#وادي_الدهر
بقلم الكاتبة : هرم خآن
لم تكُن رغبتَي بالذهاب
( بس ردتك تكَلي أبقي )
...............................
كام ؏ حيله غسل كوب الجاي مالته رجعه المكانه اخذ البكرة والثوب قبل لا يطلع من المطبخ التفت عليه و گـال
مهدي :- يقال أن الأغنام تمضي حياتها خائفة من الذئاب والحال أن الراعي من يأكلها في النهاية
عافني وطلع واني كاعده بمكاني مصدومه
لــيش !
بس هاي الكلمه جانت ادور بالي ليش !
كمت ؏ حيلي اخذت سجينه من المجر وطلعت للحوش
وكفت بنص الحوش رافعه راسي ساده قبضة ايدي قوي ؏ السجينه
غمضت عيوني وسحبت نفس طويييل وزفرته
مره نقذني من الانتحار عثمان هاي المره محد ينقذني
اموت واخلص ليش ضاله عله على گلوبهم ويحيرون وين يودوني واحد يشمرني ؏ ثاني
اموت واخلص اموت واروح انام يم امي
اشتاقيت لامي اني كافي بعد وصلت حدها محد رايدني بهاي الحياة بس هيه وعافتني ليش ما الحگها المن بعدني باقيه؟
قربت السجينه ؏ بطني غمضت عيوني قوي
الروح عزيزه بس لازم اموت واخلص محد بقالي حتى الثقيت بي راح يعوفني المن باقيه
حاولت و حاولت بس ما كدرت كل ما ردت ادج روحي
شي يمنعني كعدت روحي تعبانه و گلبي ملچوم وين اروح اذا حتى مهدي مايريدني رخيت راسي ؏ الحايط وبجيت بلا صوت
والسجينه لازمتها باثنين ادين صافنه بالفراغ ودموعي تنزل ؏ خدي قطره قطره
كلت راح يجي بس ما اجه !
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
