وادي الدهر

Part 23

‎وادي_الدهر#

الكاتبة: هرم خآن

هَلِي و المَاله اهَل مَاعَنده عَنوان !
........................

عفته و طلعت لكيت سكينه كاعده بغرفة سمانة تتصل ؏ مهدي ما يجاوب و سمانة تهدي بيها

سكينه :- ما يجاوب ما يجاوب ادري بي هوَ بخير بس اريده يجاوبني حتى يرتاح گلبي ليش هيج يعذبني اخويه ليش

التفتنه ع طبكت الباب وصوت المفتاح انقفل من برا
صوت ضحكة ارسلان حجه يضحك مستهزئ

ارسلان :- ما جان لازم تثقين بيه نصحج مهدي مني وماسمعتي كلامه من كل عقلج اترك ثار اخوي واخليكم تبعدون امي عني وروح اخويه اله اخليكم تمشون وتلتفتون و احرمج من رقيه مثل ما حرمتو امي من ابنها

ركضت افتح بالباب مقفوله
التفتت ؏ سكينه و سمانة اباوع مستغربه
سكينه هدت التلفون وكامت ؏ حيلها تفتح بالباب دكتها بكل قوتها

سكينه :- لا ارسلان لا اني امك ورقيه اخيتك ثقيت بيك ارسلان مهدي منعني من شوفتك بس گلبي ما انطاني احسبك وليدي من اجيت وشفت طولك الحلو كلت تعوضت ارسلان ادري بيك جاي تشاقه وهسه تفتح الباب ماتخون ثقتي بيك ارسلان يمه

البيت سنطة كعدت بالباب مرخيه راسها ؏ الباب بجت ادك بالباب
و سمانة كامت ؏ حيلها ادك بالباب بكل قوتها و صيح بارسلان وماكو منه أي جواب

سكينه :- ثقيت بيك ارسلان ثقيت بيك عليك الله افتح الباب عوووف بنتي ارسلاااان

راحت سمانة ادور بالكنتور بلكت تلكه مفتاح احتياط لباب الغرفه
مالكت كعدت تفرفح وتدعي على ارسلان و على امه
وسكينه خنست ساكته ماترمش صافنه بالفراغ

سمانة اتصلت على ابو ثمامة كال جاي
كعدنه ننتظره ساعتين ونص وماكو و سمانة تتصل ؏ ابو ثمامة بعد ما يجاوب لحد ان سمعنه طكت المفتاح التفتنه كلنه

انفتح الباب وسكينه كامت بسرعه تريد تطلع وتصنمت بمكانها من شافت مهدي واكف بطوله بالباب
ايده مجبسيها و جه كله خدوش وجروح و جف رجله ملفوف بشاش

باوع السكينه بنظره بارده كانما يعرف كل الصار ومامهتم !
دار وجه ومشه
وسكينه ركضت الغرفة رقيه مالكتها ردت لزمت مهدي رافعه راسها عينها بعينه

سكينه :- مهدي بنتي راحت من ايدي

مهدي :- خلفي غيرها

عافها و راح للمطبخ و هيه من الصدمه كعدت بالكاع
تضحك تهز بايدها
- لا ربحتي سكينه اخذ حكج اخوج

سمانة :- كومي حاجي كومي يمكن مايدري بالسالفه فهمي روحيله تلاحكوها للبنيه ترا هذا خبل وماندري وين اخذها