#وادي_الدهر
بقلم هرم خآن
عِيُونِي التعَب كاعد غَراب وينهَش بجثَه .
....................
ضرب ؏ صدره وطلع من الغرفه وكرستين هزت ايدها مستهزئه
- هسه طلع منا نسى منا بس كون صدك تجي طابوكه تايهة
خلت الملابس يمي وكالت لبسي عافتني وطلعت كمت للباب قفلتها اتلفتت اباوع ركن ركن خاف اكو كامرات
كوه نزعت مدري شبيه مستحيه احس اكو كامره لو واحد يباوعلي من زرف بالحايط
لبست وفتحت الباب دخلت كرستين اخذت ملابسي الوصخات وراحت
واني كعدت طلعت التراجي اريد البسهن واذني أذتني ملتهبه ضميتهن وبقيت كاعده بمكاني
لحد ان انفتح الباب ودخل عباس جرني بدون تفاهم طلعني للحوش شفت فاطمه تبجي وتكتل بالجهال والجهال يصفكون ويصيحون
- دبة حميسسسسسه تاكل هريسسسه
ضرغام :- هاي شنو هااااااي
عباس شرد من يمي واني بقيت واكفه اباوعلهم
شو ولا ضحكت أصلًا انقهرت عليها
عمي صاح بالجهال وهمه شردو يضحكون وفاطمه دخلت لامها بواجي ومن دخلت وراها اشرت عليه مفرفحه تبجي
فاطمه :- وهاي واكفه وتضحككك
كفايه :- البريعصي تضحك هيه شنو الانوثه اذا مابيها لحمه
كرستين :- يا انوثه عمه بعدهن جهال
حضنتني واخذتني للمطبخ بقيت افتر وراها وين ماتروح
وكفت اسوي الغده ويا البنات دك سوالف ولا كانُ عايشات سوا هاي شنو من مواضيع عدهن
بقيت كاعده اسمعهن يحجن ع وحده اتزوجت وجانت تحب مدري شنو
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
