للقلب رأي آخر®(تاج المالك ج3 )(ملاكي الحارس ج2 )

الفصلُ الخامس®

السلام عليكم ورحمةُ الله وبركاته😁

لا تدع القراءة تلهيك عن الصلاة🥺

لا تنسوا التصويت⭐ عشان أنزل البارت اللي بعده يا جميل🤫

#حساب_الكاتبة_الرسمي

صلّ على محمد ﷺ

®®بسم الله®®

حضروا مناديل للبارت😂 وأنا هحضر سكاكين للي مش هيتفاعل😒😂
نزلت البارت النهاردة لأني مش ضامنة النِت يوم الجمعة، أنتظركم الجمعة بعد المقبلة أحبائي

#للقلب_رأي_آخر
#رومِنتيكا
#حسابي_الأصلي

®®®®®
كانت تاج تجلس مع ماسة التي قالت لها للمرة الألْف

:فكريني كدة احنا قاعدين هنا لي؟

ضحكت عليها تاج وتقول

:عشان أنا بكره الدم وريحة الدم وأي حاجة ليها علاقة بالدم.

: فعلاً يا أميرتي كل مدى بتأكد إنك رقيقة بشكل مُلفت.

:ياه من زمان مش قولتي "أميرتي".

خجلت ماسة وحمحمت تقول مغيرة الموضوع

: طيب واحنا قاعدين ما تحكي قصة كدة أو حدوتة؟

ضحكت تاج بلطف تقول بعد تفكير

:عايزة أحكي عن إي؟

نظرت لها ماسة بعمق وقالت

:تعرفي يا تاج ، أبيه مالك بيحبك أوي، وأنت تستحقي كدة.

ابتسمت تاج لها تشد خديها بلطف تقول

:بس يا شقية عندك (١٢) سنة وبتتكلمي عن الحُب، عرفتيه إزاي أنت؟ وأنا قدك كنت بفكر أقنع أهلي إزاي بالنقاب.

قالت ماسة براحة

:لاء لاء، النقاب هسيب المهمة دي ليك تقنعي أبيه مالك مش شايلة همها، أما بقا عرفت إزاي عشان هو قالي اطلعي يا ماسة اقعدي مع تاج عشان الكتكوتة العصفورة قاعدة لوحدها وأنا قلقان عليها عشان هي أرق من أن تترك لوحدها!

نظرت لها تاج ورفعت أحد حاجبيها تقول بتساؤل ولم تصدق نصف كلامها

:مالك قال كدة؟

:مش بالضبط يعني!

زفرت تاج بيأس وانفجرت ماسة ضحكاً لتقول بزهق

:قولي حدوتة بقا زهقانة، أو اسألي أسئلة، كل واحد يسأل التاني.

أنهت كلامها بحماس لتقول تاج وقد أعجبتها الفكرة الأخرى

:حاضر ، هسألك سؤال.

نظرت لها ماسة بانتباه لتقول تاج

:كم عدد أولاد النبي ﷺ؟واشرحيهم بالتفصيل؟

نظرت لها ماسة وقالت بتركيز

:هما سبعة، أربع بنات، وثلاث صبيان،
البنات هنّ( زينب، ورقية ، وأم كلثوم، وفاطمة)
والصبيان(القاسم، وعبدالله، وإبراهيم)