وادي الدهر

Part 12

#وادي_الدهر

بقلم هرم خآن

حوبة الأبيض گلب ، تحرگ خضار ايامكم .
..........................

كرستين :- كومي ولج بلوه بلوه وكعت فوك راسي

كعدت ؏ حيلي وهيه عين ؏ الباب وعين عليه ترجف وعيونها مليانه دموع

كرستين :- عفيييه آثام التلفون خليته بالمطبخ ومالكيته انتِ ماخذته حبابه كولي عندج ولج گلبي راح يوكف من الخوف كلشي بي كلشي اذا صار بيد عمامي والله يذبحوني والله

آثام :- لا لا مادري يا تلفون مادري شبي هوَ شبي؟

كرستين :- سوده بوجهج كرستين صخام الصخمج ولج انفضحت انفضحت والله راح يكتلوني ربي دخيلك ساعدني

ضربت ؏ رجلها باثنين ادين تحير شتسوي حتى بجي ما كادره تبجي خاف يسألوها شكو تبجين وتنفضح
سألت الكل وكلها كالت مو عندي واني كل ما تباوع بعيني ارتبك حيل ماكدر عيوني مفضوحه

فواتحهم ماتخلص من اجيت لحد الان والخطاطير رايحه جايه للـ12 اله يمدون رجلهم حتى عشه مايتعشون

البنات هستوهن جاي يحمن العشه حتى نتعشه ب11 واندك الباب كلنه ضجنه حتى عمامي وعباس يصيح

عباس :- لا تفتحوها يابه والله بطونه تكطعت من الجوع مو وكت الخطاطير