الجنون عيونك وعيونك وطن

6

فارس دخل المجلس الصغير لأن الكبير فيه رجال انسدح على الكنب ونام

برا عند الحريم
العنود : بشري رنيم وش يقول الدكتور
رنيم : عادي بس حرارته كانت مرتفعه واصله اربعين
هيام : طيب ليش ماقلتو لي
رنيم : أنا خفت من حرارته كانت مرتفعه وعلطول ناديت نواف يساعده واريام تكون معنا
عذوب : الحمدلله اهم شي انه بخير
رنيم : صادقه خالتي

سكرو السالفه
اليل فارس تحسن مره وبدأ يقوم ويروح ويجي وشكر رنيم على فزعتها وردت الشكر

طلعو البنات وتميم فوق السطح وجهزوا جلسه و البروجكتر علشان يشوفون موفي جلسو يتابعون إلى الفجر

الفجر قام الكل ورتبو السطح وراحو غرفهم ونامو

الضهر قامت رنيم بنشاط لأن اليوم عرس مشعل ومشاعل قامت ونزلت وكانو بيروحوا يتجهزون بالقاعه وحاجزين ٣ ميكب اراتست ٤ هير ستايل للكل
وصلو القاعه وكانو حقين الكوشه موجودين يرتبون
رنيم قررت تنزل تشوف العمال وش سوو نزلت بالمصعد عليها بجامه بيبي بنك حرير ومسويه شعره بكرات وحاطه ماسك ومعها قهوتها ولابسه عبايه بس مفتوحه
نزلت بالمصعد وصلت اول مانفتح الباب لقت بوجهها
فارس اول ماشفته سكرت عباتها وعدلت الطرحه وهو صد رنيم : هلا فارس بشر عسى مارجعت الحراره
فارس : هلابك لا ابشرك مارجعت
كان فارس واقف قدام الباب نطقت : فارس بعد شوي بطلع
فارس : وين فيه عمال
رنيم : ادري بروح اشوف القاعه
عصب فارس : ان شاء الله ببجامتك
رنيم : أكيد
فارس : شفت القاعه زين وشغلهم زين وانتي امسكي
عطاها فستان امه وكمل : عطيه امي ولا اشوفك نازله كذا في بجامتك
رنيم تنرفزت ورجعت الفستان له : اتوقع مالك شغل انت مو ابوي ولا اخوي
فارس : رنيم لاتنرفزيني يلا ارقي
رنيم : أنا قلت مالك شغل
وطلعت من المصعد ومشت شوي ومسك يدها : تعالي
سحبها ودخلها المصعد ودخل معها وسكر الباب
سحبت يدها وصرخت : خيررر وش تبي تراك مو من محارمي لاشوفك ماسك يدي والله لعلم ابوي سمعت
اسكت فارس وصد وهي صدت انفتح الباب وطلعت وهو دق على امه : يمه تعالي خوذي فستانك
العنود : تمام الحين اجي
سكر وجلس ينتضر

داخل عند الحريم
دخلت رنيم والعنود تكلم

سكرت العنود : رنيم عمري خوذي فستاني من فارس برا
رنيم تحاول تصرف : انا بدخل دوره المياه
العنود التفتت على هيام : روحي خوذي الفستان
طلعت هيام

برا
فارس جلس على كراسي الانتضار وفتح تويتر وكتب :

شعور الغيره سيء ويحرق القلب بشكل لا يُطاق

نشر التغريدة وجلس ينتضر جت هيام واخذت الفستان ودخلت

وعند رنيم
طلعت من دوره المياه ومسكت جوالها وفتحت تويتر وشافت تغريده فارس وسكرت الجوال

بعد وقت كانو البنات خلاص بيخلصون ورنيم تفكر في الي صار والتغريده ومين يقصد

قربت ريف منها : وشفيك
رنيم : هاه لا ااا ولاشي
ريف ماحبت تزعجها : أها تمام
راحت ريف وفتحت رنيم تويتر وكتبت :
حتى وانا بينهم بالي معاك .