#وادي_الدهر
بقلم الكاتبة : هرم خآن
چَنت أتباهىٰ بّيك وفَشلتني !
..................................
فزيت ؏ دكت الباب رفعت راسي شفتها سكينه خزرتني خزره وكفت گلبي
ستأذنت من المدرسه وگالت
سكينه :- آثام جيبي جنطتج وتعاي
اخذت جنطتي خايفه طلعتني من المدرسه اخذتني للبيت
ما حجت شي لمن نزعت وبدلت وكعدت شويه ارتاحيت واجت لوت اذني حيل صحت موجوعه ادفع بيدها
سكينه :- ولج تصاااادقين بنات تعبانه ماعرفو اهلهن يربوهن بنات سماجه وطلعين وياهن وتكعدين باخر رحله علمودهن وتعوفين درس كامل وترجعين للصف متأخره ولج شلكيتي بيهن حتى تصادقيهن عجبج فشااارهن لو عجبج شكلهن لو سمعتهن
آثام :- انتِ شعلييييج بيه هنه صديقاتي واحبهن
سكينه :- تحبيييهن ولج المدرسات كامن يشكن منج ليششش علمود بنات خايساااات اهلهن ماعرفو يربوهن ولج اني احسبج بنيتي تعرفين شنو بنيتي لو امج عايشه تقبل تصادقين هيج شله تعبانه؟
آثام :- بس امي ميته
سكينه :- واني شنووو هااا حتى لو ميته تردين تخربين سمعتها شحلاتج لو حبابه وشاطره ويترحمون ؏ امج ويذكروها بكلمه حلوه ؏ هيج بنيه شاطره ومؤدبه وتربيتها حلوه
آثام :- بعد ماعيدها
سكينه :- ولج والله يودنج بداهية ما سامعه هاي القصص اشكال والوان يضحكن عليج ويودنج بغير طريق اني شسوي والله اموت اذا صار بيج شي والله اتخبل
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
