافني قال : خلاص يصير خير اكلمك بعدين
وسكر قام وقرب لي وكنت متوتره من نظراته
قال : يالبييييه انتي لي
استحيت وهزيت راسي بنعم قرب وحضني وبادلته الحضن وقلت : ميشو يلا لانتاخر
ضحك وقال : عيون ميشو بس لاتقولينها عند اعمامي
قلت : ابشر
لبست عبادي وحطيت الطرحه على راسي وطلعنا وكنت لابسه كعب وقال : اف
قلت : وش فيك
قال : تراك تطقطقين بقلبي
ضحكت ودقيت صدره بخفه : بلا تفاهه امش
تقدمت امشي وسمعته يغني :

لامشي يمشي على
ضلوع صدري ولاني
طايل لاسما والأرض
ربي عساه يوفقه

ضحكت وضغطت المصعد تقدم وحاوط كتفي وانا استحيت قلت : مشعل لا يجي تحد ويشوفنا كذا
قال : زوجتي وكيفي
اكتفيت بالسكوت دخلنا المصد ونزلنا ودخل مشعل المجلس يتأكد ان مافيه عيال وماكان فيه احد ناداني ودخلت سلمت عليهم وجلسنا نسولف قال ابوي : تعالي
قربت منه وجلست بجنبه وحاوط كتفي وقال : هاه زعلك بشي
قلت بمزح  : ابداً
ضحكو كلهم وقال : الله يحفظكم
الكل : امين
كملنا سوالف شوي ودخلت سدن وركضت وحضنتني وقالت : عمه ميما <مشاعل >
< ماقلت ام سليمان<تغريد> مرضعه مشاعل مع
عبد العزيز  يعني مشاعل اخت عيال وبنات عبد الرحمان اتمنى فهمتو >
قرب سليمان وسلم عليها : كيفك
مشاعل : بخير الحمدلله
سليمان : دوم
لف على مشعل : كيفك يانسيب
مشعل : بخير جعلك بخير
سليمان : دوم ان شاءالله
سدن : عمه ميما
مشاعل : عيون ميما
مشعل ناضرها بغيره انتبهت له وضحكت بفه
سدن : عمه انا اشتقت لك وينك انتي ومشعل
مشاعل : الحين انا عندك كيفك
سدن مدت شفتها بزعل : مو تمام
مشاعل : افا ليه
سدن : بابا مايبي يشتري لي بسه صغيره
ضحكو كلهم وقالت مشاعل : والله مدري وش اقول هاذا موضوع بينك وبين بابا انا مالي شغل
قامت سدن من حضنها وراحت لحضن سليمان : ابييي
سليمان : لاحوللل لا مافيه
سدن : طيب ابي بسه
سليمان بتسليك : خلاص زين
فرحت سدن ودخل نايف وحضن مشاعل
قام مشعل بستهبال لانه يحب يحارشه  : خير خير
نايف : اختي وش الي خير
سحبها مشعل لحضنه : قبل ياحبيبي الحين زوجتي
عصب نايف وماقدر يقول شي له لانه صادق جلس جنب سليمان واخذ سدن بحضنه : هاه سدن كيفك
سليمان : الله يقلع ابو السوال ذا
ضحكو وفهم نايف واسكت شوي وطلعة العيال كلهم بقا  الجد وعياله ومشعل ومشاعل دخلو بنات الجد وخوات مشعل وجلسو شوي وطلع مشعل ودخلو البنات والحريم وجلسو جميع وقالت ام وليد : بنات وين الكيك
دخلت رنيم جايبه الكيك وجلست تقطعه وعطتهم وجاء دور ام تركي عطتها وقالت : عافيه على قلبك
ام تركي : الله يعافيك ياحلوه
خلصت وجلست تتقهوى مهم وبدو يسولفون ومشاعل تقولهم مواقف السفره وقالت : لا تخيلي رنيم
رنيم : سمي
مشاعل : تسلمين اسمعي تخيلي قلت لمشعل أبي اجرب فوندو تيشز تذكرينها حقت ذاك المسلسل
رنيم : ايييي عرفتها طيب
مشاعل : دق مشعل الصدر وجلس يدور وين يلقاها ولقينا محل ورحنا له وكان الله لايوريك الشارع حق ذاك المحل يخوففف يعني حنا الصبح بس يخوف وقتها تمنيت اني بالسعوديه تيلي انا متمسكه في مشعل ومشعل يسوي نفسه قوي
ضحكو كلهن وقالت رنيم : تكفين تخيلت شكله
كملت مشاعل : بس الصدق من دخلنا المحل مره انبسط وكان المحل يفتح النفس جلسنا واكلنا وكانت لذيذه مرههه
كملت سوالف وكانو يضحكون

باليل
فارس اليوم كله ماشاف رنيم ورنيم نفس الشي 
وكان فارس فاقدها بس يكابر وكان منسدح يفكر
ويقول بخاطره :  وينها معقوله ماشفتها بس الصدق اشتقت لها..... هو فارس خير ان شاء الله ليش تفكر فيها
نام بس قال ايش قال اشتقت لها

تغطا بالبطنيه ونام

وعند ميلان

كانت لابسه بجامه هي ومشاعل بعد بجامه ومشعل بدله وجالسين بالحديقه وكانو يسولفون ومتحمسين
مشعل : يعني انتي الحين محاميه
ميلان : يس
مشاعل : الله جوييييييي
ضحكت : تصدق فيصل يوم ركبت قال ودي اسوي اي شي غلط علشان تدافعين عني
ضحكو وكملنا سوالف

قبل أذان الفجر بنص ساعه
رقو مشعل ومشاعل وميلان غرفهم ونامو

عند رنيم كانت تسوي سكن كير ومشله اغاني وتصور فلوق لنفسها بالايباد وجتها رساله من< . > فهد وانتبهت عليها وفتحت الرساله ونفس العاده يهدد ارسلت له : انت ماتمل خلاص كبر عقلك ياطفل

شاف الرساله وجلس يهاوش صورت المحادثه وطلعة
وبدلت ولبست عباتها وراحت لتميم تميم بدور الثاني مع العزابيه

<توضيح:البيت ادوار الدور الاول الي هو الأساسي الي فيه المجلس والمقلط والصاله والمطبخ والباقي الدور الثاني الي فيه العيال العزابيه والدور الثالث البنات
مو متزوجين الدور الرابع المتزوجين  >

طقت الباب وطلع وهو لابس فنيله وسروال ويفرك عينه بيده شافها وقال تميم : ......