#وادي_الدهر
بقلم هرم خآن
انا بكِلهن متت بس گبر ما طَبيت .
...........................
سكتت لمن كمل كلامه السيد وگـال
- هل انتِ موافقة على الزواج من أكرم فاضل اسماعيل ؟
عمت عينهم شلون يزوجوني اخو باقر شلووون
عمي يضرب بيه بخفة ايده خاف يسمعون والسيد يكرر كل ساعه كل الانظار عليه منتظرين جوابي واني مصدومه بالجاي يصير والجاي اعيشه لحد ان كلت
آثام :- لا عمو ما موافقه
صار صوت عمامي عالي وعمي ضرغام كفخني ؏ شفتي خلى دمي ينزل ؏ حنكي واني ما مهتمه صافنه بالفراغ
مادري شصار دخل عمي حاتم يكفر ويغلط وصوت السيد عالي يحجي عن الزواج بالإجبار وزواج القاصر
بقيت كاعده بمكاني ومادري الضرب منين يجيني ويهددون بيه ويغلطون ويكفرون
عفتهم ورحت للغرفه ساعتين من الهوسه والصياح دخلتلي كرستين
كرستين :- ابد لا توافقين ابد ابد
هزيت راسي لا بمعنى ما اوافق ابتسمتلي وطلعت لمن صار هدوء ورا دقايق رجعت الهوسه والصياح ومن بين صياحهم اسمع صوت بزونتي
ركضت لكيتها بالمطبخ والجهال يكتلون بيها يردون يطلعوها ملختهم تملخ
ياهوه اشوفه كدامي اعضه بسنوني لمن اطلع روحه اعوفه
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
