الجنون عيونك وعيونك وطن

5

تميم : طيب وش كنتي تقصدين
رنيم : أبي اكمل دراستي
تميم بمزح : الحين لو تقدم لك عسكري قبلتي علشان تفتكين من الدراسه
ضحكت رنيم وكانو للحين واقفين عند باب الاستراحه عند السياره
لمحت رنيم فهد يصورهم وقالت : تميم فهد يصور يحسبها دليل ههههههههه
ضحك تميم ومسك يدها ركبها بسياره وسكر الباب وركب هو ومشى جلسو يتمشون وقفو عند وحده تبيع شاهي نزلت رنيم وطلبت اخذوه ركبو السياره وشغلو اغاني وكملو إلى الساعه 3
رنيم : ترا جاني النوم مافيه فعليات
تميم : إلى فيه خوذي جوالي ودقي علي امك
رنيم عقد حاجبها : ليش
تميم : قولي لها تجهز لك ملابس عند باب الملحق احرصي يكون بنطلون وبلوزه مريح لأن بنجلس إلى الصباح
رنيم : تمام
دقت وقالت لها وحطت عبير ملابس عند باب الملحق الي بجنب باب الشارع الخلفي وقف تميم ونزلت اخذت الملابس دخلت الملحق وصرخت بخفه من شافت
فارس و مشعل
شاف مشعل الملابس وعقد حاجبه :وش الي بيدك
رنيم : ملابس
مشعل : ليش تلبسين هنا
رنيم : مستعجله
فارس : وين في هاذا الوقت بعدين واضح توك جايه
رنيم : ياليل لاتستجوبوني كنت عند عماني طلعنا وركبت مع تميم وتو جيت ابل فستاني وبطلع معه ابوي وامي يدرون
فارس ومشعل : أها طيب برا
شمقت وطلعت للحمام وبدلت وحطت فستانها بكيس وحطته في الملحق وطلعت شافها تميم : يلا
ركبت ومشى : وينك ليش تاخرتي
رنيم : دخلت الملحق وكان فيه فارس ومشعل وجلسو يحققون معي
ضحك تميم وراحة سوبر ماركت واشترو أغراض فطور
وطلعو وراحو للبر ونزل تميم ونزل الفرشه <سجاد> والعزبه <شنطه فيها اغراض طبخ وقهوه> وجهز المكان اذن الفجر قامو صلو جميع وجلسو يسوون قهوه والفطور خلصت القهوه وكان برد شوي وقام تميم وراح عند مجموعه حطب وقبل ماياخذ قالت رنيم
رنيم : خالي تميم سوي اي حركه بصورك عدل العمامه وكان لابس لشماغ على شكل عمامه وثوب اسود
سوى قلب وصورته وجاب تميم الحطب وشبه وبدو يتقهوون وبعدين جلسو يسوون الفطور خلصو وافطرو
وشالو اغراضهم لأن صارت الساعه 8:30 خلصو وركبوا السياره وتجهو للبيت شكرت رنيم تميم ونزلت من الباب الخلفي دخلت الملحق كانت تبي فستانها وشافت فارس للحين موجود بس نايم وجواله مفتوح ولابس سماعه قربت منه وشالت سمعاته وسكرت جواله وجابت لحاف وغطته
<فارس >
حسيت احد دخل وكنت نايم بس نوم خفيف وعلطول قمت بس سويت نفسي نايم من قالت : الغبي ذا ليش نايم كذا
قربت وشالت السمعات والجوال سكرته بدون ماتقلبه وحطته جنبي وجابت لحاف وحطته علي وقالت : اخخ يافارس ليش ماتحس ليش انت بارد وبس تحارش انا محب كذا والله محب تكفى لاتعيدها حتى لو تغيرت ومافهمت عطني فرصه مو ترجع تكفى وربي تعبت نوم العوافي
قامت وطلعت وانا فتحت عيوني وجلست اهوجس بكلامها فهمت وش تبي وكملت نوم

رنيم
راحت الشقه وشفت ابوي وامي يتقهوون
دخلت وسلمت وجلست اسولف بعدين رحت غرفتي وتروشت ولبست بجامه ونمت العصر دق جوالي شفت المتصل وكانت اريام رديت بصوت نوم : نعم
اريام : رنو وينك
رنيم : نايمه بغرفتي
اريام : عادي اجي عندك
رنيم : حياك
شوي وجت اريام

رنيم : يلا قولي وش عندك
اريام : وينك أمس باليل ماجيتي مع اهلك ؟
رنيم : ايه ليش .
اريام : كنت بكلمك بموضوع
رنيم : كم الساعه
اريام : يمكن 1
رنيم : ايه كنت مع خالي تميم كان يكلمني بموضوع
اريام : طيب وين فارس تدرين من امس ادوره ومالقيته
رنيم : هييي انا مو سعود ترى انا رنيم جايه تسألين عن اخوك عندي
اريام : ياخي مشعل طالع والعيال يقولون انهم مايدرون وينه ولامعي رقم مشعل كلمي عليه اسأليه
رنيم : تمام
رفت جوالها ودقت على مشعل
مشعل : هلا رنو
رنيم : هلا فيك إلى بسألك اريام تدور فارس تدري وينه
مشعل : لا مدري
رنيم : خلاص لاتشغل بالك
سكرت وقالت اريام : يعني وينه
رنيم :يمكن مشغول انتي روحي ولا جاء كلميه مو ضايع
راحت اريام وقامت رنيم بدلت ونزلت راحت للملحق لأنها شكت انه هناك دخلت وان الملحق باردددد
وفارس نايم وباين انه بردان سكرت رنيم المكيف وقربت منه وحست انه تعبان حطت يدها على جبهته ولقتها حاره جلست تصحيه وبلموت قام : همممم
رنيم بخوف : فارس فيك شي وش تحس فيه
فارس : مدري رنيم بس احس اني متكسر ولافيني حيل
رنيم : طيب سيارتك وين عند الباب الخلفي ولا الأمامي
فارس بهده حيل : الخلفي
رنيم : طيب لا تتحرك بروح شوي واجي من تبي اريام ولا هيام
فارس : اريام احسن وجيبي نواف
رنيم : تمام بشوف دقايق
طلعت رنيم ركض ونادت اريام وجلست تدور نواف ولقته جالس
رنيم وهي تلهث من التعب : نواف
نواف بصدمه من شكلها : نعم وش فيكم شي
رنيم : فارس تعبان تعال ساعدني نوديه المستشفى
نواف : وينه و...
ماكمل وقاطعته رنيم : نواف تكفى مو وقت اسأله
راحت رنيم ولحقها نواف واريام وصلو الملحق دخلو وتقدمت رنيم بعد مارفعت شعرها : نواف بروح اشغل السياره انت واريام جيبوه عند الباب الخلفي
اريام : تمام
أخذت مفتاح سيارته وراحت فتحت السياره وشغتها وجلست تنتضرهم
شال نواف فارس وراح للسياره
<رنيم تعرف تسوق بس مامعها رخصه >
ركب فارس ورا وانسدح على رجل اريام ونواف قدام ورنيم تسوق بعد شوي وصلو المستشفى دخلو عند الدكتور فحصه قال الدكتور : حرارته عاليه ليش توكم تجيبونه
رنيم : تغير مفاجاء الفجر مافيه شي ونام قام العصر تعبان
قارس منسدح على السرير ومفتح بخفيف وجالس يشوف رنيم تتكلم بثقه
الدكتور الحين ماقدر اسوي شي بنحط له كمادات إلى ماتخف الحراره بعدين نقدر نتصرف طلعت رنيم من الغرفه وقالت لنواف واريام الي قاله الدكتور بعد حوالي ساعه نزلت حرارة فارس وعطاه الدكتور ابراه ومغذي

طلع الدكتور وقال لرنيم : الحين زوجك تمام بس اهتمي باكله سويله شوربه خضار كذا
استحت رنيم وقالت : مو زوجي اخوي المهم متى بيطلع
الدكتور : لاخلص المغذي تفضلو
دخلو عليه وقالت رنيم : ننن زوجك يلا بس مناك
ضحكو عليها ورنيم تحاول تنشط فارس تحارشه علشان يصحي دق جوال رنيم وكانت عبير ردت
عبير : رنيم وينك مو في البيت صح
رنيم : ايه طلعت ونسيت اقولك كنت مستعجله
عبير : وين رحتي ومن معك وليش مستعجله
رنيم : فارس كان تعبان وديناه للمستشفى انا ونواف واريام
عبير : طيب كيفه الحين
رنيم : بخير ابو 20 دقيقه وجايين

سكرت وجلسو ينتضرون خلص المغذي
بعد 15د خلص المغذي وكتب الدكتور لهم خروج
طلعو ونواف يدف فارس بالعربيه ورنيم واريام وراهم ركبو السياره ونفس قبل نواف ورنيم قدام واريام وفارس ورا شغلت رنيم وقفت عند صيدليه ونزل نواف اشترى الادويه وكملو وصلو البيت ونزلو ودخلو وكانو الحريم والبنات جالسين بالحوش ونواف ساند فارس لأن حيله مهدود ورنيم واريام وراهم اول مادخلو فزت العنود من الكرسي وقربت لمه بخوف : فارس وش فيك
فارس : تعب بسيط
هيام جت تساعده ونواف.........

🦋🦋🦋🦋🦋🦅
احبكم