الجنون عيونك وعيونك وطن

١٥

رنيم
دخلت وسلمت وكنت اشوف فارس عيونه تتبعتي بس ماهتميت وجلست وقالت ام تركي : رنو ياعمري عادي توزعين القهوه
رنيم : أكيد ياقلبي
قمت وبديت اقطعها حطيتها في الصحون وزعت عطيت جدي وابوي وخوالي
*ابو نايف مسافر *
عطيت تركي بعدين فارس وطاحت طرحتي ولما مديتها قال بحده : بنت غطي شعرك
وكان يناضر توترت وحطيت الطرحه وصلت عند فيصل صبيت له قهوه وصب على يدي شوي تالمت بس كملت
انتبه فيصل وقال : روحي غسلي انا اكمل
رحت للمغسله وكمل فيصل كنت واقفه عند المغسله اغسل وكانت تحرق على خفيف رحت المطبخ اطلع شنطه الاسعفات الاوليه اخذتها وحطيت كريم الحروق دخل فارس وقال : رنيم وش فيك
رنيم : ااا لا ووولاشي
فارس قرب ومسك يدها وناضرها : تبي ثلج دقيقه
راح فتح الفريز وجاب كيس وحط فيه الثلج : حطيها على يدك
اخذتها وشكرته ورحت للمجلس شوي وجاء دخل وجلس وجلسنا نسولف وانتبهت لأبوي انه تعبان بس عديت الموضوع وخلصنا القهوه ونزلو البنات وحطينا الغدا وجلسنا ناكل خلصنا ورقا ابوي لغرفته ورحت وراه دخلت معه وجلست معه : بابا شفيك تعبان؟
قال : لابس مصدع
رحت جبت له بنادول وطلعت ونام

جاء لمي فارس وقال : رنيم بقولك شي
رنيم : اسلم
فارس : اليوم المغرب اول جلسه بالمحكمه
شهقت رنيم : هاه وشو من متا وكيف اطلع وأهلي

فارس : هدي عادي عمي تميم على أساس بتروحون تتقهون والساعه ٦المغرب لازم تكونين جاهزه ماعليك انا وعمي تميم وابوك وفيصل ومشعل والمحامي مالك

رنيم بغصه : طيب خايفه

فارس : افاا خايفه شكلك نسيتي الي قلته يوم السياره

اكتفيت بهز راسها بنعم وراحت غرفتها وجلست تدعي ان ربي ينصرها عليه

قبل المغرب بدت ترتب نفسها تتجهز لبست بدله وعبايه
وحطت شوي ميكب ورفعت شعرها ولبست جزمتها وتبخرت وطلعت بعد ماتميم دق عليها نزلت وركبت مع ابوها ولاحظت ان ملامحه مرهقه بس ماحبت تتكلم وصلو المحكمه وزلو جميع وقفو ينتضرون مالك قرب فيصل وحاوط كتفها : ماعليك والله ماسوي شي ومالك بيخلص القضيه اليوم
تنهدت وجاء مالك وسلم عليها قال : رنيم جاهزه
هزت راسها بنعم كمل : اهم شي تبينين انه ماهمك وانك موخايفه ومالك إلى الي يرضيك
ابتسمت وشكرته ودخلو جلسة ينتضرون إلى ماجاء دورهم
نادا السكري : المحامي مالك وموكلته رنيم
قامت رنيم ودخلت القاعه وجلسو وبدت الجلسه وكان فهد ومحاميه موجود

القاضي : بسم الله الرحمن الرحيم نبدأ الجلسه الأولى
على المذكور عندي القضيه قضيه ابتزاز وتهديد الاكتروني صح
مالك : صح
القاضي : يتكم المحامي مالك
مالك : اول شي السلام عليكم
*نسوي سكب للي صار لان مافيه شي مهم المهم انها ربحة القضيه *
فيصل

طلعنا من القاعه وحضن رنيم ابوي وكانت فرحانه لان خلاص ماعاد فيه تهديد ولا خوف حضنته ودفنت نفسها في حضنه وكانت تبكي مسكت وجهها ومسحت دموعها وقلت : وش الي يخليك تبكين الحمدالله خلصنا وراح وصفحه وانطوت
حضنتني وبادلتها وشكرت فارس ومالك وتميم ورجعو البيت وكانت رنيم مبسوطه مره وصلو ونزلو ومر اليوم

اليوم الثاني دق بهاج على ترف الساعه ٧المغرب
ردت : هلا
بهاج : هلابك ترف انزلي تحت ابيك بالحوش
ترف : تمام

نزلت وجت للحوش الخلفي وبدأ يتكلم : بدون مقدمات انا ابيك بالحلال انتي موافقه

ترف
دق علي بهاج ونزلت وصدمني بكلمته وكان احظ صب علي مويه بارده ماقدرت اتكلم وكمل كلامه : معك مهله اليوم كله وبكرا تردين
هزيت راسي ورحت غرفتي
وجلست افكر وأخذت قراري ومن التعب نمت

ميلان
اليوم ماداومت طلب من مالك قالي اليوم مافيه دوام وماجازلي وضع ابوي واخواني وخالي تميم ورنيم وفارس بس عديت الموضوع بمزاجي رحت جلست مع الحريم وجلسنا نسولف وصلت رنيم وخالي تميم واخواني وابوي وجلست رنيم معنا هي وتميم وابوي واخواني راحو لرجال وجلسنا انا والبنات كلنا نسولف وفقدنا ترف قلت : بنات وين ترف؟
جيلان : نايمه
ميلان : على كيفها انا بروح اقومها
ام سليمان : ايه تكفين
راحت ميلان وقومتها قامت ترف : نعم
ميلان : ماجازلي وضعك وش عندك
ترف : ابد ولا شي
ميلان : طيب يلا انزلي ندور فعاليه
ترف : يلا
نزلت ميلان
ترف
فتحت جوالي وكتبت لبهاج : انا موافقه ورقم ابوي عندك .
وسكرت جوالي ونزلت

بهاج
شفت الرساله من هنا ورحت لعمي من هنا مسكته وجلسنا في المجلس لحالنا
: عمي انا بدخل بصلب الموضوع انا طالب ايد بنتك ترف بتعطيني ولالا
عمي : وانا موافق بس باقي اسألها اذا وافقت بكرا الخطبه الرسميه
قمت وحبيت راسه وشكرته ورحت غرفتي وأرسلت لها
: وانا عند كلمتي وكلمت ابوك الباقي عندك

ترف
ارسلي وطرت من الفرحه وكملت سوالف مع البنات
وبالليل جاء ابوي عندي وعلمني وقلت : الي تشوفه مناسب
عبد الرحمن : انا اعرف بهاج والله انه نعم الرجل وماحنا بلاقين أزين منه لك انا موافق وابي اسمعها من ثغرك
استحت ونزلت راسي وقلت بهمس : موافقه
ابتسم ابوي وطلع وانا انسدحت وجلست افكر

اليوم الثاني
قال بهاج لأهله قبل الفطور ووافقو ونزلو يفطرون وكان ابو سليمان قايل للجد جلسة والكل بدا يفطر بعد ماجتمعو كلهم قال الجد : اليوم جاني خبر ان وحده من بناتي بتعرس
صرخو البنات وجلسو يتلفتون وانا ترف استحت
وقالت ميلان : اصبرو بحلل
ضحكو كلهم وقفت جنبها نرجس وقالت : مستحيل حقين القهوه
فهم فيصل وعرف انه مقفوط وضحك وجلسو يتهامسون وفجأه صرخو
قال الجد : عرفتو
ميلان : ايه ترف وبهاج
ضحك الجد بمعنى انه صح وصرخو البنات وحضنو ترف
والعيال والحريم يباركون لبهاج وكمل ابو سليمان : ملكة بنتي بكرا واليوم بنروح للشاليه وننام فيه علشان بكرا مانتاخر

قامو البنات وبدو يجهزون الأغراض وكل وحده استلمت مهمه
ميلان ونرجس يرتبون المشاريب
ورنيم وريف يرسلون الدعوه للناس
لين والين يدورون شاليه
جيلان هيام يحجزون الحلى والمالح
اريام ومشاعل يجهزون الثيم حق الملكه
توق الكيك

بدو البنات يسون شغلهم وماذن العصر إلى هم مخلصين من كل شي وارسلو للناس الدعوه ودقت رنيم على تميم : خالي بنروح السوق الحين
تميم : ياليل يلا بسرعه انا تحت
سكرو البنات يلبسون عبياتهم وقالت توق : انا ماراح اروح معكم عندي فستان وتعبانه أبي اريح
طلعو البنات مع تميم وصلو السوق وانتشرو يدورون فساتين خلصو وراحو اخذو اغراضهم من البيت وراحو الشاليه وبدو يجهزون اغراضهم الساعه خلصو كل التجهيزات ولبسو بجايم طقم وطلبو قهوه وجلسو بالحوش وكان الرجال لهم قسم والحريم قسم جت قهوتهم وكانت رنيم بتستلمها وتذكرت كلام فارس ودقت عليه رد : هلا.
رنيم : اهلين فارس تعال استلم طلبنا
فارس : يلا
________________________________
اتمنى البارت عاجبكم تعليقات