#وادي_الدهر
بقلم الكاتبة : هرم خآن
وشتضني راح اخاف من ابقه وحدي !
اكثر من السحر بايت بالمكابر
...........................................
صار البيت هدوء ودائمًا ما بعد الهدوء عاصفه
فزيت مرعوبه ؏ صوت صراخ زمزم تصيح باسم مهدي
كمزت من مكاني بخوف طلعت ركض ؏ الصوت جاي من الحوش
وكفت باب الحوش
وجمدت اطرافي وشهكت فازه من شفت مهدي ..
مهدي تارس روحه نفط
وبصفه گلن النفط
وبيده جداحه كاعد بالكاع ماد رجله منتهي عيونه دم ويضحك اسنانه كلها طالعه
و زمزم تريد اجر الجداحه من ايده مايهدها
ركضت نزلت المستواه لزمت وجه باثنين ادين اريده يباوعلي و هوَ ما حاس بالدنيا يضحك واكتافه مرخيه
زمزم خلت شيلتها ؏ راسي وكعدت تفتح باصابعه اصبع اصبع لمن توصل للاخير يرجع يسد قبضة ايده ؏ جداحه
آثام :- اسفه والله اسفه مو قصدي
مهدي :- امي حلوه بس تعبت تعبت شعرها شعرها كله وكع بهذني الادين بهذني شوفيهن جانن صغار ، امي حلوه امي انهارت كدامي مثل شجره بخريف
من فتح ايده يشوفنياهن زمزم بسرعه لكفت الجداحه
التفتت عليه بسرعه ضم راسه بصدري مايريدني اشوفه يبجي
شهك شهكه بس الله اعلم بوجعها بگلبه
أنت تقرأ
وادي الدهر
Любовные романыيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
