#وادي_الدهر
بقلم الكاتبه : هرم خآن
دَاويِني تره معَلعَل .
...............................
رقيه بعد ماتتحرك جمدت بمكانها فاكه عيونها
عفتها وطلعت ركض شفت مهدي سبقني يسحل برجله سحل وكفت باب الغرفه و عاهد طلع من نفس الغرفه يضحك مثل مخبل
ومهدي ثاني رجله وكاعد يمسح بوجه سكينه ويستجوبها
مدري شكالتله وطلع واچ نار لزم عاهد من ضهر الدشداشه واخذه سحل للغرفه وطبك الباب ..
ركضت السكينه كعدت بصفها اباوعلها تبجي بهستيريا
آثام :- شبيج ابوج ضربج؟
جرتني الحضنها واني ما بادلتها الحضنه مصدومه حضنتني حيل تبجي ودها تضمني بروحها
دقايق وسمعت صوت عاهد يصيح موجوع صياح رعبني
فكيت عيني مصدومه اخاف من صوت الرجال اليصيح من الوجع مامتعوده اسمعه وسببلي رعب جبير
ابتعدت من حضنها لزمت اديها اباوعلها بخوف
آثام :- شبييي شبي لا يضربه لا يضربه حباب هوَ والله حباب يمكن انتِ غلطتي بشي وضربج
كامت تمسح بدموعها عافتني وراحت للحمام
وصوت عاهد مرد گلبي بجيت منهاره وين اروح طلعت ركض الزمزم لكيتها محنيه شعرها وكاعده كبال الشمس
آثام :- عمه حبابه عاهد يصيح مادري شبي
زمزم :- دميلييي ميلي عن الشمس
فكيت عيني مصدومه ليش محد مهتم
گلبي تكطع من صوته العالي عفت البيت كله وشردت البيت عمامي ختلت يم كرستين خايفه من عمامي خاف يشوفوني وهيه تسألني شكو سولفتلها الصار غلست
اني هم حاولت انسى سالفته وابقى يم كرستين
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
