#وادي_الدهر
بقلم هرم خآن
يَـ باب الله شَوكت تَفتك
يـ ضِيم الله شَوكت نضحَك !
...........................
- ماريد مااااريد ماريد كلتلج ماريد ولي
طلعت ركض شفت رقيه كاعده بالصاله تتريك لابسه حجاب ساعه ب8
والبلابل يطيرن يدخلن الوحده من الغرف ويطلعن
طلعت سكينه من الغرفه عاكده حاجبها خزرتني وراحت للمطبخ
رقيه اشرتلي تعاي
كعدت يمها صافنه ؏ الغرفه الطلعت منها سكينه صوت البلابل سطر راسي
صبتلي جاي وقدمته الي مديت ايدي اكل كل ساعه امد راسي اريد اشوف هاي العجوز منو بس ما تنشاف
سكينه :- اذا تردين تضلين هنا لا تضلين تفترين بلا حجاب
آثام :- اني ما البس حجاب
سكينه :- جا مالج عيشه ويانه
حجتها وهيه معصبه مدري هيه هيج ملامحها
والله عزت عليه نفسي هديت الاكل وطلعت احاول ما ابجي بس دموعي دوم يخونني مشيت امسح بدموعي
كعدت بالصاله يم عماتي وبقت وحده تخزر بالثانيه يباوعلي مستغربات
رسمية :- وين جنتي
آثام :- شعليج
درت وجهي عنها الضهر والوجوه انكلبت دخل عمي يهيع لزمني من شعري يطك بيه ويغلط ويسب واني كلشي ما فاهمه جرني الغرفه وقفل الباب نزع عكاله يضرب ويسب
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
